تاپسىرىستا توسىرقاۋ بار

ءبىلىم جانە عىلىم مينيس­ترلىگىنىڭ تالابى بويىنشا وقۋ­شىلار جاڭا وقۋ جىلىن بىرىڭعاي ۇلگىدەگى كيىممەن قارسى الماق. بۇل ماسەلە «ءبىلىمدى ەل–ماڭگىلىك ەل!» تاقىرىبىمەن وتكەن مۇعا­لىمدەردىڭ رەسپۋبليكالىق تامىز كەڭەسىندە دە ايتىلدى. ونداعى ماقسات – شاكىرتتەر اراسىندا الەۋمەتتىك, م ۇلىكتىك جانە باسقا دا تەڭسىزدىكتەردى بولدىرماۋعا تىرىسۋ, ەتيكالىق-ەستەتيكالىق ءمان-مازمۇنىن بارىنشا ەسكەرۋ. مەكتەپ فور­ماسىنىڭ ءتۇسى مەن ءستيلى تاپسىرىس بەرۋشىنىڭ تالعامىنا ىڭعايلاستىرىلعانىمەن, ورتاق ستاندارتتىق كورسەتكىشتەر ساق­تالۋى ءتيىس.ماسەلەن, كيىم­گە ءبىر­ىڭعاي ءتۇس گامماسى تاڭ­دا­لادى, ۇشەۋدەن ارتىق ءتۇستى ارالاستىرۋعا رۇقسات جوق. كلي­­ماتتىق جاعداي, وقۋ عيما­را­تىنداعى تەمپەراتۋرالىق رە­جىم ەسكەرىلەدى. جارتىلاي ءجۇن ءجا­نە ماقتا, كيىسكە ءتوزىمدى, انتي­باكتەريالىق قاسيەتتەرى بار ماتالار قولدانىلادى. وتاندىق جەڭىل ونەركاسىپ وندىرۋشىلەرىنەن ساتىپ الۋ ۇسىنىلادى. مەكتەپ فورماسىنىڭ ءتۇسىن, ۇلگىسىن ءبىلىم بەرەتىن ۇيىم, قوعامدىق كەڭەس ايقىندايدى, ياعني اتا-انالار جينالىسىنىڭ حاتتاماسىمەن بەكىتىلەدى. مىنە, وقۋشىلار مەن اتا-انالار ءۇشىن وسىنداي كوپتەگەن جەڭىلدىكتەر قاراستىرىلعان. بۇل مىندەتتەر وتكەن وقۋ جىلىنىڭ سوڭىنا دەيىن شەشىلۋگە ءتيىستى بولاتىن. ەندىگى كەزەكتە تاپسىرىس الۋشىلاردىڭ جۇمىستارى               1 قىركۇيەككە دەيىن ۇزارتىلدى. وبلىستىق ءبىلىم باسقارماسى باسشىلارىنىڭ ايتۋىنشا, 70 مىڭعا جۋىق وقۋشىنى كيىم-كەشەكپەن قامتاماسىز ەتۋگە جەر­گىلىكتى شاعىن جانە ورتا كا­سىپ­­كەرلىكتىڭ مۇمكىندىكتەرى تولىق جەتەدى. بۇل ىسكە وڭىرلىك تىگىن­شىلەرمەن قاتار كوكشەتاۋلىق «ارمان», قوستانايلىق «باتىر», الماتىلىق «بولاشاق» تىگىن فابريكالارى تارتىلعان. پەت­روپاۆل قالاسىنداعى «س.ن.سو­كيركو» جەكە كاسىپكەرلىگى – بۇل ناۋقاننىڭ بەل ورتاسىندا ءجۇر­گەندەردىڭ ءبىرى. ماسەلەنىڭ مانىنە تەرەڭ بويلاۋ ءۇشىن كاسىپورىننىڭ جەتەكشىسى سەرگەي سوكيركوعا جولىققان ەدىك. – ءبىزدىڭ ونىمدەرىمىز «مەحوۆايا رادۋگا» تاۋار بەلگىسىمەن تانىمال. مەكتەپ وقۋشىلارىنىڭ كيىم-كەشەكتەرىن تىگۋ سالاسىندا تاجىريبەمىز مول. كەنجەلەپ قالعان قازاقستاندىق جەڭىل ونەركاسىپ ءۇشىن باسەكەلەستىككە ءتۇسۋ وڭايعا سوقپاسا دا, قيىندىقتاردى ەڭ­سەرۋدىڭ جولدارىن تالماي قاراس­تىرىپ كەلەمىز, – دەي كەلىپ, سەرگەي نيكولاەۆيچ بىرنەشە مەكتەپكە ءوز قىزمەتتەرىن ۇسىنعانىن, تاپسىرىس ساپاسىنا ەرەكشە كوڭىل بولىنەتىنىن جەتكىزدى. دەسەك