كەشە اتالعان ۇشاقتار يرانداعى حامادان اەرودرومىنان ۇشىپ شىعىپ, سيرياداعى يسلامشىلارعا سوققى بەرگەن. شابۋىلعا رەسەيدە تىيىم سالىنعان «يسلام مەملەكەتى» جانە «دجابحات ان-نۋسرا» تەررورلىق توپتارىنىڭ نىساندارى ۇشىراعان. اتالعان توپتار سيريانىڭ الەپپو, دەير-ءاز-زور جانە يدليب پروۆينتسيالارىندا ورىن تەپكەن ەكەن. سوققى بەرۋ ناتيجەسىندە قارۋ-جاراق جانە وق-ءدارى مەن جانار-جاعارماي ماتەريالدارى ساقتالعان بەس ءىرى قويما, جاساقتار دايىندايتىن لاگەر, سونداي-اق, بىرقاتار تەررورشىلاردىڭ كوزى جويىلعان. قاتىناستى قالپىنا كەلتىرمەك رەسەي پرەزيدەنتى ۆلاديمير پۋتين تۇركيامەن تولىققاندى قارىم-قاتىناستى قالپىنا كەلتىرۋ تىلەگى بار ەكەنىن مالىمدەدى. بۇل جونىندە «ينتەرفاكس» حابارلادى. ء«بىز تۇركيامەن, ۇزاق جىلدار بويى تاماشا ىنتىماقتاستىق قارىم-قاتىناستار قالىپتاسقان ەلمەن تولىققاندى قارىم-قاتىناس قالىپتاستىرۋعا شىن نيەتتەن ۇمتىلۋدامىز», دەدى رەسەي باسشىسى. ونىڭ سوزىنە قاراعاندا, تۇركيا پرەزيدەنتى رەدجەپ تايىپ ەردوعاننىڭ رەسەيگە جاقىنداعى ساپارى تاراپتاردىڭ بۇرىنعى بايلانىستاردى قالپىنا كەلتىرۋگە دەگەن ۇمتىلىسىن بايقاتادى. بۇل تۋرالى ۆ.پۋتين قازاقستان پرەزيدەنتى نۇرسۇلتان نازارباەۆپەن سوچيدەگى كەزدەسۋى الدىندا مالىمدەدى.
باس حاتشىنى كىم الماستىرادى؟ بۇۇ باس حاتشىسى پان گي مۋن ءوزىن باس ۇيىم باسشىلىعىندا ايەل ادام الماستىرعانىن قالايتىنىن ءبىلدىردى. بۇل تۋرالى «The Guardian» حابارلادى. ء«بىز كوپتەگەن كورنەكتى ايەل كوشباسشىلاردى بىلەمىز. ولار ۇكىمەتتەردە, بيزنەستە, ساياساتتا, مادەنيەتتە, ءبىر سوزبەن ايتقاندا, ءومىردىڭ بارلىق سالاسىندا تابىستى ەڭبەك ەتەدى», دەدى پان گي مۋن. باس حاتشىنىڭ پايىمىنشا, ايەلدەرگە بۇۇ باسقارۋعا كەدەرگى بولاتىن ەشقانداي دا سەبەپ جوق. ارينە, الەمدەگى باس ۇيىمنىڭ باسىنا كىمنىڭ كەلەتىنىن وعان مۇشە مەملەكەتتەر شەشەتىن بولادى. ءداستۇر بويىنشا, بۇۇ-نىڭ باس حاتشىسى الەمنىڭ ءتۇرلى وڭىرلەرىنەن روتاتسيا قاعيداتىنا سايكەس سايلانادى. بۇل لاۋازىمدى بۇعان دەيىن ازيا, افريكا, لاتىن امەريكاسى جانە باتىس ەۋروپا ەلدەرىنىڭ وكىلدەرى اتقارعانى بەلگىلى. ال پان گي مۋننىڭ وكىلەتتىگى وسى جىلى اياقتالادى.
قىسقا قايىرىپ ايتقاندا: * قىتايدىڭ شىڭجاڭ-ۇيعىر اۆتونوميالى اۋدانىندا جاڭا تەمىرجول ۆوكزالى رەسمي تۇردە اشىلدى. اۋماعى 100 مىڭ شارشى شاقىرىمدى قۇرايتىن 3 قاباتتى تەرمينال وڭىردەگى ەڭ ءىرىسى بولىپ تابىلادى جانە ساعاتىنا 8 200 جولاۋشىنى قابىلداۋعا قابىلەتتى. مەملەكەتتىك دۋما توراعاسىنىڭ ورىنباسارى يگور لەبەدەۆ شەتەلدىكتەردىڭ رەسەيدىڭ بۇكىل اۋماقتارىنداعى مەكتەپتەرىندە مۇعالىم, جولاۋشىلار كولىگىندە جۇرگىزۋشى بولىپ جۇمىس ىستەۋلەرىنە تىيىم سالۋ كەرەك دەگەن باستاما كوتەردى. ونىڭ پىكىرىنشە, بۇل باستاما ەل ازاماتتارىنىڭ مۇددەسىن قورعايتىن بولادى.
