استانا جىل سايىن ءداستۇرلى تۇردە ۇيىمداستىرىلاتىن قايىرىمدىلىق ماقساتتاعى ءىرى حالىقارالىق مارافون باستالدى. مارافونعا قر پرەمەر-ءمينيسترى كارىم ءماسىموۆ, قر پرەزيدەنتى اكىمشىلىگىنىڭ باسشىسى ادىلبەك جاقسىبەكوۆ, ۇكىمەت مۇشەلەرى, بىرقاتار وتاندىق جانە حالىقارالىق كومپانيالاردىڭ وكىلدەرى, قازاقستاندا تىركەلگەن ەلشىلىكتەردىڭ قىزمەتكەرلەرى, سونداي-اق الىس جانە جاقىن 25 شەتەلدىڭ اتلەتتەرى قاتىسۋدا. ولاردىڭ ىشىندە وليمپيادا چەمپيوندارى سەرىك ساپيەۆ پەن دانيار ەلەۋسىنوۆ تە بار.
جارىس جولىنا شىققان 5 مىڭعا جۋىق ادامنىڭ قاتارىندا اقش, برازيليا, گەرمانيا, ۇلىبريتانيا, مالايزيا, اۆستراليا, بەلگيا, يران, رەسەي, تۇركيا, گرەكيا, جاپونيا, وزبەكستان, قىتاي, فرانتسيا, پولشا جانە باسقا دا ەلدەردىڭ ازاماتتارى بار.
استانا مارافونى قالادا 2009 جىلدان بەرى ءداستۇرلى تۇردە ۇيىمداستىرىلىپ كەلەدى. جارىس 4 سانات بويىنشا وتەدى. قاتىسۋشىلار 42,2 شاقىرىم, 21,1 شاقىرىم, 10 شاقىرىم قاشىقتىققا جۇگىرەدى. قايىرىمدىلىق ماقساتتا ءوتىپ جاتقان شارانىڭ اياسىندا 2009 جىلدان بەرگى ارالىقتا 24 ملن. تەڭگە جينالىپ, ءتۇرلى قايىرىمدىلىق ۇيىمدارعا قولداۋ جاسالىپتى.
نۇرحان اسقار
