قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №326

2015 جىلعى 26 ناۋرىز, استانا قالاسى اەروكلۋبتار تۋرالى ۇلگىلىك ەرەجەنى بەكىتۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنىڭ 14-بابى 1-تارماعىنىڭ 41-35) تارماقشاسىنا سايكەس بۇيىرامىن: 1. قوسا بەرىلىپ وتىرعان اەروكلۋبتار تۋرالى ۇلگىلىك ەرەجە بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك.سەيداحمەتوۆ): 1) زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە بۇيرىقتىڭ كوشىرمەسىن مەرزىمدى باسپا باسىلىمدارىنا جانە «ادىلەت» اقپاراتتىق قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىق قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە, وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالار ورىندالعانى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى, قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق ءبىرىنشى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 26 ناۋرىزداعى №326 بۇيرىعىمەن بەكىتىلگەن اەروكلۋبتار تۋرالى ۇلگىلىك ەرەجە 1. جالپى ەرەجەلەر 1. وسى اەروكلۋبتار تۋرالى ۇلگىلىك ەرەجە (بۇدان ءارى – ۇلگىلىك ەرەجە) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسىنىڭ 2010 جىلعى 15 شىلدەدەگى زاڭىنا (بۇدان ءارى - زاڭ) سايكەس ازىرلەندى. 2. وسى ۇلگىلىك ەرەجە اەروكلۋبتىڭ قۇقىقتىق مارتە­بەسىن, ونىڭ ۇيىمدىق قۇرىلىمىن, اەروكلۋبتا تىركەلگەن جالپى ماقساتتاعى اۆياتسيانى پايدالانۋشىلاردىڭ ۇشۋ قاۋىپسىزدىگىن جانە اۆياتسيالىق قاۋىپسىزدىكتى قامتاماسىز ەتۋگە باعىتتالعان فۋنكتسيالارى مەن مىندەتتەرىن بەلگىلەيدى. 3. اەروكلۋب پايدالانۋشىلارمەن جاسالعان شارت­تارعا سايكەس باقىلانبايتىن اۋە كەڭىستىگىندە ۇشقان كەزدە اۆاريالىق حابار بەرۋدى قامتاماسىز ەتۋ بويىنشا قىزمەت ۇسىنادى. 4. اەروكلۋب ۇسىناتىن قىزمەتتەر كورسەتۋگە پايدالانۋشىلارمەن جاسالعان شارتتاردىڭ ەسەبىن اەروكلۋب جۇرگىزەدى. 5. اەروكلۋب ءوزىنىڭ قىزمەتىن ەرىكتىلىك پەن تەڭ قۇقىلىق قاعيداتتارىنىڭ نەگىزىندە جۇزەگە اسىرادى. 