كوشپەلىلەر ويىندارى: ىرىكتەۋ جارىستارى باستالىپ كەتتى

بۇگىن قىرعىزستاننىڭ ىستىقكول وبلىسىندا سورەدەن شىققالى تۇرعان كوشپەلىلەردىڭ ەكىنشى بۇكىلالەمدىك ويىندارىنداعى ەكى سايىس بويىنشا ىرىكتەۋ جارىستارى باستالىپ كەتتى. ويىندى كورۋشىلەر باعدارلاماعا سايكەس, تاياك تارتىش (ماس-رەستلينگ) پەن توگۋز كورگوول (توعىزقۇمالاق) سايىستارىن تاماشالاۋعا كىرىستى. چولپون-اتاداعى دەنەشىنىقتىرۋ-ساۋىقتىرۋ كەشەنىندە تاياك تارتىش جارىسىنىڭ ىرىكتەۋ سىناعى باستالدى. وعان قىرعىزستان, قازاقستان, وزبەكستان, رەسەي, ارمەنيا, ۋكراينا, شۆەتسيا, اقش, گەرمانيا, ماجارستان, بەنين, گرۋزيا, يران, برازيليا, ۋرۋگۆاي, پولشا, ءۇندىستان, ليتۆا, نورۆەگيا, چەحيا, ماداگاسكار, موڭعوليا, پاكىستان, ازەربايجان, شري-لانكا ەلدەرىنىڭ سپورتشىلارى قاتىسۋدا. جارىس ەرلەر جانە ايەلدەر اراسىندا سالماق دارەجەلەرى بويىنشا وتەدى. ال ويىنداردىڭ اشىلۋ سالتاناتى ەندى باستالادى. دامير قوجامقۇل   3 قىركۇيەك كۇنگى سپورت باعدارلاماسى 9.00 – 18.00 ماس-رەستلينگ. دەنەشىنىقتىرۋ-ساۋىقتىرۋ كەشەنى. چولپون-اتا قالاسى 10.00 – 12.00 مانگالا. «اۆرورا» پانسيوناتى 10.00 – 12.00 توگۋز كورگوول. «اۆرورا» پانسيوناتى