بالا كوزىندەگى باقىت

الا جازداي اسىر سالىپ ويناعان بالالاردى جاڭا وقۋ جاقىنداعاندا قۋانتقانعا نە جەتسىن! اسىرەسە, مەك­تەپ تابالدىرىعىن ەندى ات­تايتىن بالدىرعاننىڭ وقۋ قۇ­رالدارى مەن ارقاعا اساتىن سومكەلەردى كورگەندە ك ۇلىمدەگەن كوز­دەرىنەن نۇر توگىلىپ-اق تۇرادى. اتىراۋداعى №34 لينگۆيستىك گيم­نازيانىڭ ءبىرىنشى سىنىبىنا قابىلدانعان 100 بالا ءدال وسىنداي كول-كوسىر قۋانىشقا كەنەلدى. ولارعا «نورت كاسپيان وپەرەيتينگ كومپاني ن.ۆ.» (نكوك) كومپانياسى «مەكتەپكە جول» اكتسياسى اياسىندا وقۋ قۇرال­دارىمەن تولتىرىلعان سومكەلەر سىيعا تارتتى. اتالعان كومپانيا سونىمەن بىرگە, ماقات اۋدانىنداعى از قامتىلعان وتباسىلاردىڭ بالالارىن دا قۋانتۋدى ۇمىتقان جوق. اۋدان ورتالىعىنداعى مادەنيەت ۇيىنە جينالعان 100 بالاعا مەكتەپ قۇرالدارى مەن سومكەلەردى تارتۋ ەتكەن «نكوك» كومپانياسى الەۋمەتتىك, كورپوراتيۆتىك جانە ەكولوگيالىق مىندەتتەمەلەرىن جاۋاپكەرشىلىكپەن اتقارۋدا. كومپانيانىڭ جۇزەگە اسىرىپ جاتقان الەمدىك دەڭگەيدەگى جوباسى اتىراۋ مەن ماڭعىستاۋ وبلىستارى تۇرعىندارىنىڭ, سونىمەن بىرگە, تۇتاستاي ەل يگىلىگىنە جۇمىس ىستەمەك. «كونسورتسيۋم جىل سايىن بالالار ءومىرىن جاق­سارتۋعا باعىتتالعان ءتۇرلى شارالاردى وتكىزۋگە دە اتسالىسۋدا. سونىڭ ىشىندە, «مەكتەپكە جول» اكتسياسى شەڭبەرىندە بالالارعا وقۋ قۇرالدارىن سىيعا تارتۋدى كوزدەدىك. ءبىز بالالاردىڭ مەكتەپتە جاقسى وقۋىنا تىلەكتەسپىز», دەدى «نكوك» كومپانياسىنىڭ قوعاممەن قارىم-قاتىناس ورناتۋ جونىندەگى كەڭەسشىسى البينا مۇحامبەتوۆا. «بەرسەڭ – بالاعا بەر» دەگەندەي, ولاردىڭ قۋانعانىنا, ك ۇلىمدەگەن كوزى باقىتتىڭ نۇرىنا تولعانىنا ەشتەڭە جەتپەيدى. جولداسبەك شوپەعۇل, «ەگەمەن قازاقستان» اتىراۋ وبلىسى