6. وسى ۇلگىلىك ەرەجەدە مىناداي تەرميندەر پايدالانىلادى: 1) اەروكلۋب - اۋەايلاقتى (تىكۇشاق ايلاعىن), اۋە­جايدى مەنشىك قۇقىعىندا نە وزگە دە زاڭدى نەگىزدەردە پايدالاناتىن جانە زاڭدا كوزدەلگەن جاعدايلاردا جالپى ماقساتتاعى اۆياتسيانى پايدالانۋشىلاردىڭ قىزمەتىن قامتاماسىز ەتەتىن زاڭدى تۇلعا; 2) جالپى ماقساتتاعى اۆياتسيانى پايدالانۋشى - اۋە كەمەسىن جالپى ماقساتتاعى اۆياتسيا ماقساتىندا ۇشۋ ءۇشىن پايدالاناتىن جەكە نەمەسە زاڭدى تۇلعا; 3) جالپى ماقساتتاعى اۆياتسيا - جەكە جانە (نەمەسە) زاڭدى تۇلعالاردىڭ مەنشىگىندەگى جانە اۋە تاسىمالدارىن, اۆياتسيالىق جۇمىستاردى ورىنداۋ, ىزدەستىرۋ-قۇتقارۋ جانە اۆاريالىق-قۇتقارۋ جۇمىستارىن جۇرگىزۋ, دۇلەي ءزىلزالالار بولعان جاعدايدا اقىسىز جانە جالداۋسىز كومەك كورسەتۋ ماقساتىندا, سونداي-اق وقۋ, سپورتتىق, مادەني-اعارتۋ ءىس-شارالارىن جۇرگىزۋ, تەحنيكالىق شىعارماشىلىقتى دامىتۋ, اۋە كەمەسىن پايدالانۋشىنىڭ جەكە قاجەتتىلىكتەرىن قاناعاتتاندىرۋ ماقساتىندا پايدالانىلاتىن ازاماتتىق اۆياتسيا. 2. اەروكلۋبتىڭ ۇيىمدىق-قۇقىقتىق مارتەبەسى 7. اەروكلۋبتى جەكە جانە (نەمەسە) زاڭدى تۇلعالار زاڭدى تۇلعا قۇرا وتىرىپ, دەربەس ۇيىم رەتىندە قۇرادى (بەكىتەدى). 8. جىلىنا كەمىندە ءبىر رەت شاقىرىلاتىن اەروكلۋب مۇشەلەرىنىڭ جالپى جينالىسى جوعارى ورگانى بولىپ تابىلادى. 9. قۇرىلتايشىلاردان جانە اەروكلۋب مۇشەلەرىنىڭ جالپى جينالىسىمەن سايلاناتىن اەروكلۋب مۇشە­لەرىنەن تۇراتىن اەروكلۋب كەڭەسى باسقارۋ ورگانى بولىپ تابىلادى. 10. كەيىننەن قايتا سايلانۋ مۇمكىندىگىمەن اەروكلۋب كەڭەسى ءبىر جىلعا سايلايتىن جانە اەروكلۋبتىڭ جالپى جينالىسىندا بەكىتىلەتىن اەروكلۋب باسشىسى اتقارۋشى ورگانى بولىپ تابىلادى. 11. اەروكلۋبتىڭ جارعىسى قۇرىلۋىنىڭ ناقتى شارتتارىن, مۇمكىندىكتەرى مەن ونىڭ جۇمىسىنىڭ ەرەكشەلىكتەرىن نەگىزگە الا وتىرىپ, وسى ۇلگىلىك ەرەجە نەگىزىندە ازىرلەنەدى. 12. اەروكلۋبتىڭ دەربەس تەڭگەرىمى, بانك مەكەمەلەرىندەگى ەسەپ ايىرىسۋ جانە وزگە دە شوتتارى, ءمورى, ءمورتابانى, ءوزىنىڭ اتاۋى بار بلانكىسى بولادى. 13. اەروكلۋب ەمبلەمانى, تۋ مەن ءرامىزدى قولدانادى. 3. اەروكلۋبتىڭ قۇرىلىمى 14. جالپى ماقساتتاعى اۆياتسيانى پايدالانۋ­شى­لاردىڭ قىزمەتىن جۇزەگە اسىرۋ ءۇشىن اەروكلۋبتا مىنالار بولادى: 1) اۆياتسيالىق بايلانىس, سونىڭ ىشىندە دىبىس زورايتقىش قۇرالدارىمەن جابدىقتالعان اۋەايلاق (تىكۇشاق ايلاعى) جانە ديسپەتچەرلىك پۋنكت; 2) اۋە كەمەلەرى ءۇشىن دايىندالعان تۇراق ورىندارى; 3) اۋە كەمەلەرىنە تەحنيكالىق قىزمەت كورسەتۋگە ارنالعان وندىرىستىك ورىندار; 4) وقۋ جانە تەحنيكالىق-پايدالانۋ بازاسى, قاجەتتى جابدىق, اۆياتسيالىق-تەحنيكالىق م ۇلىك, قۇتقارۋ قۇرالدارى; 5) ۇشۋ قۇرامىنىڭ الدىن الا جانە ۇشۋ الدىندا دايىندىقتان وتۋىنە ارنالعان ءۇي-جايلار; 6) قاجەتتى مەتەورولوگيالىق جابدىق; 7) تاۋەلدى باقىلاۋ (جاھاندىق سپۋتنيكتىك ورىندى انىقتاۋ) قۇرىلعىلارىمەن جانە بەينەتىركەۋىشتەرمەن جابدىقتالعان اۋە كەمەلەرى. 