قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى №292

2016 جىلعى 28 ماۋسىم,  استانا قالاسى پارنيكتىك گازدار شىعارىندىلارىنا كۆوتالاردى بەرۋ, وزگەرتۋ جانە وتەۋ قاعيدالارىن بەكىتۋ تۋرالى 2007 جىلعى 9 قاڭتارداعى قازاقستان رەسپۋبليكاسىنىڭ ەكولوگيالىق كودەكسىنىڭ 17-بابىنىڭ 30) تارماقشاسىنا سايكەس بۇيىرامىن: 1. قوسا بەرىلىپ وتىرعان پارنيكتىك گازدار شىعارىندىلارىنا كۆوتالاردى ءبولۋ, وزگەرتۋ جانە وتەۋ قاعيدالارى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ كليماتتىڭ وزگەرۋى جونىندەگى دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن ون كۇنتىزبەلىك كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينتەرنەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ دەپارتامەنتىنە وسى تارماقتىڭ 2) جانە 3) تارماقشالارىندا قاراستىرىلعان ءىس-شارالاردى ورىنداۋ بويىنشا مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق 2018 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا جاتادى. قازاقستان رەسپۋبليكاسىنىڭ ەنەرگەتيكا ءمينيسترى ق.بوزىمباەۆ قازاقستان رەسپۋبليكاسى ەنەرگەتيكا ءمينيسترىنىڭ 2016 جىلعى 28 ماۋسىمدا № 292 بۇيرىعىمەن بەكىتىلگەن پارنيكتىك گازدار شىعارىندىلارىنا كۆوتالاردى بەرۋ, وزگەرتۋ جانە وتەۋ قاعيدالارى 1-تاراۋ. جالپى ەرەجەلەر 1. وسى پارنيكتىك گازدار شىعارىندىلارىنا كۆوتالاردى بەرۋ, وزگەرتۋ جانە وتەۋ قاعيدالارى (بۇدان ءارى – قاعيدالار) 2007 جىلعى 9 قاڭتارداعى قازاقستان رەسپۋبليكاسى ەكولوگيالىق كودەكسىنىڭ 17-بابىنىڭ 30) تارماقشاسىنا (بۇدان ءارى – كودەكس) سايكەس ازىرلەندى جانە پارنيكتىك گازدار شىعارىندىلارىنا كۆوتالاردى بەرۋ, وزگەرتۋ جانە وتەۋ ءتارتىبىن ايقىندايدى. 2. وسى قاعيدالاردا مىناداي تەرميندەر مەن انىقتامالار پايدالانىلادى: 1) جاڭا قوندىرعىلار – كودەكستىڭ 94-2-بابىنىڭ 1-تارماعىنا تۇسەتىن جانە ۇلتتىق جوسپاردىڭ قولدانىلۋى كەزىندە پايدالانىلۋعا ەنگىزىلگەن قوندىرعىلار; 2) قوندىرعى وپەراتورىنىڭ شوتىن بۇعاتتاۋ – كودەكستىڭ (بۇدان ءارى – كودەكس) 94-2-بابىنىڭ 3-تارماعىندا كورسەتىلگەن تالاپ ەتىلگەن قۇجاتتاردى بەرگەنگە دەيىن قوندىرعى وپەراتورىنىڭ شوتىنا سالىنعان كومىرتەگى بىرلىكتەرىن پايدالانۋدى ۋاقىتشا توقتاتۋ; 3) پارنيكتىك گازدار شىعارىندىلارىنا كۆوتالار – ءتيىستى كەزەڭگە بەكىتىلگەن پارنيكتىك گازدار شىعارىندىلارىنا كۆوتالار ءبولۋدىڭ ۇلتتىق جوسپارىنىڭ (بۇدان ءارى – ۇلتتىق جوسپار) قولدانىلۋ كەزەڭىندە قوندىرعى وپەراتورى ءۇشىن بەلگىلەنگەن رەتتەلەتىن پارنيكتىك گازدار شىعارىندىلارىنىڭ ساندىق كولەمى. 3. وسى قاعيدالاردا پايدالانىلاتىن وزگە تەرميندەر مەن انىقتامالار قازاقستان رەسپۋبليكاسىنىڭ زاڭناماسىنا سايكەس قولدانىلادى. 2-تاراۋ. پارنيكتىك گازدار شىعارىندىلارىنا كۆوتالار بەرۋ ءتارتىبى 4. پارنيكتىك گازدار شىعارىندىلارىنا كۆوتالار ءبولۋ ءۇشىن قوندىرعى وپەراتورى قازاقستان رەسپۋبليكاسى قورشاعان ورتانى قورعاۋ ءمينيسترىنىڭ 2012 جىلعى 10 مامىرداعى №147-ءو بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №7702 بولىپ تىركەلگەن) كومىرتەگى بىرلىكتەرىنىڭ مەملەكەتتىك ءتىزىلىمىن جۇرگىزۋ قاعيدالارىنا سايكەس كومىرتەگى بىرلىكتەرىنىڭ مەملەكەتتىك تىزىلىمىندە شوت اشادى. 