العاشقى وتىرىس

قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ قوعامدىق كەڭەسى سالانى دامىتۋدىڭ وزەكتى ماسەلەلەرىن تالقىلادى, دەپ حابارلادى اقپارات جانە كوممۋنيكاتسيالار مينيسترلىگىنىڭ ءباسپاسوز قىزمەتى. كەشە قازاقستان رەسپۋب­لي­كا­سىنىڭ اقپارات جانە كوممۋنيكاتسيالار مينيسترلىگىندە مينيستر داۋرەن اباەۆتىڭ توراعالىعىمەن اقپارات, اقپاراتتىق كوممۋنيكاتسيالىق تەحنولوگيالار جانە مەملەكەتتىك قىزمەت كورسەتۋ سالالارىن دامىتۋ ماسەلەلەرى جونىندەگى قوعامدىق كەڭەستىڭ العاشقى وتىرىسى ءوتتى. بەكىتىلگەن كۇن تارتىبىنە سايكەس, داۋىس بەرۋ ناتيجەسىندە كەڭەس­تىڭ توراعالىعىنا پارلامەنت ءماجى­لىسىنىڭ دەپۋتاتى قۋانىش سۇلتانوۆ, حاتشى بولىپ اقپارات جانە كوممۋنيكاتسيالار مينيسترلىگىنىڭ ستراتەگيالىق جوسپارلاۋ دەپارتامەنتى ديرەكتورىنىڭ ورىنباسارى ارحات سادۋاقاسوۆ سايلاندى. سونىمەن قاتار, وتىرىستا قوعامدىق كەڭەس تۋرالى ەرەجە, «تسيفر­لى قازاقستان» مەملەكەتتىك باعدار­لاماسى, مينيسترلىكتىڭ ستراتە­گيالىق جوسپارى مەن 2016-2018 جىل­دارعا ارنالعان بيۋدجەتتىك باعدار­لامالارى, نورماتيۆتىك-قۇقىق­تىق اكتىلەردىڭ جوبالارى تالقى­لانىپ, ماقۇلداندى. كەزدەسۋدىڭ سوڭىندا كەلەسى وتى­رىستىڭ كۇن ءتارتىبى بەكىتىلىپ, بۇدان كەيىنگى كەڭەستەردى باق-تىڭ قاتى­سۋىمەن «قازمەديا ورتالىعى» بازاسىندا وتكىزۋ جونىندە شەشىم قا­بىلداندى.