مانيفەست قاعيدالارى ماقۇلداندى

استا­نا­داعى ءتاۋ­ەل­سىزدىك سارايىندا ەلباسى نۇرسۇلتان نازارباەۆتىڭ قاتى­سۋى­مەن وتكەن «يادرولىق قارۋ­سىز الەم قۇرۋ» اتتى حالىقارالىق كونفەرەن­تسيانىڭ كەڭەستىك ءدا­ۋىردە 456 يادرولىق تاجال سىناقتاردىڭ قۇر­باندىعى بولعان ءوز ەلىمىز ءۇشىن عانا ەمەس, سونىمەن قاتار,  يادرولىق كلۋبقا كىرەتىن الپاۋىت ەلدەردىڭ سىناق الاڭدارى مەن اتوم بومباسىنان تىكەلەي زارداپ شەككەن وزگە حالىقتار ءۇشىن دە, اتومسىز بەيبىت الەمدە ءومىر ءسۇرۋدى كوكسەيتىن وزگە مەملەكەتتەر ءۇشىن دە ءمانى زور بولدى. بۇلاي دەۋگە تولىق نەگىز بار. بىرىنشىدەن, اتال­­مىش كون­فە­رەن­­­­­­تسيا سە­­مەي يادرو­لىق سى­­­ناق الاڭى­­­نىڭ جابىل­عا­­نىنا شي­رەك عاسىر تولعان مە­­رەيلى ساتىنە باعىش­­­تالسا, ەكىنشىدەن, بۇل شا­را ءوز جەرىندەگى الا­پات يادرولىق ارسەنالدان ءوز بەتىمەن باس تارت­قان, سونداي-اق, الەم­دەگى انتي­ياد­رولىق قوز­عالىستىڭ كوش باسىندا كەلە جاتقان جانە اتوم ق­ا­رۋىنسىز-اق قاۋىپسىزدىگىن ساقتاپ, تۇ­راقتى دامۋدىڭ سارا جولىنا تۇسكەن قازاقستان رەسپۋبليكاسى ەگەمەندىگىنىڭ 25 جىلدىعىنا باعىشتالدى. ۇشىنشىدەن, بۇل كون­فەرەنتسياعا الەمنىڭ 52 ەلىنەن بەدەلدى تۇلعالار باستاپ كەلگەن دەلەگاتسيالاردىڭ قۇرا­مىندا بەيبىت اتوم قاعيداسىن ۇستانعان 180-گە جۋىق ادام قا­تىستى. ولاردىڭ ىشىندە ايگىلى ساياساتكەرلەرمەن قاتار, ابىروي-اتاعى بيىك پارلامەنت دەپۋتات­تارى, وكىمەتتەردىڭ جاۋاپتى قىز­مەتكەرلەرى, ءارتۇرلى حالىقارالىق ۇيىمداردىڭ وكىلدەرى, قالا مەرلەرى, قوعام قايراتكەرلەرى جانە ۇكىمەتتىك ەمەس ۇيىمداردىڭ وكىلدەرى دە بارشىلىق. كونفەرەنتسيانىڭ جالپى وتىرىسى مەن ءتورت پانەلدىك سەسسيا­لارىندا ءسوز العان تۇلعالاردىڭ بارلىعى دا قازاقستان پرەزي­دەن­تىنىڭ تەرەڭ مازمۇندى باياندا­ماسى مەن بۇۇ-نىڭ رەسمي قۇجات­تارىنىڭ ءبىرى بولىپ تىركەلگەن  «الەم. XXI عاسىر» اتتى ماني­فەسىنە جانە كونفەرەنتسيا قابىل­داعان «استانا كوزقاراسى: يادرو­لىق سىناقتارعا تىيىم سالۋدان – يادرولىق قارۋسىز الەمگە» اتتى  ۇندەۋگە  ءبىراۋىزدان قولداۋ كورسەتتى. ءادىل احمەتوۆ, قازاقستاننىڭ ەڭبەك سىڭىرگەن قايراتكەرى