وسى تەرگەۋ ءىسى بويىنشا كۇدىكتىلەر قاتارىندا بىرقاتار لاۋازىمدى ادامدار – برازياليانىڭ بۇرىنعى پرەزيدەنتى لۋيس يناسيۋ لۋلا سيلۆا, ەلدىڭ بۇرىنعى ءبىلىم ءمينيسترى الويزيۋ مەركادانتي جانە كەزىندە باس مەملەكەتتىك قورعاۋشى قىزمەتىن اتقارعان ادۆوكات رۋسسەفف جوزە ەدۋاردۋ كاردوزۋ دە بار. Globo تەلەارناسىنىڭ كەلتىرگەن دەرەكتەرىنە قاراعاندا, تەرگەۋ شارالارى وتكەن جىلدىڭ سوڭىندا سىبايلاس جەمقورلىق جاساعانى ءۇشىن ۇستالعان سەناتور دەلسيديۋ امارالدىڭ جاۋاپ الۋ كەزىندە بەرگەن ايعاقتارىنا بايلانىستى باستالعان. د.امارالدىڭ ايتۋىنشا, د.رۋسسەفف Petrobras كومپانياسىنداعى جەمقورلىق تۋرالى تەرگەۋگە ءۇش رەت ارالاسۋعا تىرىسقان.
سۇڭگۋىر قايىقتا جارىلىس بولدى وڭتۇستىك كورەيانىڭ چحانۆەن قالاسى چينحەگۋ اۋدانىنداعى اسكەري بازادا تۇرعان سۇڭگۋىر قايىقتا جارىلىس بولدى. بۇل اقپاراتتى «رەنحاپ» اگەنتتىگى ەلدىڭ قورعانىس مينيسترلىگىنە سىلتەمە جاساي وتىرىپ حابارلادى. وقيعا جەرگىلىكتى ۋاقىت پەن ساعات 08.30-دا ورىن العان. اتالعان اقپارات اگەنتتىگىنىڭ حابارلاۋىنشا, جارىلىس كەمەگە جوندەۋ جۇمىستارىن جۇرگىزۋ كەزىندە بولعان سياقتى. قازىرگە بۇل بولجام عانا. جارىلىستىڭ ناقتى سەبەبى تەرگەۋدەن سوڭ جاريا ەتىلەدى. وڭتۇستىك كورەيا قورعانىس مينيسترلىگى وكىلىنىڭ سوزىنە قاراعاندا, زارداپ شەككەن ەكى ادامنىڭ بىرەۋى اۋىر حالدە جاتىر. جارىلىستان قۇربان بولعاندار دا بولۋى مۇمكىن. سونداي-اق, ءبىر ادام ءىز-ءتۇزسىز كەتكەندەر قاتارىندا. اسكەريلەر جارىلىستىڭ قۋاتى الگى ادامدى بورت سىرتىنا ۇشىرىپ جىبەرۋى مۇمكىن ەكەندىگىن ايتادى.
مىڭداعان تۇرعىن باسپانالارىن تاستاپ شىقتى «رەيتەر» اگەنتتىگى تاراتقان اقپارات بويىنشا, اقش-تىڭ كاليفورنيا شتاتىنىڭ وڭتۇستىگىندە وتە كۇشتى ورمان ورتىنە بايلانىستى 80 مىڭنان استام ادام ءوز ۇيلەرىن تاستاپ شىققان. كاليفورنيا شتاتىنىڭ بيلىگى وسىنداي شەشىم قابىلداۋعا ءماجبۇر بولىپ وتىر. ويتكەنى, جەرگىلىكتى ورمان شارۋاشىلىعى جانە ورتتەن قورعاۋ دەپارتامەنتى ورمانداعى قىزىل جالىن تەز تارالىپ كەلە جاتقانىن ەسكەرتكەن. بۇعان دەيىن سەنبى كۇنى كەشكىسىن لەيك وكرۋگىندە باستالعان ءورت سان-فرانتسيسكو قالاسىنان شامامەن 145 شاقىرىمداي جەردەگى لوۋەر لەيك قالاسىنا جەتكەنى حابارلانعان ەدى. ءورت سوندىرۋشىلەر ءورتتىڭ وسىلايشا تەز تارالۋى قۇرعاقشىلىققا بايلانىستى ەكەنىن ايتادى. قالادا پوشتا مەن بىرنەشە ءوفيستىڭ عيماراتتارى جانىپ كەتكەن. قۇقىق قورعاۋ ورگاندارىنىڭ قىزمەتكەرلەرى ءورتتىڭ شىعۋىنا سەبەپكەر بولعان دەگەن كۇدىكپەن 40 جاستاعى ەر ادامدى ۇستادى.
