تانىمال اقىندار دانيار ەلەۋسىنوۆكە ولەڭ ارنادى

ريو-2016 وليمپياداسىندا بوكستان التىن مەدال العان جەرلەسىمىز دانيار ەلەۋسىنوۆتىڭ قۇرمەتىنە تانىمال اقىندار ولەڭ ارناپ جاتىر. بوكسشى التىن تۇعىرعا كوتەرىلگەن ساتتەن كەيىن كوپ ۇزاماي اقىنداردىڭ الەۋمەتتىك پاراقشاسىندا جاريالانعان, شىنايى شابىت پەن تولقىنىستان تۋعان ولەڭدەردىڭ كەيبىرىن وقىرمان نازارىنا ۇسىنعاندى ءجون كوردىك. بىرنەشە جىر كىتاپتارىنىڭ اۆتورى, «شابىت» حالىقارالىق شىعارماشىل جاستار ۆفەستيۆالىنىڭ لاۋرەاتى ميراس اسان «كوكجال قازاق دانيار» اتتى ولەڭىندە بىلاي دەيدى: — ساق باباڭنىڭ التىن بوپتى كيىمى, عۇن باباڭنىڭ التىن بوپتى بۇيىمى. التىن بىزگە تاڭسىق ەمەس, ماسەلە - سەنىڭ شىققان تۇعىرىننىڭ, بيىگى! بولات بىلەك دانيار! التىنعا قۇل بولعان ەمەن سالتىمدا, ارتىمدا ۇل قالسا التىن, ءور تۇلعا! بۇل جەردە دە التىندا ەمەس ماسەلە, ەلۇرانىن الاشىمنىڭ ال, تىندا! ءور, نار عاجاپ دانيار! بۇكتەپ سوققان وعلانداردى تالاي تىك, حالقىڭدى التىن قويدىڭ ءتىپتى زورايتىپ! قويىنىنا التىن تىققان الەم تۇر, مويىنىڭا التىن تاققان سەنى ايتىپ! كوكجال قازاق دانيار! بەلگىلى اقىن, تولەگەن ايبەرگەنوۆ اتىنداعى سىيلىقتىڭ يەگەرى, حالىقارالىق «شابىت» فەستيۆالىنىڭ 1-دارەجەلى لاۋرەاتى, «شالقار»  راديوسىنىڭ باس رەداكتورى سەرىك سەيىتمان دا جەڭىمپازدى جىرعا قوستى: التىن ۇلعا جاسا, باتىر! جاسىندايىن جارقىلدا! جاس تا بولساڭ, سەنسىڭ ناعىز نار تۇلعا. وتانىڭنىڭ التىن تاقتىڭ موينىنا, وپاسىزدار وتان ساتسا التىنعا. مايدا-شۇيدە ماقساتىنان مي جاۋىر ماعان جۇرتتىڭ مايدالىعى ءتيدى اۋىر. سەن قازاقشا ءان شىرقاتتىڭ الەمگە, قازاق ءتىلىن مەنسىنبەسە كەي باۋىر. ەل ەركەسى, توپ سەركەسى تەك سىزدەر, ەركەلەسەڭ قويمايمىز دا شەك بىزدەر. سەن ەلىڭدى ەرلىگىڭمەن جىلاتتىڭ, ەسىرگەننەن ەل جىلاتسا ەسسىزدەر. ەل ءسۇيسىنىپ ەرلىگىڭە ەلتۋمەن, كوز-جاناردان كول توگىلدى تولقۋمەن. كوك بايراقتى وليمپ-شىڭعا كوتەردىڭ, كوپ قانداسىڭ كۇل تاسىسا سول تۋمەن. عاسىرمەن تەڭ بۇل قۇدايدىڭ بال كۇنى, جاسىنمەن تەڭ جانارىڭنىڭ جارقىلى. جاسا! جاسا! جاسا ماڭگى! جاساي بەر, وتانىمنىڭ تات باسپايتىن التىنى! ازىرلەگەن نۇرتورە سامارحان