فۋتبولدان قازاقستان قۇراماسى پولشامەن تەڭ وينادى (ۆيدەو)

فۋتبولدان قازاقستان ۇلتتىق قۇراماسى 2018 جىلعى الەم چەمپيوناتىنىڭ ىرىكتەۋ كەزەڭىندەگى العاشقى كەزدەسۋىن پولشا قۇراما كومانداسىمەن وتكىزىدى. 4 قىركۇيەك كۇنى «استانا ارەنا» ستاديونىندا وتكەن ماتچ 2:2 ەسەبىمەن تەڭ اياقتالدى. ماتچتىڭ ءبىرىنشى تايمى پولياكتاردىڭ باسىمدىعىمەن ءوتتى. ويىننىڭ 9-مينۋتىندا پولشا قۇراماسىنىڭ جارتىلاي قورعاۋشىسى بارتوش كاپۋستكا ەسەپ اشتى. ال 35-مينۋتتا قورعاۋشى ەلدوس احمەتوۆ ءوزىنىڭ ايىپ الاڭىندا روبەرت لەۆاندوۆسكيگە قارسى ويىن ەرەجەسىن بۇزدى. ناتيجەسىندە قازاقستان كومانداسىنىڭ قاقپاسىنا پەنالتي بەلگىلەنىپ, قارسىلاستاردىڭ كاپيتانى ەسەپ ايىرماسىن ەكى گولعا جەتكىزدى. ەندى ويىن ورنەگىنىڭ وزگەرەتىنىنە كوپ ادامنىڭ سەنە قويماعانى دا بەلگىلى. الايدا, ەكىنشى تايمدا قازاقستان قۇراماسى شيراق قيمىلداپ, پولياكتاردىڭ قاقپاسىنا ەكى گول سوقتى. ماتچتىڭ 51-مينۋتىندا سەرگەي حيجنيچەنكو العاشقى گولدى سوقسا, 58-مينۋتتا دۋبل جاساپ, ەسەپتى تەڭەستىردى. ۇلتتىق قۇراما كەلەسى ماتچىن سىرت الاڭدا چەرنوگوريا قۇراما كومانداسىمەن وتكىزەدى ايدار ورىسباەۆ