5. پارنيكتىك گازدار شىعارىندىلارىنا كۆوتالار كومىرتەگى بىرلىكتەرىنىڭ مەملەكەتتىك تىزىلىمىندەگى قوندىرعى وپەراتورىنىڭ (بۇدان ءارى – مەملەكەتتىك ءتىزىلىم) شوتىنا ۇلتتىق جوسپاردا كورسەتىلگەن كولەمدەرگە سايكەس, كودەكستىڭ 94-2-بابىنىڭ 2-تارماعىنا سايكەس ونىڭ كۇشىنە ەنگەن كۇنىنەن باستاپ ون جۇمىس كۇنى ىشىندە اۋدارىلادى. 6. قوندىرعى وپەراتورى ۇلتتىق جوسپاردىڭ العاشقى قولدانىلۋ جىلىنىڭ ءبىرىنشى ساۋىرىنە دەيىن قورشاعان ورتانى قورعاۋ سالاسىنداعى ۋاكىلەتتى ورگانعا (بۇدان ءارى – ۋاكىلەتتى ورگان) پارنيكتىك گازدار شىعارىندىلارىنىڭ ۆاليداتسيالانعان مونيتورينگ جوسپارىن جانە قوندىرعىنىڭ ۆەريفيكاتسيالانعان پاسپورتىن ۇسىنادى. 7. قوندىرعى وپەراتورى وسى قاعيدالاردىڭ 6-تارماعىندا كورسەتىلگەن قۇجاتتاردى بەرمەگەن جاعدايدا ۋاكىلەتتى ورگان قۇجاتتاردى بەرۋ مەرزىمى اياقتالعان كۇنىنەن باستاپ بەس جۇمىس كۇنى ىشىندە قورشاعان ورتانى قورعاۋ سالاسىنداعى ۋاكىلەتتى ورگاننىڭ پارنيكتىك گازدار شىعارىندىلارىن رەتتەۋ بويىنشا ۆەدومستۆولىق باعىنىستى ۇيىم بولىپ تابىلاتىن مەملەكەتتىك ءتىزىلىم وپەراتورىنا ولاردى بەرمەگەنگە دەيىن وپەراتوردىڭ شوتىن بۇعاتتاۋ تۋرالى حابارلاما بەرەدى. 8. پارنيكتىك گازدار شىعارىندىلارىنىڭ مونيتورينگى جوسپارى كودەكستىڭ 17-بابىنىڭ 29) تارماقشاسىنا سايكەس بەكىتىلەتىن پارنيكتىك گازدار شىعارىندىلارى مونيتورينگى جوسپارىنىڭ نىسانىنا سايكەس ازىرلەنەدى جانە ۆاليداتسيالاۋعا جاتادى. 9. قوندىرعى پاسپورتى قازاقستان رەسپۋبليكاسى قورشاعان ورتانى قورعاۋ ءمينيسترىنىڭ 2013 جىلعى 15 مامىرداعى №122-ءو بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8496 بولىپ تىركەلگەن) بەكىتىلگەن قوندىرعى پاسپورتىنىڭ نىسانىنا سايكەس ازىرلەنەدى جانە ۆەريفيكاتسيالاۋعا جاتادى. 10. ۋاكىلەتتى ورگان قوندىرعى وپەراتورىنان وسى قاعيدالاردىڭ 6-تارماعىندا كورسەتىلگەن قۇجاتتاردى العان كۇنىنەن باستاپ كۇنتىزبەلىك ون بەس كۇننىڭ ىشىندە ولاردىڭ تولىقتىعى مەن وسى قاعيدالارمەن ورناتىلعان تالاپتارعا سايكەستىگىن قاراستىرادى. 11. بەرىلگەن قۇجاتتاردىڭ تولىق ەمەستىگى جانە (نەمەسە) سايكەس ەمەستىگى انىقتالعان جاعدايدا, ولاردى پىسىقتاۋعا جىبەرەدى جانە مەملەكەتتىك ءتىزىلىم وپەراتورىنا پىسىقتالعان قۇجاتتار بەرىلمەگەنگە دەيىن قوندىرعى وپەراتورىنىڭ شوتىن بۇعاتتاۋ تۋرالى حابارلاما بەرەدى. 12. قوندىرعى وپەراتورى ۇلتتىق جوسپاردىڭ قولدانىلۋى كەزەڭىندە وعان ەنگىزىلگەن قوندىرعى بويىنشا وسى قاعي­دالاردىڭ 6-تارماعىندا كورسەتىلگەن قۇجاتتاردى ونى ۇلتتىق جوسپارعا ەنگىزگەننەن كەيىن ءۇش ايدىڭ ىشىندە ۇسىنادى. 13. جاڭا قوندىرعى بويىنشا كۆوتالار بەرۋ جاڭا قوندىرعى ىسكە قوسىلعان ۇلتتىق جوسپاردىڭ ەسەپتىك جىلعا ارنالعان كۆوتالار كولەمىنىڭ رەزەرۆىنەن جۇزەگە اسىرىلادى. كەلەسى ەسەپتىك جىلدان باستاپ جاڭا قوندىرعى وپەراتورى كودەكستىڭ 16-بابىنىڭ 9) تارماقشاسىنا سايكەس بەكىتىلەتىن پارنيكتىك گازدار شىعارىندىلارىنا كۆوتالار ءبولۋدىڭ جانە پارنيكتىك گازدار شىعارىندىلارىنا كۆوتالار ءبولۋدىڭ ۇلتتىق جوسپارىنداعى كۆوتالاردىڭ بەلگىلەنگەن مولشەردەگى رەزەرۆى مەن كولەمىن قالىپتاستىرۋ قاعيدالارىنا سايكەس ۇلتتىق جوسپارعا ەنگىزىلۋگە جاتادى. 