«بارىڭمەن ءبولىس, جاقسىلىق جاساپ جارىس!..»

وبلىس ورتالىعىنداعى ءماشھۇر ءجۇسىپ اتىنداعى مەشىت «بارىڭمەن ءبولىس!» قايىرىمدىلىق جاساۋ شاراسىن جالعاس­تىرۋدا. شارا بارىسىندا كومەككە ءزارۋ 45 وتباسىنا ازىق-ت ۇلىك, مەيىرىمدى جاندار اكەلگەن كيىم-كەشەك تاراتىپ بەرىلدى. «بارىڭ­­مەن ءبولىس, جاقسىلىق جاساپ جارى­سىڭ­دار!» – دەيدى قايىرىمدىلىق جاساۋ­ش­ىلار. قازىر مەشىتتە «مەكتەپكە جول» شاراسى بويىنشا قامقورلىققا ءزارۋ وت­باسى­لارىنىڭ 1 قىركۇيەكتە مەك­تەپ­كە با­راتىن بالالارىنا كومەك جاسالۋدا. «اتا-بابادان قالعان اسىل قاسيەت ءوزىمىز­بەن بىرگە بولسىن. ءبىر-بىرىمىزگە قايى­رى­م­دى, مەيىرىمدى بولايىق», – دەيدى مەشىت قىز­مەتكەرلەرى. وسىندايدا دۇكەن ساتۋشىسىنىڭ مىنا ءبىر ايتقانى ەسىمە ءتۇستى. كەشكىلىك ۋاقىتتا بىرنەشە بولىك بويىنشا ازىق-ت ۇلىك, كوكونىس, كىر جۋعىش زاتتار, تاتتىلەر ساتاتىن ءدۇ­كەنى­مىز­گە ءبىر جاس جىگىت جۇگىرىپ كىردى. «اپاي­لار, 600 تەڭگە تاۋىپ بەرىڭىزدەرشى! بار اقشام­دى تارتىپ الىپ, ءوزىمدى سوققىعا جىق­قان­دارى, بىرەۋلەردىڭ. اۋىلعا قايتا الماي تۇر­مىن, كومەكتەسىڭىزدەرشى», – دەدى ەنتىگىپ. ءبىر-بىرىمىزگە قارادىق. جىگىتتىڭ ءتۇسى شىنىمەن دە ادام ايارلىقتاي. ءبىر بۇل ەمەس, ءدال وسى جىگىت سياقتى 20, 50, 100 تەڭ­گە سۇراپ كەلەتىندەر دە بارشىلىق. اراق ىشە­تى­ن­دەرىن بىلەتىندىكتەن, ەشتەڭە جوق دەپ قۋىپ جىبەرەتىنبىز. مىنا جىگىتكە سەنەر-سەن­بە­سى­مىزدى بىلمەي, بۇل دا سولاردىڭ ءبىرى شىعار دەپ قالدىق. اقىرى, ءبارىمىز دە بالا ءوسىرىپ وتىرمىز عوي, شىنىمەن دە جانىمىز اشىپ, جىگىتتىڭ سۇراعان اقشاسىن بەرىپ, شىعارىپ سالدىق. سودان, ارادا جارتى جىلداي ۋاقىت وتكەندە الگى جىگىت كەلىپ تۇر. ءبارى­مىز ەسكى تانىستاي ءجون سۇراسىپ جاتىرمىز: «اپايلار, راحمەت سىزدەرگە! سول كۇنى سىزدەر بولماعاندا مەن ۇيگە جەتە الماۋشى ەدىم. سەمەي ارقىلى جۇرەتىن اۆتوبۋسپەن اۋىلعا جەتتىم. شەشەم ۋايىمداپ, دالادا كۇتىپ ءجۇر ەكەن, ۇيىقتاماي», دەپ ءوزىمىز جيناپ بەرگەن 600 تەڭگەنى بەرىپ تۇر!.. بىلتىر ءۇيى ورتەنىپ, وبلىستاعى شار­باقتى اۋىلىنىڭ تۇرعىنى ەلميرا جاسىباەۆا 5 بالاسىمەن دالادا قالا جازدادى. جوق, ولاي بولعان جوق, قايىرىمدى جاندار ءۇي ساتىپ اپەردى. جاڭا ءۇيدى پاۆلودارلىق كاسىپكەرلەر سىيعا تارتىپتى. قايىرىمدى جىگىتتەردىڭ ءبىرى – الەكساندر, ەكىنشىسى – رۋسلان, بىراق ولار وزدەرى تۋرالى باسقا اقپارات بەرمەپتى. مەتسەناتتار وزدەرىن جارنامالاۋ ءۇشىن كەلمەگەنىن, بالالارىن بايلىعى كورگەن اناعا شىنايى كومەكتەسكىسى كەلەتىندەرىن ايتىپتى. ەل­ميرا­نىڭ ايتۋىنشا, حابارلاسقان ادامدار وتە كوپ بولىپتى. قولداۋ كورسەتىپتى, اقشا اۋدارىپ­تى. ميراس دەگەن جىگىت ەرىكتى ازاماتتار­مەن كەلىپ, توڭازىتقىش, ەلەكتر پليتاسىن بەرىپ كەتكەن. رومان, جانات, سابيدەن, تيمۋر ەسىمدى جىگىتتەر ازىق-ت ۇلىك, كيىم-كەشەك, بالالارىنا ويىنشىقتار تاپسىرىپتى. اقتوبەدەن ەكى ايەل حابارلاسسا, ءبىرىنىڭ ەسىمى مارجان, اقشا سالىپ جىبەرگەن. قيىن ساتتە قولۇشىن سوزعان بارلىق ادامدارعا انالىق العىسىمدى ايتامىن. اللادان قايتسىن جاقسىلىقتارى», – دەيدى ەلميرا جاسىباەۆا. فاريدا بىقاي, «ەگەمەن قازاقستان» پاۆلودار وبلىسى