قوعامدىق شتاب قۇرىلدى

كەشە «نۇر وتان» حدپ وبلىستىق فيليالىنىڭ ءماجىلىس زالىندا پارتيانىڭ ءحىىى سەزى شەشىمىمەن قر پرەزيدەنتتىگىنە كانديدات رەتىندە ۇسىنىلعان نۇرسۇلتان نازارباەۆتى قولداۋ بريفينگى بولىپ ءوتتى. وسىعان وراي جەرگىلىكتى اق­پا­رات قۇرالدارىنىڭ وكىلدەرىنە ار­نايى مالىمەت بەرگەن وبلىستىق پارتيا فيليالىنىڭ توراعاسى نۇرلان قۇدايبەرگەنوۆ ورتالىق سايلاۋ كوميسسياسىنان تىركەۋدەن وتكەن «نۇر وتان» پارتياسىنىڭ كوشباسشىسىن قولداۋ جونىندەگى وبلىستىق شتاب قۇرىلعانىن جەتكىزدى. وڭىرىمىزدەن ەلورداداعى سەزد جۇمىسىنا قاتىسقان ول باسقوسۋ بارىسىندا بىرقاتار ماسەلە­لە­ر­دىڭ كوتەرىلگەنىن تىلگە تيەك ەتتى. وبلىسىمىزدا قۇرىلىپ وتىرعان شتاب جۇمىسىنا توراعالىق ەتۋ كەزىندە باسقا قىزمەتتەردەن ۋا­قىت­شا بوساتىلعانىن دا ايتتى. وبلىس دەڭگەيىندە جۇمىس جا­سايتىن شتاب توراعاسىنىڭ ەكى ورىن­باسارى بار. ولار – پارتيا في­ليالى توراعاسىنىڭ ءبىرىنشى ورىنباسارى ولمەسحان بولاتبەكوۆ پەن قورقىت اتا اتىنداعى مەم­لەكەتتىك ۋنيۆەرسيتەتتىڭ رەك­تورى بايزاق مومىنباەۆ. ءدال وسىنداي باسقوسۋ وتكەن دۇيسەنبىدە «نۇر وتان» قالالىق فيليالى عيماراتىندا دا ۇيىم­داستىرىلدى. قوعامدىق شتاب جۇ­مىسىنا قالالىق فيليالدىڭ ءبىرىنشى ورىنباسارى ماقسۇت باەكەەۆ جەتەكشىلىك ەتەدى. شتاب قۇ­رامى­نا قالاداعى عىلىم, مادە­نيەت, دەنساۋلىق ساقتاۋ سالاسى­نىڭ وكىلدەرى, بۇرىننان ءتاجى­ري­بەسى مول جاندار قامتىلدى. شتابتىڭ نەگىزگى مىندەتى – پرەزيدەنتتىككە كانديدات نۇرسۇلتان ءابىش ۇلى نازارباەۆقا قولداۋ كور­سەتۋ, ونىڭ سايلاۋالدى تۇعىر­نا­ماسىن ءتۇسىن­دىرۋ بويىنشا جان-جاقتى ناسيحات جۇمىستارىن جۇرگىزۋ. ەرجان بايتىلەس.