14. جاڭا قوندىرعىعا كۆوتالار بىرلىكتەرىن الۋ ءۇشىن قوندىرعى وپەراتورى ۋاكىلەتتى ورگانعا ءتيىستى قوندىرعىنى ىسكە قوسقانعا دەيىن ءبىر ايدان كەشىكتىرمەي مىناداي قۇجاتتاردى: 1) وسى قاعيدالارعا 1-قوسىمشاعا سايكەس نىسان بويىنشا جاڭا قوندىرعى/اكىمشىلەندىرۋ سۋبەكتىلەرىنىڭ قوندىرعىلارى ءۇشىن پارنيكتىك گازدار شىعارىندىلارىنا كۆوتالار بەرۋگە ءوتىنىش; 2) پارنيكتىك گازدار شىعارىندىلارىنىڭ ۆاليداتسيالانعان مونيتورينگ جوسپارىن; 3) قوندىرعىنىڭ ۆەريفيكاتسيالانعان پاسپورتىن; 4) جەكە تۇلعا ءۇشىن – جەكە باسىن كۋالاندىراتىن قۇجاتتىڭ كوشىرمەسىن; 5) زاڭدى تۇلعا ءۇشىن – زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ* نەمەسە انىقتامانىڭ كوشىرمەسىن بەرەدى. *ەسكەرتپە: «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ 2012 جىلعى 24 جەلتوقسانداعى زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليال, وكىلدىك) مەملەكەتتىك تىركەۋ (قايتا تىركەۋ) تۋرالى كۋالىك زاڭدى تۇلعا قىزمەتىن توقتاتقانعا دەيىن جارامدى بولىپ تابىلادى. 15. ۋاكىلەتتى ورگان وسى قاعيدالاردىڭ 14-تارماعىندا كورسەتىلگەن قۇجاتتاردى العان كۇنىنەن باستاپ كۇنتىزبەلىك ون بەس كۇننىڭ ىشىندە ۇسىنىلعان قۇجاتتاردىڭ تولىقتىعى مەن وسى قاعيدالارمەن ورناتىلعان تالاپتارعا سايكەستىگىن تەكسەرەدى. ۇسىنىلعان قۇجاتتاردىڭ تولىق ەمەستىگى جانە سايكەس ەمەستىگى انىقتالعان جاعدايدا, ولاردى پىسىقتاۋعا جىبەرەدى. 16. قوندىرعى وپەراتورى پىسىقتالعان قۇجاتتاردى ۇسىنعاننان كەيىن ۋاكىلەتتى ورگان قۇجاتتاردى وسى قاعيدالاردىڭ 15-تارماعىندا كورسەتىلگەن مەرزىمدە قارايدى. 17. جاڭا قوندىرعىلار بويىنشا ۇلتتىق جوسپارداعى كۆوتالار كولەمىنىڭ رەزەرۆىنەن كۆوتالار كولەمىن بەرۋ تۋرالى وڭ قورىتىندى قابىلدانعان جاعدايدا, ۋاكىلەتتى ورگان مەملەكەتتىك ءتىزىلىم وپەراتورىنا جاڭا قوندىرعى وپەراتورىن, بولىنگەن كۆوتالار بىرلىكتەرىنىڭ كولەمىن كورسەتە وتىرىپ جانە قوندىرعى وپەراتورىنىڭ مەملەكەتتىك تىزىلىمىندە شوت اشۋ قاجەتتىلىگى تۋرالى ءتيىستى جازباشا حابارلاما جىبەرەدى. جاڭا قوندىرعى بويىنشا كۆوتانى مەملەكەتتىك ءتىزىلىم وپەراتورى قوندىرعى وپەراتورىنىڭ ءتيىستى شوتتى اشقان كۇنىنەن باستاپ ءۇش جۇمىس كۇنى ىشىندە اۋدارادى. 18. ۇلتتىق جوسپاردىڭ قولدانىلۋى كەزەڭىندە ىسكە قوسىلۋى ەكولوگيالىق كودەكستىڭ 94-2-بابىنىڭ 1-تارماعىنىڭ تالاپتارىنا تۇسەتىن اكىمشىلەندىرۋ سۋبەكتىلەرىنىڭ قوندىرعىلارى (بۇدان ءارى – اكىمشىلەندىرۋدىڭ كۆوتالاناتىن سۋبەكتىلەرى) ءۇشىن كۆوتالار بەرۋ ۇلتتىق جوسپارداعى كۆوتالار كولەمىنىڭ رەزەرۆىنەن جۇزەگە اسىرىلادى. كەلەسى ەسەپتىك جىلدان باستاپ اكىمشىلەندىرۋدىڭ كۆوتالاناتىن سۋبەكتىسى كودەكستىڭ 16-بابىنىڭ 9) تارماقشاسىنا سايكەس بەكىتىلگەن پارنيكتىك گازدار شىعارىندىلارىنا كۆوتالار ءبولۋدىڭ جانە پارنيكتىك گازدار شىعارىندىلارىنا كۆوتالار ءبولۋدىڭ ۇلتتىق جوسپارىنداعى كۆوتالاردىڭ بەلگىلەنگەن مولشەردەگى رەزەرۆى مەن كولەمىن قالىپتاستىرۋ قاعيدالارىنا سايكەس ۇلتتىق جوسپارعا ەنگىزىلۋگە جاتادى. 