كلينتوننىڭ باسىمدىعى بايقالۋدا دەموكراتيالىق پارتيادان اقش پرەزيدەنتتىگىنە كانديدات حيللاري كلينتون «داۋلى» دەگەن شتاتتاردا رەسپۋبليكالىق پارتيادان ۇمىتكەر دونالد ترامپتان باسىم ءتۇستى جانە ول ءداستۇرلى «رەسپۋبليكالىق اۋماقتا» ترامپتان ەداۋىر الدا كەلەدى. بۇل جەردە اڭگىمە جەتى «رەسپۋبليكالىق» شتات – ميسسۋري, دجوردجيا, تەحاس, كانزاس, اريزونا, ينديانا جانە وڭتۇستىك كارولينا جونىندە بولىپ وتىر. وسى شتاتتاردا وتكەن سايلاۋالدى ناۋقاندا رەسپۋبليكاشىلار 63-ءتىڭ 58-ءىن ۇتقان ەدى. قازىر دونالد ترامپتىڭ كوشباسشىلىعى ەكى پايىزدان التى پايىزعا دەيىن تومەندەدى. ال دەموكرات حيللاري كلينتون توعىز «داۋلى» شتاتتا قارسىلاسىن باسىپ وزدى. ونىڭ بەسەۋىندە – كولورادو, ۆيردجينيا, پەنسيلۆانيا جانە نيۋ-گەمپشيردە بۇرىنعى مەملەكەتتىك حاتشىنىڭ باسىمدىعى 9-11 پايىزدى قۇرايدى.
اقساقالدار كەڭەسىنىڭ جيىنى وتۋدە استانادا تۇركى كەڭەسى اقساقالدار كەڭەسىنىڭ XI وتىرىسى باستالدى. تۇركى كەڭەسىنىڭ باس حاتشىسى راميل حاسانوۆ اشقان جيىنعا اقساقالدار كەڭەسىنىڭ مۇشەلەرى فاتتاح گەيداروۆ (ازەربايجان), ءادىل احمەتوۆ (قازاقستان), بەكسۇلتان جاكيەۆ (قىرعىزستان), مۇستافا يسەن (تۇركيا), سونداي-اق ەلشىلىك قىزمەتكەرلەرى قاتىسۋدا. ءۇش كۇنگە سوزىلاتىن القالى باسقوسۋدا اقساقالدار كەڭەسىنىڭ الدىڭعى وتىرىستارىندا ايتىلعان ۇسىنىستار مەن تاپسىرمالاردىڭ ورىندالۋ دەڭگەيى قاراستىرىلادى. سونىمەن قاتار, تۇركى كەڭەسىنىڭ ساياسات, ەكونوميكا, ءبىلىم, مادەنيەت, كولىك جانە تۋريزم سالالارى بويىنشا وتكىزەتىن الداعى ءىس-شارالار جونىندە ۇسىنىستار قابىلدانادى. العاشقى وتىرىسى استانادا باستالعان جيىن بۋرابايدا جالعاسادى.
قاقتىعىس قۇرباندارىنىڭ سانى 65-كە جەتتى NBTV تەلەارناسىنىڭ حابارلاۋىنشا, ءۇندىستاننىڭ سولتۇستىگىندەگى دجاممۋ جانە كاشمير شتاتتارىندا جاپپاي قاقتىعىستاردان قازا تاپقاندار سانى 70-كە جۋىقتادى. نارازىلىققا شىققاندار الدىمەن پوليتسەيلەرگە تاس لاقتىرا باستاعان. ال پوليتسەيلەر جينالعان توپتى تاراتۋ ماقساتىندا ولارعا قاراتىپ وق اتقان. كۇش قۇرىلىمدارىنىڭ وسى ارەكەتى سالدارىنان بەس ادام مەرت بولىپ, 15 ادام جارالاندى. وسىنىڭ الدىندا, ياعني 15 تامىزدا بولعان قاقتىعىستان شەرۋگە شىققان ءبىر ادام قازا تاپقان ەدى. دجاممۋ جانە كاشمير شتاتتارىنداعى قاقتىعىستار سالدارىنان قازا تاپقاندار قاتارى 70-كە جەتتى, ال جاراقات العاندار قاتارى 5 مىڭ ادامنان استى. نارازىلىق ارەكەتتەر 2016 جىلى 8 شىلدەدە ۇندىستاندىق كۇشتەر 21 جاستاعى تەررورلىق ۇيىمنىڭ بەلسەندىسى مۇزاففار ءۆانيدىڭ كوزىن جويعاننان سوڭ باستالعان ەدى.
ينتەرنەت ماتەريالدارى نەگىزىندە ازىرلەندى
