ەڭسەلى ەلدىڭ ەرتەڭى

پرەمەر-مينيستر كارىم ءماسىموۆتىڭ الماتىعا ساپارى كەزىندە ايقىن اڭعارىلدى كەشە پرەمەر-مينيستر كارىم ءماسىموۆ جۇمىس بابىمەن الماتى قالاسىنا كەلدى. ساپار بارىسىندا ول يننوۆاتسيالىق تەحنولوگيالار پاركى (يتپ) جۇمىسىمەن تانىستى. بۇگىندە اتالعان پارك اۋماعىندا 145 كومپانيا جۇمىس ىستەيدى جانە ونىمدەر مەن قىزمەتتەردىڭ 500-دەن استام ءتۇرىن ۇسىنادى. پاركتەگى جوبالاردىڭ 60%-ى اقپاراتتىق جانە كوممۋنيكاتسيالىق تەحنولوگيالار سالاسىندا, ال قالعان 40%-ى مۇناي-گاز سەكتورى, اسپاپ جاساۋ بويىنشا جۇزەگە اسىرىلىپ جاتىر. سونىمەن قاتار, تەحنوپاركتىڭ ەكىنشى كەزەڭىندە عىلىمي وقۋ ورىن­دارىنىڭ عيماراتتارى – قا­زاقستان-بريتان تەحنيكالىق ۋني­ۆەرسيتەتى جانە الەمدىك دەڭگەيدەگى «كاسىپقور» حولدينگى» كوللەدجى سالىنۋدا. ايتا كەتەيىك, «100 ناقتى قادام» ۇلت جوسپارى باعدارلاماسىندا مەملەكەت باسشىسى قازاقستاندا عىلىمدى قاجەت ەتەتىن ەكونومي­كانى قالىپتاستىرۋ ءۇشىن ەكى يننو­ۆاتسيالىق ورتالىقتى ايرىقشا اتاپ ايتقان ەدى. بۇل – استانا قالاسىنداعى نازارباەۆ ۋنيۆەرسيتەتتىڭ «استانا بيزنەس-كامپۋس» جانە الماتى قالاسىنداعى يننوۆاتسيالىق تەحنولوگيالار پاركى. الماتىدا قارعالى وزەنىنىڭ ارناسىن قايتا جوندەۋ جۇمىستارى باستالعان بولاتىن. وتكەن جىلى بولعان سەلدىڭ سالدارىنان مۇندا جاعانى سۋ شايىپ  جانە قالانىڭ ءۇش اۋدانىن ءىشىنارا سۋ باسقان بولاتىن. تابيعات اپاتىنىڭ الدىن الۋ جۇمىستارىن پرەمەر-ءمينيستردىڭ جەكە ءوزى تەكسەرەدى. قازىرگى تاڭدا مەردىگەر ۇيىم وزەن ارناسىن تازارتۋ جۇمىستارىن اياقتادى, سونداي-اق, 10 كوپىردىڭ 7-ىنە دەمونتاج جاسادى جانە جاعانى نىعايتۋ ءۇشىن بەتون قۇيىلىپ جاتىر. تابيعي اپاتتاردىڭ سالدارىن جويۋ ءۇشىن قالالىق بيۋدجەتتەن 2,3 ملرد. تەڭگە بولىنگەن بولاتىن. كارىم ءماسىموۆ قالا قىز­مەت­تەرىنىڭ باسشىلارىمەن جانە ءىىم باسشىسىنىڭ ورىنباسارى يۋ.يلين­مەن كەزدەسۋدە سۋ تاسقىنى جانە سەلدىڭ الدىن الۋ شارالارىن, سون­داي-اق, اقساي, ۇلكەن جانە كىشى ال­ما­تى وزەندەرىنىڭ باسسەينىندەگى مو­رە­نا كولدەرىنىڭ جاعدايىن تالقى­لادى. بۇگىنگى تاڭدا الماتىنىڭ باس جوسپارىندا ىسكە قوسۋ جوسپارلانعان «سايالى» شاعىن اۋدانىنىڭ 98 ءۇيىنىڭ 65-ءى سالىندى. جاڭا تۇرعىن ءۇي كەشەندەرى وڭىرلەردى دامىتۋدىڭ مەملەكەتتىك باعدارلاماسى اياسىن­دا ىسكە قوسىلدى. سونىمەن قاتار, 320 ورىندىق بالاباقشا مەن كوپ قا­باتتى پاركينگ پايدالانۋعا بەرىلدى. كارىم ءماسىموۆ الاتاۋ اۋدانىن­داعى مۇز ايدىنى مەن اتلەتتەر اۋى­لىن ارالاپ شىقتى. ورتالىق ازيا­داعى ءىرى مۇز ايدىنى 12 مىڭ ورىن­عا ەسەپتەلگەن, مۇندا قىسقى ۋني­ۆەر­سيادانىڭ اشىلۋ جانە جابىلۋ سالتاناتى, سونداي-اق, شورت-ترەك, كونكيمەن جۇگىرۋ, مانەرلەپ سىر­عاناۋ جانە حوككەي جارىستارى وتەدى. مۇز سارايىنىڭ جانىندا 5 مىڭ ورىنعا شاقتالعان سپورت كەشەنى, كينوتەاترى, باسسەينى, ستاديونى جانە كوپقاباتتى تۇرعىن ۇيلەرى بار اتلەتيكالىق اۋىل ورنالاسقان. نىسان 90% دايىن. قالا بيلىگى 30 تامىزعا دەيىن مۇز سارايى مەن ات­لەتيكالىق قالاشىقتىڭ قۇرىلىسىن اياقتاۋعا ۋادە بەردى. ەستەرىڭىزگە سالا كەتەيىك, 28-ءشى دۇنيەجۇزىلىك قىسقى ۋنيۆەرسيادا الماتى قالاسىندا 2017 جىلدىڭ 28 قاڭتارى مەن 8 اقپانى ارالىعىندا وتەدى. ستۋدەنتتەر ويىنىندا 55 مەملەكەتتەن 2 مىڭعا جۋىق سپورتشى قاتىسادى دەپ كۇتىلۋدە. ساپار كەزىندە پرەمەر-مينيستر قالاداعى حيرۋرگيالىق ورتالىقتا بولىپ, ماماندارمەن كەزدەستى. سونىمەن قاتار, قالاداعى ءالي­حان بوكەيحانوۆ مۋزەي-ۇيىندە بولىپ, عالىمنىڭ مۇراجايعا قويىلعان باعالى ەكسپوناتتارىمەن تانىستى. ساپارباي پارمانقۇلوۆ, «ەگەمەن قازاقستان»