15. اەروكلۋب ۇسىناتىن قىزمەت تۇرلەرى سەرتيفي­كات­تاۋعا جاتاتىن جاعدايدا, ازاماتتىق اۆياتسيا سالاسىن­داعى ۋاكىلەتتى ورگان سەرتيفيكاتسيالىق تەكسە­رىپ قاراۋدى زاڭنىڭ 14-بابى 1-تارماعىنىڭ 41-33) تارماقشاسىنا سايكەس وتكىزەدى. 16. اەروكلۋبتا تىركەلگەن اۋە كەمەلەرىن پايدالانۋشىلار وزدەرىنىڭ مەنشىك نىسانىنا جانە ۇيىمدىق-قۇقىقتىق نىسانىنا قاراماستان, ءوز قىزمەتىن قازاقستان رەسپۋبليكاسىنىڭ اۋە كەڭىستىگىن پايدالانۋ جانە ازاماتتىق اۆياتسيا قىزمەتى سالاسىنداعى زاڭناماسىنىڭ تالاپتارىنا سايكەس جۇزەگە اسىرادى. 4. اەروكلۋبتىڭ مىندەتتەرى 17. اەروكلۋبتىڭ مىندەتتەرى: 1) جالپى ماقساتتاعى اۆياتسيانىڭ اۋە كەمەلەرىن پايدالانۋشىلارعا ورنالاسۋ, ۇشۋدى ۇيىمداستىرۋ جانە ورىنداۋ ءۇشىن مۇمكىندىك بەرۋ; 2) اۆاريالىق حابارلاۋدى قامتاماسىز ەتۋ; 3) ءوز قىزمەتتەرىن پايدالاناتىن پايدالانۋشىلارعا (يەلەرىنە) مەتەورولوگيالىق جانە اەروناۆيگاتسيالىق اقپاراتتى, ۇشۋ جارامدىلىعىن قولداۋ, اۋە كەمەلەرىنە تەحنيكالىق قىزمەت كورسەتۋ جانە ولاردى جوندەۋ, اۆياتسيا پەرسونالىن كاسىبي دايارلاۋ, جاۋاپكەرشىلىك ايماعى شەگىندە اۋە كەمەلەرىنە قىزمەت كورسەتۋ, اۆياتسيالىق قاۋىپسىزدىكتى قامتاماسىز ەتۋ جونىندەگى قىزمەتتەردى ۇسىنۋ; 4) وقۋ, سپورتتىق, مادەني-اعارتۋ, تەحنيكالىق شىعار­ماشىلىقتى دامىتۋ ءىس-شارالارىن ۇيىمداستىرۋ جانە وتكىزۋ; 5) اۆياتسيالىق ءتۋريزمدى دامىتۋ; 6) قازاقستان رەسپۋبليكاسىنىڭ زاڭناماسىندا تىيىم سالىنباعان جانە اەروكلۋبتىڭ جارعىسىندا كوزدەل­گەن وزگە دە قىزمەتتەردى جۇزەگە اسىرۋ بولىپ تابىلادى. 5. اەروكلۋبتىڭ قىزمەتى 18. اەروكلۋبقا باسشىلىق جاساۋدى اەروكلۋب كەڭەسى جۇزەگە اسىرادى, ونىڭ مۇشەلەرى اەروكلۋب كەڭەسىنىڭ توراعاسىن تاڭدايدى. اەروكلۋب كەڭەسى مىناداي مىندەتتەردى شەشەدى: 1) اەروكلۋبتى قۇرۋ, قايتا ۇيىمداستىرۋ جانە تاراتۋ; 2) اەروكلۋب باسشىسىنىڭ لاۋازىمىنا كانديداتۋرا ىرىكتەۋ جانە تاعايىنداۋ; 3) اەروكلۋبتىڭ ۇيىمدىق-شتاتتىق قۇرىلىمىن بەكىتۋ; 4) اەروكلۋبقا بولىنەتىن ءۇي-جايدى, اۆياتسيالىق جانە باسقا دا تەحنيكانى, جابدىق پەن م ۇلىكتى پايدالانۋ ءتارتىبىن ايقىنداۋ جانە باقىلاۋ; 5) اۆياتسيا پەرسونالىن