19. كۆوتالار بىرلىكتەرىن الۋ ءۇشىن اكىمشىلەندىرۋدىڭ كۆوتالاناتىن سۋبەكتىسى ۋاكىلەتتى ورگانعا شىعارىندىلارى جىلىنا كومىرتەگى قوستوتىعىنىڭ جيىرما مىڭ تونناسىنا تەڭ كەلەتىن مولشەردەن اساتىن ءتيىستى قوندىرعىعا سايكەس پارنيكتىك گازدار شىعارىندىلارىن تۇگەندەۋ تۋرالى ۆەريفيكاتسيالىق ەسەپتى بەرگەننەن كەيىن ءۇش ايدىڭ ىشىندە مىناداي قۇجاتتاردى: 1) وسى قاعيدالارعا 1-قوسىمشاعا سايكەس نىسان بويىنشا جاڭا قوندىرعى/اكىمشىلەندىرۋ سۋبەكتىلەرىنىڭ قوندىرعىلارى ءۇشىن پارنيكتىك گازدار شىعارىندىلارىنا كۆوتالار بەرۋگە ءوتىنىش; 2) پارنيكتىك گازدار شىعارىندىلارىنىڭ ۆاليداتسيالانعان مونيتورينگ جوسپارىن; 3) قوندىرعىنىڭ ۆەريفيكاتسيالانعان پاسپورتىن; 4) جەكە تۇلعا ءۇشىن – جەكە باسىن كۋالاندىراتىن قۇجاتتىڭ كوشىرمەسىن; 5) زاڭدى تۇلعا ءۇشىن – زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ* نەمەسە انىقتامانىڭ كوشىرمەسىن بەرەدى. *ەسكەرتپە: «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ 2012 جىلعى 24 جەلتوقسانداعى زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىك (فيليال, وكىلدىك) زاڭدى تۇلعا قىزمەتىن توقتاتقانعا دەيىن جارامدى بولىپ تابىلادى. 20. ۋاكىلەتتى ورگان وسى قاعيدالاردىڭ 19-تارماعىندا كورسەتىلگەن قۇجاتتاردى العان كۇنىنەن باستاپ كۇنتىزبەلىك ون بەس كۇننىڭ ىشىندە ۇسىنىلعان قۇجاتتاردىڭ تولىقتىعى مەن وسى قاعيدالارمەن ورناتىلعان تالاپتارعا سايكەستىگىن تەكسەرەدى. ۇسىنىلعان قۇجاتتاردىڭ تولىق ەمەستىگى جانە سايكەس ەمەستىگى انىقتالعان جاعدايدا, ولاردى پىسىقتاۋعا جىبەرەدى. 21. قوندىرعى وپەراتورى پىسىقتالعان قۇجاتتاردى ۇسىنعاننان كەيىن ۋاكىلەتتى ورگان قۇجاتتاردى وسى قاعيدالاردىڭ 20-تارماعىندا كورسەتىلگەن مەرزىمدە قارايدى. 22. اكىمشىلەندىرۋدىڭ كۆوتالاناتىن سۋبەكتىسى بويىنشا ۇلتتىق جوسپارداعى كۆوتالار كولەمىنىڭ رەزەرۆىنەن كۆوتالار كولەمىن بەرۋ تۋرالى وڭ قورىتىندى قابىلدانعان جاعدايدا, ۋاكىلەتتى ورگان مەملەكەتتىك ءتىزىلىم وپەراتورىنا اكىمشىلەندىرۋدىڭ كۆوتالاناتىن سۋبەكتىسىن, بولىنگەن كۆوتالار بىرلىكتەرىنىڭ كولەمىن كورسەتە وتىرىپ جانە قوندىرعى وپەراتورىنىڭ مەملەكەتتىك تىزىلىمىندە شوت اشۋ قاجەتتىلىگى تۋرالى ءتيىستى جازباشا حابارلاما جىبەرەدى. اكىمشىلەندىرۋدىڭ كۆوتالاناتىن سۋبەكتىسىنە كۆوتانى مەملەكەتتىك ءتىزىلىم وپەراتورى قوندىرعى وپەراتورىنىڭ ءتيىستى شوتتى اشقان كۇنىنەن باستاپ ءۇش جۇمىس كۇنى ىشىندە اۋدارادى. 3-تاراۋ. پارنيكتىك گازدار شىعارىندىلارىنا كۆوتالاردى وزگەرتۋ ءتارتىبى 23. كۆوتالاردى وزگەرتۋ پارنيكتىك گازدار شىعارىندىلارىنا قوسىمشا كۆوتالار كولەمىن بەرۋ ارقىلى جۇزەگە اسىرىلادى. 24. قوندىرعى وپەراتورى ۇلتتىق جوسپاردى ازىرلەۋ جىلىنىڭ جانە قولدانىلۋ كەزەڭىنىڭ باسىندا قوندىرعىنىڭ قۋاتى ۇلعايعان جانە (نەمەسە) پارنيكتىك گازدار شىعارىندىلارىنىڭ جاڭا ستاتسيونارلىق كوزى ەنگىزىلگەن جاعدايدا, كودەكستىڭ 94-4-بابىنىڭ 1-تارماعىنا سايكەس پارنيكتىك گازدار شىعارىندىلارىنا قوسىمشا كۆوتالار كولەمىن الۋ ءۇشىن ۋاكىلەتتى ورگانعا جۇگىنەدى. 25. وسى قاعيدالاردىڭ 24-تارماعىندا كورسەتىلگەن جاعدايلاردا قوندىرعى وپەراتورى ۋاكىلەتتى ورگانعا ۇلتتىق جوسپاردىڭ سوڭعى قولدانىلۋ جىلىنىڭ 1 قازانىنا دەيىنگى مەرزىمدە مىناداي قۇجاتتاردى: 1) وسى قاعيدالارعا 2-قوسىمشاعا سايكەس نىسان بويىنشا پارنيكتىك گازدار شىعارىندىلارىنا كۆوتالار كولەمىن وزگەرتۋگە ءوتىنىش; 2) ۆەريفيكاتسيالاعان قوندىرعى پاسپورتىن; 3) ۆاليداتسيالاعان مونيتورينگ جوسپارىن; 4) كوزدىڭ ىسكە قوسىلۋىن راستايتىن قۇجات (جاڭا ستاتسيونارلىق كوزدى ەنگىزگەن جاعدايدا) بەرەدى. 