تۇڭعيىق گ ۇلىنىڭ تىلسىمى

شىعىس ءوڭىرىنىڭ ماقتا­نىشتارىنىڭ ءبىرى – وبلىستىق ساۋلەتتىك-ەتنوگرافيالىق ءجا­نە تابيعي-لاندشافت مۋزەي-قورىعى. وسى نىساننىڭ «سول جاعالاۋ كەشەنى» اتالىپ جۇرگەن ساياباعىندا ءتۇرلى وسىمدىكتەردى تاماشالاۋعا بولادى. ماسەلەن, عىلىم تىلىندە «نيمفەيا» اتالاتىن تۇڭعيىق گ ۇلى – ادەتتە تازالىق پەن مەيىرىمنىڭ نىشانىنا بالاناتىن ادەمى سۋ وسىمدىكتەرىنىڭ ءبىرى. اسىرەسە, ونىڭ «اتتراكتسيون» اتالاتىن قىزعىلتىم رەڭككە يە ءتۇرى وتە سيرەك كەزدەسەدى. سول جاعالاۋ كەشەنىنىڭ بوتانيكالىق باعىندا تۇڭعيىق گ ۇلىنىڭ وسى ءتۇرى العاش رەت قاۋىز جاردى. بۇل وسىمدىك باق اۋماعىنا بيىل كوكتەمدە وتىرعىزىلعان ەكەن. شاماسى, «جاڭا قونىسىن» جەرسىنسە كەرەك, جايناپ تۇر. – باقتا وسى گۇلدەرگە ارنالعان سۋ توعاندارى مەن توپىراق قوس­پاسى ازىرلەنگەن بولاتىن. ونى قاراشىرىك پەن قۇم, ساز­بالشىقتان دايىندادىق, – دەيدى قورىق-مۋزەيدىڭ بوتانيكالىق باق جانە دەندروساياباق ءبولىمىنىڭ مەڭگەرۋشىسى الەكساندر بوچاگوۆ. جالپى, تۇڭعيىق گ ۇلى ءتۇرلى حالىقتىڭ اڭىز-اڭگىمەلەرىنە ارقاۋ بولعان تانىمال وسىمدىك. ماسەلەن, ورىس حالقىندا جۇم­­­­باق, تىلسىم گۇل رەتىندە سي­پاتتا­لادى. ياعني, ساباعىن قي­سا, قان توگىلەدى, كۇلتەلەرى قورۋىلداۋعا قىزمەت ەتەدى دەلى­نەدى. سۋ بەتىندەگى وسىمدىكتىڭ قازاق تىلىندە «تۇڭعيىق» اتالۋى دا تەگىن ەمەس. ارينە, باق اۋماعىندا تۇڭ­عيىق­تان باسقا دا كوپتەگەن ەك­زوتيكالىق, سيرەك كەزدەسەتىن وسىمدىكتەرگە قولايلى جاعداي جاسالعان. الدى گۇل جارىپ, حوش ءيىستى جۇپار شاشىپ تۇر. دۋمان اناش, «ەگەمەن قازاقستان» وسكەمەن