كۇي ونەرى دارىپتەلدى

رەسپۋبليكالىق اكتسيا اياسىندا قۇرمانعازىنىڭ «سارىارقا» كۇيىن ءبىر مەزگىلدە 2020 ادام ورىندادى بۇل شارانىڭ نەگىزگى ماق­ساتى – ەلىمىزدىڭ الەۋمەتتىك-ەكو­نوميكالىق سالادا جەتكەن جەتىستىكتەرى مەن ساياسي تۇراق­تىلىعى ارقاسىندا الەمدىك قاۋ­ىمداستىق مويىنداعان بەدەلىن جانە سارىارقانىڭ ءتورىن­دەگى استانامىزدىڭ مەرەيىن اس­قاقتاتۋ, جاستاردىڭ بويىنا پات­ريوتتىق رۋحتى ءسىڭىرۋ. رەس­پۋب­لي­كا­نىڭ بارلىق وڭىرلەرىندە, اتاپ ايتساق, وبلىس ورتالىقتارى مەن استانا, الماتى قالالارىندا قولداۋ تاپقان اكتسيانىڭ ما­ڭى­زى ەرەكشە. ءبىلىم جانە عىلىم مينيسترلىگى تاراپىنان ۇسى­نىل­عان اتالمىش جوبادا ءار جو­عارى وقۋ ورنىنان 30-40 ادامنان تۇراتىن  ستۋدەنتتىك وركەسترلەر ەلىمىزدىڭ بار­لىق وبلىس­تا­رىن ءبىر مەزگىلدە قۇر­مان­عا­زى­نىڭ «سارى­ار­قا­سى­مەن» كۇم­بىرلە­گەن كۇيگە ءبو­لەدى. سو­لاردىڭ ءبىرى – ل.ن.گۋ­ميلەۆ اتىن­داعى ەۋرازيا ۇلت­تىق ۋنيۆەرسيتەتى. بۇل كۇنى ۇلتتىق ۋنيۆەر­سي­تەت­تىڭ باس عيماراتىندا ورنا­لاس­قان كۇلتەگىن ەسكەرتكىشىنىڭ جانىندا ايگۇل جايلاۋ­قى­زى­نىڭ جەتەكشىلىگىمەن قۇرىلعان «دالا سازى» ۇلتتىق اسپاپتار وركەسترى قۇرمانعازىنىڭ «سا­رى­ارقا» كۇيىن ورىندادى. كۇيدى تىڭداۋ ءۇشىن تۇركيادان كەلگەن دەلەگاتسيا, ۋني­ۆەرسيتەت وقىتۋ­شىلارى مەن ستۋدەنتتەرى باس قوستى. ونىڭ سالتاناتتى اشىلۋىندا فيلارمونيا قىز­مەتكەرى, سۋىرىپسالما اقىن سەرىكزات دۇيسەنعازين: «گەر­مانيانىڭ ءبىر پروفەسسورى قۇرمانعازىنىڭ «سارىار­قا­سىن» تىڭداعاندا: «كۇيدى شى­عار­­عان ادام قاي كونسەرۆاتوريانى بىتىرگەن؟» دەپ سۇراعان ەكەن.  ويتكەنى, ول سارىارقانىڭ دالاسىن وسىنشالىقتى اس­قاق رۋحپەن كۇي پەرنەسىنە ءتۇسىرىپ, قا­سيەتتى قارا دومبىرانىڭ ۇنىمەن بۇكىل الەمگە جەتكىزىپ وتىر. سوندىقتان دا, ءبىز ارقاشان دا ءوزىمىزدىڭ كۇي ونەرىمىزدى ماق­تان تۇ­تۋى­مىز قاجەت», – دەدى. وسى ساتتەن سوڭ ءار ءتۇرلى اسپاپتاردان قۇرىل­عان وركەستر وسى­ناۋ داۋىلپاز كۇيدى ورىندادى. «بالبى­راۋىن» مەن «اداي» كۇيلەرىن شارىقتاتتى. ءسوز رەتى كەلگەندە ايتا كەتەلىك, ەۋرازيا ۇلتتىق ۋنيۆەرسيتەتىندە سوڭعى ءتورت جىلدان بەرى مۋزىكالىق ءبىلىم بەرۋ كافەدراسى جۇمىس ىستەمەگەنمەن, ۋنيۆەرسيتەت ستۋدەنتتەرىنىڭ ارتىستىك, ايتىسكەرلىك, انشىلىك, اسىرەسە, مۋزىكالىق بەيىمى ەسكەرىلىپ, 2009 جىلى ستۋدەنتتىك فيلارمونيا اشىلعان بولاتىن. فيلارمونيا بۇگىندە ءوزىنىڭ العاشقى جەمىسىن بەرۋدە. قازاقتىڭ وزىنە ساي, ماقتانىشپەن ۇلگى ەتەتىندەي ۇلتتىق قۇندىلىعى, ايتىسى, سو­نىمەن قاتار, ۇلتتىق كۇي ونەرى بار. مۇنى ءبىز ەشقاشان سانامىزدان شىعار­ماي, ءار­دايىم وزگەگە پاش ەتىپ, شەت مەملەكەتتەرگە تانىستىرىپ وتىرۋىمىز قاجەت. وسى تەكتەس ۇلتتتىق ناقىشىمىزدى ودان ءارى تە­رەڭدەتىلگەن كۇيدە تانىستىرۋدا وسىن­داي اكتسيالار مەن رەسپۋبليكالىق دەڭگەيدە قولعا الىنعان ءىس-شارالاردىڭ ماڭىزى زور ەكەندىگىن كاسىبي شىعارماشىلىقتا, جو­عار­ى دەڭگەيدە ورىندالعان «سارى­ارقا» كۇيى دالەلدەي تۇسكەندەي. جۇلدىز ءبايدىلدا. سۋرەتتى تۇسىرگەن يگور بۋرگاندينوۆ.