26. ۋاكىلەتتى ورگان وسى قاعيدالاردىڭ 25-تارماعىندا كورسەتىلگەن قۇجاتتاردى العان كۇنىنەن باستاپ كۇنتىزبەلىك ون بەس كۇننىڭ ىشىندە قوندىرعى وپەراتورى ۇسىنعان قۇجاتتاردى قارايدى. قوسىمشا كۆوتالار بەرۋ تۋرالى وڭ قورىتىندى قابىلدانعان جاعدايدا, ۋاكىلەتتى ورگان قوندىرعى وپەراتورىنا جانە مەملەكەتتىك ءتىزىلىم وپەراتورىنا قوندىرعى وپەراتورىن جانە قوسىمشا كۆوتالار كولەمىن كورسەتە وتىرىپ, ءتيىستى جازباشا حابارلاما جىبەرەدى. 27. قوسىمشا كۆوتالار كولەمىن مەملەكەتتىك ءتىزىلىمنىڭ وپەراتورى قوندىرعى وپەراتورىنىڭ شوتىنا ۋاكىلەتتى ورگاننان جازباشا حابارلاما العان كۇنىنەن باستاپ ءۇش جۇمىس كۇنى ىشىندە اۋدارادى. 28. پارنيكتىك گازدار شىعارىندىلارىنا قاتىستى قايتا قارالعان كۆوتالار كولەمى تۋرالى اقپارات ۋاكىلەتتى ورگاننىڭ رەسمي ينتەرنەت-رەسۋرسىندا جاريالانادى. 29. بەرىلگەن قۇجاتتار تولىق بولماعان جانە سايكەس كەلمەگەن جاعدايلاردا, ۋاكىلەتتى ورگان وسى قاعيدالاردىڭ 25-تارماعىندا كورسەتىلگەن قۇجاتتاردى پىسىقتاۋعا جىبەرەدى. 30. قوندىرعى وپەراتورى پىسىقتالعان قۇجاتتاردى ۇسىنعاننان كەيىن ۋاكىلەتتى ورگان قۇجاتتاردى وسى قاعيدالاردىڭ 26-تارماعىندا كورسەتىلگەن مەرزىمدە قارايدى. 31. قوندىرعى وپەراتورى, ونىڭ اتاۋى نەمەسە ۇيىمداستىرۋ-قۇقىقتىق نىسانى اۋىسقان جاعدايدا, ۋاكىلەتتى ورگان ءوتىنىش بەرۋشىنىڭ ءوتىنىش بەرگەن كۇنىنەن باستاپ بەس جۇمىس كۇنى ىشىندە مەملەكەتتىك ءتىزىلىمنىڭ وپەراتورىنا مىناداي راستالاتىن قۇجاتتار نەگىزىندە ءتيىستى وزگەرىستەر ەنگىزىلگەنى تۋرالى حابارلاما بەرەدى: 1) قوندىرعىنى ساتىپ الۋ-ساتۋ شارتى نەمەسە قابىلداۋ-تاپسىرۋ اكتىسى – قوندىرعى وپەراتورى اۋىسقان جاعدايدا (يەلىكتەن ايىرۋ); 2) جەكە تۇلعا ءۇشىن – جەكە باسىن كۋالاندىراتىن قۇجاتتىڭ كوشىرمەسى; 3) زاڭدى تۇلعالار ءۇشىن - مەملەكەتتىك تىركەۋ (قايتا تىركەۋ) تۋرالى كۋالىكتىڭ نەمەسە انىقتامانىڭ كوشىرمەسى*. *ەسكەرتپە: «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ 2012 جىلعى 24 جەلتوقسانداعى زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليال, وكىلدىك) مەملەكەتتىك تىركەۋ (قايتا تىركەۋ) تۋرالى كۋالىك زاڭدى تۇلعا قىزمەتىن توقتاتقانعا دەيىن جارامدى بولىپ تابىلادى. 32. مەملەكەتتىك ءتىزىلىمنىڭ وپەراتورى بەس جۇمىس كۇنى ىشىندە ءتيىستى وزگەرىستەردى ەنگىزەدى. پارنيكتىك گازدار شىعارىندىلارى بويىنشا مىندەتتەمەلەر كودەكستىڭ 94-4-بابىنىڭ 2-تارماعىنا سايكەس جاڭا قوندىرعى وپەراتورىنا بەرىلەدى. 33. قوندىرعى وپەراتورى اۋىسقاندا ۇلتتىق جوسپارمەن بەلگىلەنگەن كۆوتالار كولەمى وزگەرگەن جاعدايدا, قوندىرعى وپەراتورى وسى قاعيدالاردىڭ 31-تارماعىندا كورسەتىلگەن قۇجاتتاردى ۋاكىلەتتى ورگانعا بەرەدى. 34. قوندىرعى وپەراتورى تاراتىلعان جاعدايدا, ۋاكىلەتتى ورگاندى جۇمىس ىستەگەن مەرزىم ىشىندە پارنيكتىك گازداردى تۇگەندەۋ تۋرالى ەسەپپەن قوسا, ءوزىنىڭ قىزمەتىنىڭ توقتاتىلعانى تۋرالى حاباردار ەتەدى. 