قۋانتا وتىرىپ ۇيالتادى

جەرگىلىكتى پولي­تسيا جۇمىسقا كىرىس­كە­لى كوپ­تەگەن جاڭا­لىق­تار­دىڭ كۋاسى بولۋدامىز. جۋىردا كوكشەتاۋ قالا­سىنىڭ جاسوسپىرىمدەرى پوليتسيا قىزمەتكەرلەرىمەن بىرگە وبلىستىق اۋرحانانىڭ تراۆ­ماتولوگيالىق بولىمشەسىندە بولدى. زارداپ شەككەندەرگە بالالار شاعىن كونتسەرت قويىپ, جول قاۋىپسىزدىگى ەرەجەلەرىنە قاتىستى ادەبيەتتەردى تاراتتى. ەم  قابىلداۋشىلار نازارىنا جاس ينسپەكتورلار قىزمەتى جايلى بەينەسيۋجەت تە ۇسىنىلدى. – مەن باعدارشامنىڭ قىزىل بەلگىسىنە قاراماستان قارسى بەتكە جۇگىرىپ وتپەك بولعانىمدا, جول-كولىك وقي­عاسىنا تاپ بولدىم, – دەي­دى قالانىڭ 17 جاسار تۇر­عىنى.  – وسى قىلىعىم ءۇشىن وكىنەمىن. قينالىپ جات­ق­ا­نىمدا كىشكەنتاي ءىنى-قارىن­داستارىمنىڭ كوڭىلىمدى سۇرا­عانىنا قۋانامىن ءارى ۇيالامىن. قاتەلىگىمدى وزگە­لەردىڭ قايتا­لاماۋىن تىلەيمىن. وبلىستىق ءىىد جەرگىلىكتى پوليتسياسىنىڭ باستىعى جان­باي وماروۆ مۇنداي قا­دامداردىڭ ىقپالدىلىعى جوعارى ەكەندىگىن اتاپ كور­سەتتى. – جاياۋ جۇرگىنشىلەر تاراپىنان وسىنداي كەلەڭسىز جاعدايلار ازايماۋدا. اكىم­شىلىك جازا قول­دانۋ, ايىپپۇل سالۋ ءوز قاي­تا­رىمىن بەرەتىن شارا بول­عا­نىمەن, وتباسى قامى, با­لالارىنىڭ بولا­شاعىن ويلاۋ­عا تۇرتكى جاساۋ سانانى سىلكىن­دىرە­تىنى انىق, – دەيدى ول. باقبەرگەن امالبەك, «ەگەمەن قازاقستان» اقمولا وبلىسى