ۋكراينالىق ءانشى دجامالدىڭ گونورارى «ەۆروۆيدەنيە-2016»-داعى جەڭىسىنەن كەيىن بەس ەسەگە وسكەن. ەگەر جىل باسىندا ونىڭ كونتسەرتى شامامەن 5 مىڭ دوللار دەپ باعالانسا, بۇگىندە ءجاي كۇندەرى – 20 مىڭ, مەرەكە كۇندەرى 25 مىڭ ەۋروعا جەتىپ وتىر ەكەن. * جاپونيانىڭ «All Nippon Airways» اۋە كومپانياسى جولاۋشىلار ۇشاعىنىڭ اۋەگە كوتەرىلۋگە ارەكەت جاساعان كەزدە قوزعالتقىشى جارىلىپ كەتتى. ۇشاق كوپ جولاۋشى الىپ ۇشا الاتىن «بوينگ-787-800» كورىنەدى. ونىڭ بورتىندا 240 ادام بولعان. شانحايعا بەت الماق ەكەن. ەشكىم زارداپ شەكپەپتى.
مالىمدەمەنىڭ دە مالىمدەمەسى بار قىتاي حالىق رەسپۋبليكاسىنىڭ سىرتقى ىستەر مينيسترلىگى بۇۇ-نىڭ ادام قۇقىقتارى جونىندەگى كەڭەسىنىڭ مالىمدەمەسىنە شەشىمدى تۇردە نارازىلىق ءبىلدىردى. اتالعان ۇيىمنىڭ ادام قۇقى جونىندەگى ساراپشىلارى جاقىندا قىتاي تاراپىنان وسى ەلدىڭ ازاماتى يان ماودۋندى قاماۋدان بوساتۋدى تالاپ ەتكەن بولاتىن. وسىعان وراي قحر ءسىم-ءىنىڭ وكىلى حۋا چۋنين بۇۇ-نىڭ ادام قۇقىقتارى جونىندەگى كەڭەسىنىڭ مالىمدەمەسىن جاۋاپكەرشىلىكسىز مالىمدەمە دەپ اتادى. ونىڭ ۇستانىمىنشا, جالعان اقپاراتقا نەگىزدەلگەن مالىمدەمە قىتايدىڭ ىشكى ءىسى مەن سوت ىسىنە ارالاسۋ بولىپ تابىلادى. ال قاماۋدا وتىرعان ازامات ءوزىنىڭ مەملەكەتكە قارسى ءىس-ارەكەتى ءۇشىن ورىندى جازالانعان. ونى بوساتۋ, نە بوساتپاۋ, قىتاي بيلىگىنىڭ قۇزىرىندا.
بىرىككەن اسكەر قۇرۋ نيەتىندە رەسەي مەن ارمەنيا بىرىككەن اسكەري توپ قۇرۋ تۋرالى كەلىسىمگە قول قويماق. مۇنداي مالىمدەمەنى رەسەي قورعانىس ءمينيسترىنىڭ ورىنباسارى اناتولي انتونوۆ جاسادى. بۇل تۋرالى رەسەي اسكەري ۆەدومستۆوسىنىڭ سايتى حابارلادى. ا.انتونوۆتىڭ اتاپ وتۋىنشە, تاراپتار قازىردىڭ وزىندە ءوزارا ءىس-قيمىلدىڭ تەتىكتەرىن ۇيلەستىرىپ ۇلگەرگەن. «قاۋىپسىزدىك سالاسى بويىنشا قابىلدانعان شەشىمدەردىڭ ءتيىمدى جۇمىس ىستەيتىنىنە سەنىم مول. ەندى وسىعان سايكەس بىرلەسكەن اسكەري جوسپارلاۋ جۇزەگە اسىرىلۋدا», دەيدى رەسەيلىك اسكەري لاۋازىم يەسى. سونداي-اق, رەسەي ارمەنيانى زاكاۆكازەدەگى شەشۋشى ارىپتەس رەتىندە قاراستىرىپ وتىر ەكەن.
العاشقى كۆانتتى بايلانىس سپۋتنيگى قىتاي الەمدەگى العاشقى كۆانتتى بايلانىس جەر سەرىگىن تابىستى ۇشىردى. «Long ناۋch-2D» زىمىرانى استانا ۋاقىتىمەن بۇرناعى تۇنگى ساعات 23.40-تا تسزيۋتسيۋان كوسمودرومىنان اسپان كەڭىستىگىنە كوتەرىلدى. بۇل جونىندە «سينحۋا» اگەنتتىگى حابارلادى. سالماعى 600 كيلوگرامنان اساتىن سپۋتنيك 500 شاقىرىم بيىكتىكتە جەردى اينالىپ جۇرەتىن بولادى. وربيتامەن ءبىر اينالىم 90 مينۋتتى قۇرايدى. ونىڭ قىزمەت ەتۋ مەرزىمى ەكى جىلعا ەسەپتەلگەن. جەر سەرىگىنە ءبىزدىڭ داۋىرىمىزگە دەيىنگى V عاسىردا ءومىر سۇرگەن قىتاي فيلوسوفى جانە وقىمىستىسى مو-تسزىدىڭ اتى بەرىلىپتى. ول ادامزات تاريحىندا تۇڭعىش رەت وپتيكالىق ەكسپەريمەنتتەر جۇرگىزگەن ادام دەپ سانالادى. جەر سەرىگىنىڭ بايلانىس قىزمەتى سان الۋان.
ينتەرنەت ماتەريالدارى نەگىزىندە ازىرلەندى