35. ۋاكىلەتتى ورگان قوندىرعى وپەراتورىنان حابارلاما العان سوڭ ءۇش جۇمىس كۇنى ىشىندە مەملەكەتتىك ءتىزىلىم وپەراتورىنا پارنيكتىك گازدار شىعارىندىلارىنا قولدانىلماعان كۆوتالار كولەمىن جۇمىسى تاراتىلعان قوندىرعى وپەراتورىنىڭ شوتىنان پارنيكتىك گازدار شىعارىندىلارىنا كۆوتالار ءبولۋدىڭ ۇلتتىق جوسپارىنداعى كۆوتالار كولەمىنىڭ رەزەرۆى شوتىنا اۋدارۋدى حابارلايدى. 4-تاراۋ. پارنيكتىك گازدار شىعارىندىلارىنا كۆوتالاردى وتەۋ ءتارتىبى 36. پارنيكتىك گازدار شىعارىندىلارىنا كۆوتالاردى وتەۋ مەملەكەتتىك تىزىلىمىندە ەسەپتىك جىلداعى پارنيكتىك گازدار شىعارىندىلارىن تۇگەندەۋ تۋرالى ۆەريفيكاتسيالىق ەسەپكە (بۇدان ءارى - ەسەپ) سايكەس ۇلتتىق جوسپارداعى كومىرتەگى بىرلىكتەرىن جىل سايىنعى اينالىمنان الىپ تاستاۋ (ەسەپتەن شىعارۋ) ارقىلى جۇزەگە اسىرىلادى. 37. ۋاكىلەتتى ورگان ەسەپ تىركەلگەننەن كەيىن بەس جۇمىس كۇنى ىشىندە مەملەكەتتىك ءتىزىلىم وپەراتورىنا ەسەپتىك جىلداعى وتەۋ ءۇشىن كۆوتالار كولەمىن كورسەتە وتىرىپ, قوندىرعى وپەراتورىنىڭ شوتىنان كۆوتالاردى وتەۋ شوتىنا كۆوتالار بىرلىكتەرىن بەرۋ قاجەتتىلىگى تۋرالى حابارلاما جولدايدى. 38. ساتىپ الۋعا جوسپارلانعان رەتىندە ولاردى وتەۋگە بەرۋ ماقساتىندا ۇسىنىلعان ەسەپتە كورسەتىلگەن, ۇلتتىق جوسپارمەن بەلگىلەنگەن كولەمنەن كۆوتالاردىڭ جەتپەگەن كولەمىن تىكەلەي ساتۋ-ساتىپ الۋ جولىمەن مامىلە جاسالعان جاعدايدا, قوندىرعى وپەراتورى كۆوتالار بىرلىكتەرىن مىناداي تارتىپپەن وتەيدى: 1) قوندىرعىلار وپەراتورلارى (ساتۋشى جانە ساتىپ الۋشى) ۋاكىلەتتى ورگانعا مامىلە جاساسقان كۇننەن باستاپ بەس جۇمىس كۇنى ىشىندە قوندىرعىلار وپەراتورلارى (ساتۋشى جانە ساتىپ الۋشى), ساتىلعان/ساتىپ الىنعان كۆوتالار بىرلىكتەرىنىڭ كولەمى, قازاقستان رەسپۋبليكاسى قورشاعان ورتانى قورعاۋ ءمينيسترىنىڭ 2012 جىلعى 11 مامىرداعى №151-ءو بۇيرىعىمەن (نورماتيۆتiك قۇقىقتىق اكتiلەرiنiڭ مەملەكەتتiك تىركەۋ تىزىلىمىندە №7711 بولىپ تىركەلگەن) بەكىتىلگەن پارنيكتىك گازدار شىعارىندىلارىنا كۆوتالارمەن جانە كومىرتەگى بىرلىكتەرىمەن ساۋدا جاساۋ قاعيدالارىنا سايكەس (بۇدان ءارى - ساۋدا جاساۋ قاعيدالارى) باعاسى تۋرالى اقپاراتتى قامتيتىن مالىمەتتەردى ۇسىنادى; 2) ۋاكىلەتتى ورگان ساۋدا جاساۋ قاعيدالارىنا سايكەس مەملەكەتتىك تىزىلىمدەگى قوندىرعىلار وپەراتورلارى شوتتارىنىڭ (ساتۋشى جانە ساتىپ الۋشى شوتى) اراسىنداعى ءتيىستى كۆوتالار بىرلىكتەرىنىڭ كولەمىن بەرۋ ءۇشىن كۆوتالار كولەمىن كورسەتە وتىرىپ, بەرۋ قاجەتتىلىگى تۋرالى مەملەكەتتىك ءتىزىلىم وپەراتورىن حاباردار ەتەدى; 3) قوندىرعى وپەراتورى (ساتىپ الۋشى) ونىڭ شوتىنا ساتىپ الىنعان كۆوتالار سالىنعاننان كەيىن ۋاكىلەتتى ورگانعا وسى قاعيدالارعا 3-قوسىمشاعا سايكەس نىسان بويىنشا پارنيكتىك گازدار شىعارىندىلارىنا كۆوتالاردى وتەۋگە ءوتىنىش بەرەدى; 4) ۋاكىلەتتى ورگان قوندىرعى وپەراتورىنىڭ شوتىنان كۆوتالاردى وتەۋ شوتىنا مەملەكەتتىك تىزىلىمدەگى كۆوتالار كولەمىن كورسەتە وتىرىپ, ءتيىستى كۆوتالار كولەمىن بەرۋ قاجەتتىلىگى تۋرالى مەملەكەتتىك ءتىزىلىم وپەراتورىن حاباردار ەتەدى. 