«سەرپەر» سىيلىعىن الدى

بۇرىن قازاقستان جاستار ودا­عىنىڭ سىيلىعى اتالىپ كەلگەن ماراپات سوڭعى جىلدارى «سەرپەر» دەگەن اتاۋعا يە بولعانى بەلگىلى. 1967 جىلدان بەرى تۇراقتى بەرىلىپ كەلە جاتقان بۇل سىيلىق ەكى جىلدا ءبىر بەرىلەدى. سىي­لىق­تىڭ ماڭىزىنا كەلسەك, ەڭ الدى­مەن جاس تالانتتاردى قولداۋ, – دەي­دى قازاقستان جاستار وداعى­نىڭ توراعاسى اسەت تۇردىعۇلوۆ. ءبىر ايتا كەتەرلىگى, 2006-2008 جىلدارى عىلىم نوميناتسياسى بوي­ىنشا لايىقتى جوبا تابىل­ماعان بولسا, ەسەسىنە بيىل وسى اتالىم بويىنشا قاتىسقان جاستار قاتارى كوبەيگەنى بايقالعان. سونىمەن اباي اتىنداعى قازاق ۇلتتىق پە­داگوگيكالىق ۋنيۆەرسي­تەتىنىڭ دو­تسەنتى شىلدەباي ءسابيت­تىڭ اۋىل شا­رۋاشىلىعى سالاسىن­داعى جاڭا­لى­عى قۇندى دەپ با­عالانىپتى. «سەرپەر» سىيلىعى سەرپىلتكەن جاستار قاتارىندا بيىل «ادە­بي­ەت» نوميناتسياسى بويىنشا مالىك وتارباەۆ, سايات قامشىگەر بار. جۋر­ناليستيكا سالاسىنان «اي­قىن» گازەتىنىڭ ءجۋرناليسى قان­شاي­ىم بايداۋلەتوۆا مەن «يندۋستريالنايا كاراگاندا» گازەتىنىڭ ءتىلشىسى وكسانا مياگكيح ماراپاتتالدى. «ەسترادالىق مۋزىكا» سالاسى بويىنشا انشىلەر ءمادينا ءسا­دۋاقاسوۆا, گۇلنۇر ورازىمبەتوۆا, ومىرقۇل اينيازوۆ قازاقستان جاس­تار وداعى سىيلىعىنا لايىق دەپ تابىلدى. «تەاتر ونەرى» اتالىمى بوي­ىنشا م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتريساسى زاۋرە كوپ­جاساروۆا, م.لەرمونتوۆ اتىنداعى مەملەكەتتىك اكادەميالىق ورىس درا­ما تەاترىنىڭ اكتريساسى اناس­تاسيا تەمكينا, ع.مۇسىرەپوۆ ات­ىن­داعى قازاق مەملەكەتتىك بالالار مەن جاسوسپىرىمدەر تەاترى­نىڭ بەلدى اكتەرى مۇحيتدين شىن­تاەۆ, ماڭعىستاۋ وبلىستىق ن.ءجانتورين اتىنداعى مۋزىكالىق-دراما تەاترىنىڭ اكتريساسى گۋلنارا زياتوۆا, تۇركىستان قالا­سىن­داعى سازدى دراما تەاترىنىڭ ءون­ەر­پازدارى گۇلزادا ايتباەۆا مەن تالعات قارىنباەۆ ماراپاتتالدى. ال بەينەلەۋ ونەرى بويىنشا سۋرەتشى-ءمۇسىنشى, ديزاينەر ءداۋ­رەن مۇحامەدجانوۆ جەڭىمپاز اتاندى. ايناش ەسالي. الماتى.