استانادا مارافون وتەدى

4 قىركۇيەك كۇنi استانادا ءداستۇرلى مارافون وتەدى. ول  تاڭعى ساعات 8.00-دە باستالىپ, ساعات 14.00-دە اياقتالادى. وسى كەزدە قالانىڭ بىرقاتار كوشەلەرى 6 ساعاتقا جابىلادى. استانا مارافونىنىڭ نەگiزiن قالاۋشى جانە ديرەكتورى گاۋھار براملەي-فەنتوننىڭ ايتۋىنشا, مارافون ەسiل, سارىارقا مەن الماتى اۋداندارىندا 4 كاتەگوريا بويىنشا وتەدi. وندا 42,2 كم, جارتىلاي مارافون 21,1 كم, 10 كم-گە جۇگiرۋ جانە ەستافەتالىق جۇگiرۋ بولادى.  ال استانا قالاسى دەنە شىنىقتىرۋ جانە سپورت باسقارماسى بۇقارالىق سپورت ءبولiمiنiڭ باسشىسى ءاليا جاقسىلىق مارافون كەزىندە ورىنبور, سەيفۋللين, ابىلاي حان كوشەلەرiنىڭ,  رەسپۋبليكا جانە تۇران داڭعىلدارىنىڭ جابىلاتىنىن ايتتى. ديرەكتوردىڭ ايتۋىنشا, جۇگىرۋ جارىسى 2009 جىلدان بەرi وتكiزiلiپ كەلەدى. وعان تىلەك بىلدىرگەن بارلىق ادام جارنا تولەپ قاتىسا الادى. «مارافونعا قاتىسۋ ءۇشiن جارنا تولەپ, تىركەلۋ كەرەك.  ونىڭ ەكى ءتاسiلi بار: بiرiنشiسi - astana42k.com سايتىنداعى ءۇش تiلدi ونلاين رەجىمى. تولەم كارتاسى ارقىلى تولەۋگە بولادى. ەكiنشi ءتاسiلi كەز كەلگەن ادام كروسسفيت استانا كلۋبتارىنىڭ بiرiنە بارىپ, وفلاين رەجىمىندە جارنانى قولما-قول اقشامەن تولەپ, تiركەلە الادى.  تىركەلۋ تامىز ايىنىڭ سوڭىنا دەيiن بولادى», - دەدi ول. ۇيىمداستىرۋشىنىڭ ايتۋىنشا, استانا-مارافونىنا بارلىعى 4-5 مىڭ ادام قاتىسادى دەپ جوسپارلانىپ وتىر. قازiر وعان 600 ادام تiركەلگەن. ولاردىڭ اراسىندا 12-13 ەلدiڭ وكiلi بار. داستان كەنجالين فوتو: bi-marathon.kz