39. ساتىپ الۋعا جوسپارلانعان رەتىندە ولاردى وتەۋگە بەرۋ ماقساتىندا ۇسىنىلعان ەسەپتە كورسەتىلگەن, ۇلتتىق جوسپارمەن بەلگىلەنگەن كولەمنەن كۆوتالاردىڭ جەتپەگەن كولەمىنىڭ كومىرتەگى بىرلىكتەرىن ساتۋ-ساتىپ الۋ بويىنشا تاۋار بيرجاسىندا مامىلەلەر جاسالعان جاعدايدا, قوندىرعى وپەراتورى كۆوتالار بىرلىكتەرىن مىناداي تارتىپپەن وتەيدى: 1) قوندىرعى وپەراتورى مەملەكەتتىك ءتىزىلىم وپەراتورىنا كومىرتەگى بىرلىكتەرىن ساتۋ-ساتىپ الۋ جۇرگىزۋ قورىتىندىلارى بويىنشا بيرجالىق مامىلەنى ەسەپكە الۋ پاراعىن ۇسىنادى; 2) قوندىرعى وپەراتورى (ساتىپ الۋشى) ونىڭ شوتىنا ساتىپ الىنعان كۆوتالار سالىنعاننان كەيىن مەملەكەتتىك ءتىزىلىم وپەراتورىنا وسى قاعيدالارعا 3-قوسىمشاعا سايكەس نىسان بويىنشا پارنيكتىك گازدار شىعارىندىلارىنا كۆوتالاردى وتەۋگە ءوتىنىش بەرەدى; 3) مەملەكەتتىك ءتىزىلىم وپەراتورى قوندىرعى وپەراتورىنىڭ شوتىنان كۆوتالاردى وتەۋ شوتىنا ءتيىستى كۆوتالار بىرلىكتەرىنىڭ كولەمىن بەرۋدى جۇرگىزەدى. 40. ىشكى ازايتۋ بىرلىكتەرىن العان جاعدايدا, قوندىرعى وپەراتورى مەملەكەتتىك ءتىزىلىم وپەراتورىنا وسى قاعيدالارعا 3-قوسىمشاعا سايكەس نىسان بويىنشا پارنيكتىك گازدار شىعارىندىلارىنا كۆوتالاردى وتەۋگە ءوتىنىش بەرەدى. مەملەكەتتىك ءتىزىلىم وپەراتورى قوندىرعى وپەراتورىنىڭ شوتىنان كۆوتالاردى وتەۋ شوتىنا ءتيىستى ىشكى ازايتۋ بىرلىكتەرىنىڭ كولەمىن بەرۋدى جۇرگىزەدى. پارنيكتىك گازدار شىعارىندىلارىنا كۆوتالاردى بەرۋ, وزگەرتۋ جانە وتەۋ قاعيدالارىنا 1-قوسىمشا نىسان جاڭا قوندىرعى بويىنشا پارنيكتىك گازدار شىعارىندىلارىنا كۆوتالار بەرۋگە ءوتىنىش / اكىمشىلەندىرۋ سۋبەكتىلەرىنىڭ قوندىرعىلارى ءۇشىن 1. قوندىرعى وپەراتورىنىڭ /كۆوتالاناتىن اكىمشىلەندىرۋ سۋبەكتىسىنىڭ اتاۋى 2.جالپى مالىمەتتەر: 2.1. زاڭدى مەكەنجايى 2.2. جەكە سايكەستەندىرۋ ءنومىرى (جسن), بيزنەس-سايكەستەندىرۋ ءنومىرى (بسن) 2.3. بايلانىس تەلەفوندارى, فاكس, ەلەكتروندى پوشتا 3. ەكونوميكالىق قىزمەت تۇرلەرىنىڭ جالپى جىكتەۋىشى بويىنشا (كود جانە اتاۋى) پارنيكتىك گازدار شىعارىندىلارىن كۆوتالاۋ جونىندەگى تالاپتارعا تۇسەتىن كىرەتىن قوندىرعى جاتاتىن ەكونوميكا سەكتورى 4. ۇلتتىق جوسپارداعى كۆوتالار كولەمى قورىنان پارنيكتىك گازدار شىعارىندىلارىنا سۇراتىلاتىن كۆوتالار كولەمى ەسەپتىك جىل_____ - _________ توننا 5. پارنيكتىك گازدار شىعارىندىلارىنا كۆوتالار بەلگىلەنەتىن جىل « » _________ باستاپ 20__ جىلعى «31» جەلتوقسانعا دەيىن 6. وتىنىمگە كەلەسى قۇجاتتاردىڭ تۇپنۇسقالارى قوسا بەرىلەدى: 1) قوندىرعىنىڭ ۆەريفيكاتسيالانعان پاسپورتى 2) پارنيكتىك گازدار شىعارىندىلارىنىڭ ۆاليداتسيالانعان مونيتورينگ جوسپارى 3) جەكە تۇلعا ءۇشىن – جەكە باسىن كۋالاندىراتىن قۇجاتتىڭ كوشىرمەسى; 4) زاڭدى تۇلعا ءۇشىن – زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ* كوشىرمەسى نەمەسە انىقتاماسى باسشى (تەگى, اتى جانە اكەسىنىڭ اتى (بولعان كەزدە), قىزمەتى, قولى, ءمور ورنى (بولعان كەزدە) پارنيكتىك گازدار شىعارىندىلارىنا كۆوتالاردى بەرۋ, وزگەرتۋ جانە وتەۋ قاعيدالارىنا 2-قوسىمشا نىسان پارنيكتىك گازدار شىعارىندىلارىنا كۆوتالار كولەمىن وزگەرتۋگە ءوتىنىش 1. قوندىرعى وپەراتورىنىڭ اتاۋى 2.