ماسكەۋدەگى تۇرار تۇعىرى

جاقىندا الماتى قالا­سىنىڭ تۇرعىنى مولديار سەرىكباەۆ اعا­مىزعا حات كەلدى. حات كەلگەندە ان­نان-مۇنان ەمەس, كەشەگى كەڭەس ودا­عىنىڭ استاناسى, باس قالاسى بولعان ماسكەۋدەن. حاتتى ماسكەۋ قالاسىنىڭ ءما­دە­نيەت دەپارتامەنتى جولداپ­تى. وندا قازاعى­مىزدىڭ مەرەيىن وسىرەتىن, جانى­نا جاعىمدى جاڭالىق ءسۇيىن­شىلەگەن اقجول­تاي حابار بار. سويتسەك, بۇرىن گەولوگ بولعان, كەيىن مادەنيەت­تانۋ­شى­لىقپەن بەل شەشە اينالىسىپ جۇرگەن, «ەگەمەننىڭ» ال­ماتى بولىمشەسىنە اركەز ەركىندەپ كىرەتىن ارداگەر اقسا­قا­لىمىز ماسكەۋدىڭ بيلىك ورىندارىنا حالقىمىزدىڭ ءبىرتۋار ۇلى, شەرحان مۇرتازاشا ايت­ساق, قىزىل جەبەسى تۇرار رىس­قۇلوۆ­تىڭ ەسىمىن ەستە قالدىرۋ تۋرالى بىرنەشە مارتە ماسەلە كوتەرىپ, حات جازعان ەكەن. «تامشى تاس جارا­دى» دەمەكشى, وسى ماسەلە بويىنشا وتاندىق تاريح پەن مادە­نيەت­تىڭ اسا كورنەكتى وقيعا­لارى مەن قايراتكەرلەرىن ەستە قالدىرۋ جونىندەگى كوميسسيا ءوت­كەن جىلدىڭ 2 جەل­توق­­سا­نىندا وڭ شەشىم قابىلداپتى. اتاپ ايت­قان­دا, رەسەي فەدەراتسياسىنداعى ق­ازاقستان ەلشىلىگىنىڭ وتىنىشىنە وراي پوكروۆ بۋلۆارى, 14-ءۇي مەكەن-جايى بويىنشا ءوزى ءماس­كەۋدە تۇرعان ۇيدە مەملەكەت قاي­رات­كەرى تۇرار رىسقۇلوۆقا ارنال­عان ەسكەرتكىش تاقتا ورناتىلاتىن بولدى. قورعانبەك امانجول.