دايارلاۋدى قامتاماسىز ەتۋ; 6) كىرۋ جانە مۇشەلىك جارنالار مولشەرىن بەلگىلەۋ; 7) اەروكلۋبتىڭ جۇمىس جوسپارىن قالىپتاستىرۋ; 8) اەروكلۋبتىڭ وقۋ-ۇشۋ جانە قارجى-شارۋاشىلىق قىزمەتىنىڭ قورىتىندىسىن قاراۋ; 9) اەروكلۋب مۇشەلەرىنىڭ جالپى جينالىستارىن دايىنداۋ مەن وتكىزۋدى جانە اەروكلۋبتىڭ ۇيىمدىق قىزمەتىن نىعايتۋعا باعىتتالعان باسقا دا ءىس-شارالاردى جۇزەگە اسىرۋ; 10) وزگە دە ۇيىمداستىرۋ, شارۋاشىلىق جانە تەحنيكالىق ماسەلەلەردى جۇزەگە اسىرۋ. 19. اەروكلۋبتى اعىمداعى باسقارۋدى اەروكلۋب كەڭەسىنىڭ مۇشەسى بولىپ تابىلاتىن اەروكلۋب باسشىسى جۇزەگە اسىرادى. اەروكلۋب باسشىسىنىڭ كانديداتۋراسىن اەروكلۋب كەڭەسى نەمەسە جالپى جينالىسى ۇسىنۋى مۇمكىن. اەروكلۋب باسشىسى اۆياتسيالىق قىزمەت ماسە­لەلەرىندە قازاقستان رەسپۋبليكاسىنىڭ اۋە كەڭىستىگىن پايدالانۋ جانە مەملەكەتتىك اۆياتسيا قىزمەتى سالاسىنداعى زاڭنامانى, شارۋاشىلىق-قارجىلىق قىزمەتى ماسەلەلەرىندە - اەروكلۋب كەڭەسىنىڭ شەشىمدەرىن باسشىلىققا الادى. 20. اەروكلۋب باسشىسى مىناداي فۋنكتسيالاردى ورىندايدى: 1) ۇيىمدار مەن مەكەمەلەردە اەروكلۋبتىڭ مۇددەسىن بىلدىرەدى, اەروكلۋبتىڭ مۇلكى مەن قارا­جا­تىنا يەلىك ەتەدى, اەروكلۋبتىڭ بارلىق شتاتتىق قىزمەتكەرلەرى مەن مۇشەلەرى ءۇشىن مىندەتتى بولاتىن بۇيرىقتار, وكىمدەر جانە نۇسقاۋلىقتار شىعارادى; 2) اەروكلۋب كەڭەسىنىڭ كەلىسىمىمەن قولدا­نىستاعى زاڭناماعا سايكەس ءوزىنىڭ ورىنباسارلارىن جانە اەروكلۋب قىزمەتكەرلەرىن قىزمەتكە تاعايىندايدى جانە قىزمەتتەن بوساتادى; 3) ءوزىنىڭ ورىنباسارلارى اراسىندا مىندەتتەردى بولەدى, اەروكلۋب قىزمەتكەرلەرىنىڭ لاۋازىمدىق نۇسقاۋ­لىقتارىن بەكىتەدى جانە وزگە دە مىندەتتەردى اتقارادى; 4) اەروكلۋبتىڭ اۆياتسيالىق قىزمەتىن ءوزى جانە ءوزىنىڭ ورىنباسارلارى ارقىلى ۇيىمداستىرادى, قامتاماسىز ەتەدى جانە باسشىلىق جاساۋدى جۇزەگە اسىرادى; 5) وسى ۇلگىلىك ەرەجە مەن اەروكلۋب جارعىسىنان تۋىندايتىن وزگە دە فۋنكتسيالاردى ورىندايدى. اەروكلۋبتىڭ باسشىسى بولماعان جاعدايدا, ونىڭ فۋنكتسيالارىن ونىڭ ورىنباسارلارىنىڭ ءبىرى ورىندايدى. 