جالپى مالىمەتتەر: 2.1. زاڭدى مەكەنجايى 2.2. جەكە سايكەستەندىرۋ ءنومىرى (جسن), بيزنەس-سايكەستەندىرۋ ءنومىرى (بسن) 2.3. بايلانىس تەلەفوندارى, فاكس, ەلەكتروندى پوشتا 3. ەكونوميكالىق قىزمەت تۇرلەرىنىڭ جالپى جىكتەۋىشى بويىنشا (كود جانە اتاۋى) پارنيكتىك گازدار شىعارىن­دىلارىن كۆوتالاۋ تالاپتارى بويىنشا تالاپتارعا كىرەتىن قوندىرعى جاتاتىن ەكونوميكا سەكتورى 4. قولدانىستاعى ۇلتتىق جوسپارعا سايكەس بەلگىلەنگەن كۆوتالار كولەمى: 5. كۆوتالاردىڭ قوسىمشا (وزگەرەتىن) كولەمى: 6. كۆوتالاردىڭ قوسىمشا كولەمى ەسەبىمەن كۆوتالاردىڭ جالپى كولەمى 7. كۆوتا كولەمىن وزگەرتۋدى سۇراۋ سەبەبى (قاجەتتىسىن بەلگىلەۋ): 7.1.قوندىرعى قۋاتىنىڭ ۇلعايۋى 7.2. كۆوتالاناتىن قوندىرعىمەن تەحنولوگيالىق بايلانىسقان پار­­نيكتىك گازدار شىعارىندىلارىنىڭ جاڭا ستاتسيونارلىق كوزىن ەنگىزۋ 8. پارنيكتىك گازدار شىعارىندىلارىنا كۆوتا بەلگىلەنەتىن ۋاقىت كەزەڭى « » _________ 20__ جىلدان باستاپ « » __________ 20__ جىل بويىنشا 9. وتىنىشكە مىناداي قۇجاتتار قوسا بەرىلەدى: 1) قوندىرعىنىڭ ۆەريفيكاتسيالانعان پاس­پورتى 2) پارنيكتىك گازدار شىعارىندىلارىنىڭ ۆاليداتسيالانعان مونيتورينگ جوسپارى 3) كوزدىڭ ىسكە قوسىلۋىن راستايتىن قۇجات (جاڭا ستاتسيونارلىق كوزدى قوسقان جاعدايدا) اتاۋى________________________________ ____________________________________ ____________________________________ مەكەنجايى________________________________________ تەلەفون __________________________________________ ەلەكتروندى مەكەنجايى ______________________________ ورىنداۋشىنىڭ تەگى جانە تەلەفونى ____ تەلەفون __________________________________________ باسشى _______________________________ باس بۋحگالتەر __________________________ (ت.ا.ءا., قولى) ______________________________________ (ت.ا.ءا., قولى) ______________________________________ باسشى (تەگى, اتى جانە اكەسىنىڭ اتى (بولعان كەزدە), قىزمەتى, قولى, ءمور ورنى (بولعان كەزدە) پارنيكتىك گازدار شىعارىندىلارىنا كۆوتالاردى بەرۋ, وزگەرتۋ جانە وتەۋ قاعيدالارىنا 3-قوسىمشا نىسان پارنيكتىك گازدار شىعارىندىلارىنا كۆوتالاردى وتەۋگە ءوتىنىش 1. قوندىرعى وپەراتورىنىڭ اتاۋى 2.جالپى مالىمەتتەر: 2.1. زاڭدى مەكەنجايى 2.2. جەكە سايكەستەندىرۋ ءنومىرى (جسن), بيزنەس-سايكەستەندىرۋ ءنومىرى (بسن) 2.3. بايلانىس تەلەفوندارى, فاكس, ەلەكتروندى پوشتا 3. ەكونوميكالىق قىزمەت تۇرلەرىن جالپى جىكتەۋ بويىنشا (كود جانە اتاۋى), پارنيكتىك گازدار شىعارىندىلارىن كۆوتالاۋ بويىنشا تالاپتارىنا كىرەتىن قوندىرعىعا جاتاتىن ەكونوميكا سەكتورى 4. پارنيكتىك گازدار شىعارىندىلارىنا وتەلەتىن كۆوتانىڭ جالپى كولەمى _________ توننا 4.1. وتەۋ ءۇشىن ساتىپ الىنعان __________ توننا 4.2. وتەۋ ءۇشىن بەرىلەتىن كۆوتا بىرلىكتەرى __________ توننا 4.3. شىعارىندىلاردى ىشكى ازايتۋ بىرلىكتەرى __________ توننا 5. ەسەپتىك جىل 20__ جىل 6. وتىنىشكە كەلەسى قۇجاتتار قوسىلادى: كومىرتەگى بىرلىكتەرىمەن مامىلەنىڭ جاسالعانىن راستايتىن قۇجاتتار باسشى (تەگى, اتى جانە اكەسىنىڭ اتى (بولعان كەزدە), قىزمەتى, قولى, ءمور ورنى (بولعان كەزدە) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 28 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14012 بولىپ ەنگىزىلدى.