قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ ستۋدەنتتەر سارايىندا وبلىستىق ىشكى ساياسات باسقارماسىنىڭ ۇيىمداستىرۋىمەن سەمەي يادرولىق پوليگونى جابىلۋىنىڭ 25 جىلدىعىنا ارنالعان «سەمەي پوليگونىنىڭ جابىلۋى – تاۋەلسىزدىكتىڭ تەڭدەسسىز جەڭىسى» اتتى كونفەرەنتسيا ءوتتى.
كونفەرەنتسيا جۇمىسىنا وبلىستىڭ زيالى قاۋىم وكىلدەرى, ارداگەرلەر, جوعارى جانە ورتا وقۋ ورنىنىڭ وقىتۋشىلارى مەن ۇكىمەتتىك ەمەس ۇيىم مۇشەلەرى قاتىستى.
كونفەرەنتسيانىڭ اشىلۋىندا وبلىس اكىمىنىڭ ورىنباسارى رۋسلان رۇستەموۆ: «حالقىمىزدىڭ باسىنا سان ءتۇرلى قاسىرەت اكەلگەن سەمەي جەرىندەگى يادرولىق سىناقتاردى توقتاتۋ – تاۋەلسىز ەل رەتىندە قازاقستاننىڭ العاشقى قابىلداعان تاريحي شەشىمدەرىنىڭ ءبىرى بولدى. كەمەل ويدان تۋعان كەمەڭگەر شەشىم قازاق ەلىنىڭ الەمدىك وركەنيەتكە بەيبىتشىلىكتى جاقتايتىن مەملەكەت رەتىندە قادام باسقانىن كورسەتتى «, – دەپ اتاپ ءوتتى.
كونفەرەنتسيا بارىسىندا «انتيادرولىق قوزعالىس – تاۋەلسىزدىك جارشىسى», «يادرولىق قارۋسىز الەم – ادامزاتتىڭ ىزگى مۇراتى», «مانيفەست – جاھاندىق قارۋسىزدانۋدىڭ نەگىزگى قۇجاتى» تاقىرىپتارىندا باياندامالار وقىلدى. سونىمەن قاتار, ەلىمىزدىڭ قوعامدىق-ساياسي ومىرىنە بەلسەنە ارالاسىپ, جاستار بويىنداعى وتانسۇيگىشتىك قاسيەتتەردى قالىپتاستىرۋداعى ەلەلۋلى ەڭبەگى ءۇشىن وبلىستىڭ بىرقاتار ازاماتتاردى وبلىس اكىمىنىڭ ورىنباسارى رۋسلان رۇستەموۆ «العىس حاتپەن» ماراپاتتادى.
تالعات رايىمبەك