21. اەروكلۋب: 1) ءوز قىزمەتىنىڭ بارلىق ماسەلەلەرى بويىنشا قازاقستان رەسپۋبليكاسىنىڭ قولدانىستاعى زاڭناماسىن, وسى ۇلگىلىك ەرەجەنىڭ جانە اەروكلۋب جارعىسىنىڭ ەرەجەلەرىن ساقتاۋدى; 2) اەروكلۋب جارعىسىندا بەلگىلەنگەن نەگىزگى مىندەتتەردى ورىنداۋدى; 3) شارتتىق مىندەتتەمەلەرىن ورىنداۋدى; 4) جۇمىستى جوسپارلاۋدى جانە اۆياتسيا پەرسونالىن ساپالى دايارلاۋ جونىندەگى جوسپارلاردى ۋاقتىلى ورىنداۋدى جانە ۇشۋ قاۋىپسىزدىگىن قامتاماسىز ەتۋدى; 5) اۋە كەمەلەرىن نورماتيۆتىك قۇقىقتىق جانە پايدالانۋ قۇجاتتاماسىنىڭ تالاپتارىنا سايكەس تەحنيكالىق پايدالانۋدى; 6) اەروكلۋبتا ورنالاسقان پايدالانۋشىلار مەن اۋە كەمەلەرىنىڭ سانى تۋرالى ازاماتتىق اۆياتسيا سالا­سىنداعى ۋاكىلەتتى ورگانعا ۋاقتىلى حابارلاپ وتىرۋدى; 7) زاڭنىڭ 14-بابى 1-تارماعىنىڭ 41-4) تارماق­شاسىنا سايكەس اەروكلۋبتا تىركەلگەن پايدالانۋ­شى­لاردىڭ اۋە كەمەلەرىمەن بولعان اۆياتسيالىق وقيعالار مەن توسىن وقيعالار تۋرالى اقپارات ۇسىنۋدى قامتاماسىز ەتەدى. 22. مۇشە بولۋ ەرىكتى نەگىزدە جۇزەگە اسىرىلادى. ازاماتتىعىنا, جىنىسىنا, ناسىلىنە جانە ۇلتىنا قاراماستان ازاماتتار, سونداي-اق مەنشىك نىسانىنا قاراماستان زاڭدى تۇلعالار مۇشە بولا الادى. 23. اەروكلۋب مۇشەلەرى اەروكلۋب جۇمىسىنىڭ بارلىق ماسەلەلەرىن تالقىلاۋعا قاتىسادى, اەروكلۋب­تىڭ باسقارۋشى ورگاندارىنىڭ قۇرامىنا سايلانادى, اەرو­كلۋب ينفراقۇرىلىمىن, جابدىقتى, وقۋ قۇرال­دا­رىن ورتاق نەگىزدە پايدالانادى, سونداي-اق اەروكلۋب وتكىزەتىن اۆياتسيالىق-بۇقارالىق ءىس-شارالارعا قاتىسادى. 6. اەروكلۋب مەنشىگى 24. اەروكلۋب مەنشىگىندە عيماراتتار, قۇرىلىستار, تۇرعىن ءۇي قورى, جابدىق, مۇكاممال, قارجى, سونىڭ ىشىندە ۆاليۋتا قاراجاتى, اكتسيالار جانە باسقا دا باعالى قاعازدار, سونداي-اق اەروكلۋب قىزمەتىنىڭ ءمانى مەن ماقساتتارىن ماتەريالدىق قامتاماسىز ەتۋ ءۇشىن قاجەتتى باسقا دا م ۇلىك بولۋى مۇمكىن. 25. اەروكلۋبتىڭ قارجى قاراجاتى ونىڭ مۇشەلەرى اراسىندا قايتا بولىنبەيدى جانە جارعىلىق ماقساتتار مەن مىندەتتەرگە قول جەتكىزۋ ءۇشىن پايدالانىلادى. 7. اەروكلۋبتى قايتا ۇيىمداستىرۋ جانە تاراتۋ 26. اەروكلۋبتى قايتا ۇيىمداستىرۋ جانە تاراتۋ قۇرىل­تايشىمەن كەلىسىلگەن اەروكلۋبتىڭ جالپى جينالىسىنىڭ شەشىمى بويىنشا نەمەسە قۇرىلتاي­شى­نىڭ نەمەسە قازاقستان رەسپۋبليكاسىنىڭ قولدانىس­تاعى زاڭناماسىندا كوزدەلگەن تارتىپپەن سوتتىڭ شەشىمى بويىنشا جۇزەگە اسىرىلادى. 27. اەروكلۋبتى تاراتۋ كەزىندە ەسەپ ايىرىسۋدان قالعان م ۇلىك اەروكلۋبتىڭ جارعىلىق ماقساتىنا پايدالانىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 ساۋىردە نورماتيۆ­تىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10819 بولىپ ەنگىزىلدى.