تە, كاسىپكەر رەسپۋب­ليكالىق ۆەدومستۆو تاراپىنان بەلگىلەنگەن شارا اياسىندا ورىن العان ولقىلىقتاردى دا جاسىرمادى. اتالمىش كاسىپورىن ءوز مۇمكىنشىلىگىن ەسەپتەي وتىرىپ اۋدانداردى قوسقاندا 10800 وقۋشىنى كيىندىرۋ مىندەتتەمەسىن العان. الايدا, بۇگىندە وبلىس ورتالىعىنان تۇسكەن تاپسىرىس جوسپارلى جۇمىستىڭ ۇشتەن ءبىرىن عانا قامتيدى. ويتكەنى, اتا-انالاردىڭ كوبىنىڭ جايباراقات, اسىقپاي وتىرۋىنا قاراعاندا دايىن ءونىمدى ساتىپ الامىز دەگەن سىڭايلى. تاپسىرىسپەن تىگىلگەن بۇيىمنىڭ ارتىقشىلىقتارىن ەسكەرمەيتىن ءتارىزدى. كەز كەلگەن بيزنەستى دامىتۋ, ءىستى ىلگەرىلەتۋ قارجىعا كەلىپ تىرەلەتىنى بەلگىلى. كاسىپورىن بۇل ناۋقاندى ويداعىداي وتكىزۋ ماقساتىمەن تاۋەكەلگە بەل بۋعان, قاجەتتى شيكىزات ساتىپ الۋعا بانك­تەن نەسيە العان. وتكەن وقۋ جىلى قابىلدانعان تاپسىرىستاردىڭ باياۋلىعىنا قاراپ نەسيە قار­جىسىن وتەۋ وڭايعا سوقپايتىن سەكىلدى. جارتى جىل بۇرىن ازىرلىك شارالارىن قاراستىرعانمەن, تىعىرىققا تىرەلىپ وتىرعان جايلارى بار. سەبەبى, ماتالاردى ساتىپ الۋ, كيىم ۇلگىلەرى مەن ءپىش­پەلەرىنىڭ سىزباسىن جاساۋ كوپ ۋاقىتتى الادى. جەڭىل ونەركاسىپ سالاسىنا مەملەكەت تاراپىنان جەڭىلدىكتەر كورسەتىلسە, ارتىقتىق ەتپەس ەدى. – تۇتىنۋشىلاردىڭ كەز كەلگەن تالابىن ورىنداۋعا ءازىرمىز. جاڭا وقۋ جىلى دا جەت­تى. كەشىگىپ تۇسكەن تاپسىرىس­تار وقۋشىلاردى دا, ءبىزدى دە قاتتى ابىگەرگە سالادى. ءبىزدى اتا-انالاردىڭ جايباراقاتتىعى تاڭعالدىرادى, – دەيدى كاسىپكەر. بۇل سىننىڭ قالا مەكتەپتەرىنە ۇلكەن قاتىسى بار.كاسىپكەر ءوز جۇمىسىن ۇيلەستىرۋ ءۇشىن مەكتەپ ديرەكتورلارىمەن كەزدەسكەن, ەلەكتروندى پوشتا ارقىلى بىرنەشە مارتە حات جولداعان. بىراق بىرقاتار باسشىلاردىڭ سامارقاۋلىعى باسىم. تىعىرىققا تىرەيتىن مۇنداي ورالىمسىز كورىنىستەر باسقا دا تىگىن شە­بەر­حانالارىنا ءتان. «ەڭبەك-قىزىلجار» كاسىپورنىنىڭ ءون­دىرىس شەبەرى گۇلميرا حام­زينا: «ءبىز №6 مەكتەپپەن كەلىسىم جا­ساسقان ەدىك. تاپسىرىس ءمول­شە­رى 65 پايىز عانا. باسقا دا ماقساتتى جوسپارلارىمىز بول­عاندىقتان, كەشىككەن تاپسىرىستى قابىلداۋعا مۇمكىندىگىمىز جوق. ءبىر اڭعارعانىم, اتا-انالار مەن مەكتەپتەر ءبىلىم سالاسىنداعى جاڭعىرتۋلاردى تولىق ۇقپاعان سىڭايلى. كەيبىرى جىلداعىداي قولعا ىلىككەنىن ساتىپ الامىز دەپ ويلايدى. قازىر وعان جول بەرىلمەيتىنىن ەستە مىقتاپ ساقتاۋ كەرەك», – دەيدى شەبەر. ءبىزدىڭ بۇعان الىپ-قوسارىمىز جوق. گۇلگۇل قۋاتقىزى, جۋرناليست سولتۇستىك قازاقستان وبلىسى