كەڭەيتىلگەن ءماجىلىس جولداۋعا ارنالدى

16 اقپان كۇنى  پارتيانىڭ ورتالىق اپپاراتىندا «نۇر وتان» حدپ فراك­تسياسىنىڭ  «قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ 2011 جىلعى 28 قاڭتارداعى «بولا­شاق­تىڭ ىرگەسىن بىرگە قالايمىز» اتتى قازاق­ستان حالقىنا جول­داۋ­ىن­دا العا قويعان مىندەتتەرى جانە «نۇر وتان» حالىقتىق-دەم­و­كرا­تيا­لىق پارتياسىنىڭ 2011 جىلعى 11 اقپانداعى XIII سەزىنىڭ شەشىمدەرى مەن 2011-2013 جىلدارعا ارنالعان رەسپۋبليكالىق بيۋدجەتكە وزگەرىستەر مەن تولىقتىرۋلار ەنگىزۋ ماسەلەسى بويىنشا «نۇر وتان» پارتياسىنىڭ ماجىلىستەگى فراكتسياسىنىڭ كەڭەي­تىلگەن جينالىسى ءوتتى. اتالعان ماسەلە جونىندە پرەمەر-مينيستر كارىم  ءماسىموۆ القا ءماجىلى­سىن­دە ەلىمىزدىڭ باستى قارجى­لىق قۇجا­تى­نىڭ نەگىزگى پارامەترلەرى مەن كىرىس-شى­عىس ءبولى­گىن­دەگى باسىم­دىق­تار تۋرالى بايانداپ بەردى. «ەكو­نوميكا دامۋى­نىڭ جا­عىمدى سيپاتتا قالىپ­تا­سۋى, ەنەرگورە­سۋرس­تارعا, مە­تالعا الەمدىك باعانىڭ تۇ­راقتانىپ, جو­عا­رىلاۋى بيۋدجەتتىڭ كىرىس بولىگىن 290 ملرد. تەڭگەگە ۇلعايتۋعا سەپتىگىن تيگىزىپ وتىر. بۇل 290 ملرد. تەڭگەنى ءبىز 2011 جىلعى بيۋدجەتتە ناقتىلاي وتى­رىپ, بارلىق قابىل­دان­عان باعدار­لاما­لار­دىڭ قىسقا مەرزىمدە جۇمىس ىستەۋىن قامتا­ماسىز ەتە الامىز», – دەدى پرەمەر-مينيستر ءسوز قورىتىن­دى­سىن­دا. سونىمەن بىرگە, ۇكىمەت باس­شى­سى «ەل­باسىنىڭ جۇكتەگەن تاپ­سىرماسىن تۇگەلى­مەن قامتىپ, باع­دارلاما  قا­بىل­دادىق. ال ونداي باعدارلامانىڭ جەدەل جۇزەگە اسۋى باستى قارجى قۇ­جاتىنا تاۋەل­دى. پار­لا­مەنتتىڭ قا­بىل­­داۋى­نا وراي, اتقارۋ­شى بيلىك ناۋرىز ايىنان باستاپ-اق بارلىق قول­دانىستاعى باعدارلامالاردى ءجۇ­زەگە اسىرۋعا نيەتتى», – دەدى. ءوز سوزىندە پارتيا توراعاسىنىڭ ءبىرىنشى ورىنباسارى نۇرلان نىع­ما­تۋلين: «بۇگىنگى مەملەكەتتىك بيۋدجەتكە ەنگىزىلىپ وتىرعان وزگەرىستەر ەل­باسىمىز, پارتيا­مىز­دىڭ توراعاسى نۇرسۇلتان نازارباەۆ­تىڭ بيىلعى جولداۋىندا, پارتيامىزدىڭ XIII سەزىندە ايتىلعان جاڭا ماقساتتار­دى جۇزەگە اسىرۋعا, باستالعان ءىستى ودان ءارى جالعاستىرۋعا, باسقا دا باعدارلا­ما­لاردى ورىنداۋعا زور مۇمكىندىك بەرەتىن بولادى. ونىڭ ىشىندە ءبىلىم بەرۋ, دەن­ساۋ­لىق ساقتاۋ, تۇرعىن ءۇي, اۋىل شارۋا­شى­لىعى, شاعىن جانە ورتا بيزنەستى دامىتۋ, جاستار ساياساتى سياقتى باسقا دا حالىققا قاجەتتى ماسەلەلەر تولىقتاي قارالدى دەۋ­گە بولادى», – دەدى. جيىندا ۇلتتىق بانك ءتور­اعاسى         گ.مار­چەنكو, قارجى ءمينيسترى ب.ءجا­مى­شەۆ, ەڭبەك جانە حا­لىقتى الەۋ­مەت­تىك قورعاۋ ءمينيسترى گ.ابدىقالىقوۆا, قۇرى­لىس جانە تۇرعىن ءۇي-كوم­مۋ­نالدىق شا­رۋاشى­لىق ىستەرى اگەنت­تى­گىنىڭ توراعاسى س.نوكين,  «قازاگرو» ۇلتتىق باسقارۋ­شى حولدينگى»  اق  باسقارما   توراعاسى ا.ما­مىت­بەكوۆ بايان­داما جاسادى. باسقوسۋدا ماجىلىستەگى الەۋ­مەتتىك-مادەني دامۋ كوميتەتىنىڭ ءتورايىمى دينار نوكەتاەۆا, قار­جى جانە بيۋدجەت كو­ميتەتىنىڭ ءمۇ­شەسى قۇتتىقوجا ىدىرى­سوۆ, ەكو­لوگيا ماسەلەلەرى جانە تابيعات پايدالانۋ كوميتەتىنىڭ مۇشەسى ۆيكتور كيانسكي,  الەۋمەتتىك-مادەني دامۋ كوميتەتىنىڭ مۇشەسى سۆەتلانا ۆەرحو  ءوز ويلارىن ورتاعا سالدى. جينالىستىڭ قورىتىندىلارى بوي­ىن­شا, «نۇر وتان» حدپ فراك­تسياسىنىڭ رەسپۋبليكالىق بيۋدجەتكە ەنگىزىپ وتىر­عان ناق­تى­لاۋلارى جايىندا  شەشىم قابىل­داندى. وتىرىسقا «نۇر وتان» حدپ ءماجى­لىستەگى فراك­تسياسىنىڭ توراعاسى ورال مۇحامەدجانوۆ, پارلامەنت دەپۋ­تاتتا­رى, ۇكىمەت مۇشەلەرى, پرەزيدەنت اكىم­شىلىگى مەن پرەمەر-مينيستر كەڭسەسى­نىڭ وكىل­دەرى, بىرقاتار مەملەكەتتىك ورگاندار­دىڭ باسشىلارى قاتىستى.