ەلباسى ەكىجاقتى كەزدەسۋلەر وتكىزدى - اقوردا

قازاقستان پرەزيدەنتى G20 سامميتىنە قاتىسۋ اياسىندا بىرقاتار مەملەكەت جانە دەلەگاتسيا باسشىلارىمەن قىسقا كەلىسسوزدەر وتكىزدى دەپ حابارلايدى اقوردا. اتاپ ايتقاندا, نۇرسۇلتان نازارباەۆ رەسەي فەدەراتسياسىنىڭ پرەزيدەنتى ۆ.پۋتينمەن, فرانتسيا پرەزيدەنتى ف.وللاندپەن, گەرمانيانىڭ فەدەرالدى كانتسلەرى ا.مەركەلمەن, كورەيا رەسپۋبليكاسىنىڭ پرەزيدەنتى پاك كىن حەمەن, وڭتۇستىك افريكا رەسپۋبليكاسىنىڭ پرەزيدەنتى د.زۋمامەن, مىسىر پرەزيدەنتى ا.سيسيمەن, سەنەگال پرەزيدەنتى م.ساللمەن, سونداي-اق ارگەنتينا پرەزيدەنتى م.ماكريمەن اڭگىمەلەستى. بۇدان بولەك, مەملەكەت باسشىسى يسپانيانىڭ پرەمەر-ءمينيسترى م.راحوي, يتاليانىڭ پرەمەر-ءمينيسترى م.رەنتسي, ءۇندىستاننىڭ پرەمەر-ءمينيسترى ن.موديمەن ەكىجاقتى ىنتىماقتاستىقتىڭ ءتۇرلى ماسەلەلەرى جونىندەگى پىكىر الماستى. سونداي-اق, قازاقستان پرەزيدەنتى حالىقارالىق ۇيىمداردىڭ باسشىلارى – ەۋروپالىق كەڭەستىڭ توراعاسى د.تۋسكپەن, حالىقارالىق ۆاليۋتا قورىنىڭ باسقارۋشى ديرەكتورى ك.لاگاردپەن, قارجىلىق تۇراقتىلىق جونىندەگى كەڭەستىڭ توراعاسى م.كارنيمەن جانە ەكونوميكالىق ىنتىماقتاستىق جانە دامۋ ۇيىمىنىڭ باسشىسى ا.گۋرريامەن ءوزارا ءىس-قيمىلدىڭ كەيبىر جايتتارىن تالقىلادى.