قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №585

2015 جىلعى 2 قازان, استانا قالاسى قازاقستان رەسپۋبليكاسى ءبىلىم جانە عىلىم مينيسترلىگىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋ ادىستەمەسىن بەكىتۋ تۋرالى قازاقستان رەسپۋبليكاسىنىڭ پرەزيدەنتىنىڭ 2000 جىلعى 21 قاڭتارداعى № 327 جارلىعىمەن بەكىتىلگەن مەملەكەتتىك اكىمشىلىك قىزمەتشىلەردىڭ قىزمەتىنە جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيدالارىنىڭ 27-تارماعىنا جانە قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2014 جىلعى 29 جەلتوقسانداعى № 86 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10130 بولىپ تىركەلگەن) بەكىتىلگەن «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ۇلگىلىك ادىستەمەسىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى ءبىلىم جانە عىلىم مينيسترلىگىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋ ادىستەمەسى بەكىتىلسىن. 2. اكىمشىلىك دەپارتامەنتى (ا. قايىربەكوۆا) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن مەرزىمدە «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋدى; 3) وسى بۇيرىقتىڭ قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرستارىندا ورنالاسۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم مينيسترلىگىنىڭ جاۋاپتى حاتشىسىنا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 2 قازانداعى №585 بۇيرىعىمەن بەكىتىلگەن قازاقستان رەسپۋبليكاسى ءبىلىم جانە عىلىم مينيسترلىگىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋ ادىستەمەسى 1. جالپى ەرەجەلەر 1. وسى قازاقستان رەسپۋبليكاسى ءبىلىم جانە عىلىم مينيسترلىگىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋ ادىستەمەسى (بۇدان ءارى – ادىستەمە) «مەملەكەتتىك اكىمشىلىك قىزمەتشىلەردىڭ قىزمەتىنە جىل سايىنعى باعالاۋ جۇرگىزۋ جانە ولاردى اتتەستاتتاۋدان وتكىزۋ قاعيدالارىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2000 جىلعى 21 قاڭتارداعى № 327 جارلىعىن, «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ۇلگىلىك ادىستەمەسىن بەكىتۋ تۋرالى» قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ 2014 جىلعى 29 جەلتوقسانداعى № 86 بۇيرىعىن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10130 بولىپ تىركەلگەن) ىسكە اسىرۋ ءۇشىن ازىرلەندى جانە قازاقستان رەسپۋبليكاسى ءبىلىم جانە عىلىم مينيسترلىگىنىڭ (بۇدان ءارى – مينيسترلىك) جانە ونىڭ ۆەدومستۆولارىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ (بۇدان ءارى – قىزمەتشىلەر) قىزمەتىنە جىل سايىنعى باعالاۋ جۇرگىزۋ ادىستەرىن ايقىندايدى. 2. قىزمەتشىلەردىڭ قىزمەتىن جىل سايىنعى باعالاۋ (بۇدان ءارى – باعالاۋ) ولاردىڭ جۇمىس تيىمدىلىگى مەن ساپاسىن ايقىنداۋ ءۇشىن جۇرگىزىلەدى. 3. باعالاۋ مەملەكەتتىك قىزمەتتە بولعان ءاربىر جىل وتكەن سايىن, كورسەتىلگەن مەرزىم باستالعان كۇننەن باستاپ ءۇش ايدان كەشىكتىرىلمەي, بىراق وسى لاۋازىمعا ورنالاسقان كۇننەن باستاپ التى ايدان ەرتە ەمەس مەرزىمدە جۇرگىزىلەدى. 4. قىزمەتشىلەردى باعالاۋ مىنالاردان تۇرادى: 1) قىزمەتشىنىڭ تىكەلەي باسشىسىنىڭ باعالاۋى; 2) اينالمالى باعالاۋ (قىزمەتشىنىڭ قاراماعىنداعى نەمەسە ولاردىڭ ارىپتەستەرىنىڭ باعالاۋى). قىزمەتشىنىڭ تىكەلەي باسشىسى ونىڭ لاۋازىمدىق نۇسقاۋلىعىنا سايكەس ءوزى باعىناتىن تۇلعا بولىپ تابىلادى. 5. باعالاۋ ناتيجەلەرى بويىنشا قىزمەتشىلەر قىزمەتىندەگى كەمشىلىكتەردى جويۋ بويىنشا ۇسىنىستار ازىرلەنەدى, ولاردىڭ قىزمەتىندەگى جاقسارتۋدى قاجەت ەتەتىن باعىتتار ايقىندالادى, تاعىلىمدامادان وتكىزۋ, مانساپتىق ىلگەرىلەتۋ بويىنشا ۇسىنىستار ازىرلەنەدى. 6. قىزمەتشىنىڭ سوڭعى ءۇش جىل بويى ەكى «قاناعاتتانارلىقسىز» دەگەن باعا الۋى, ونى اتتەستاتتاۋدان وتكىزۋگە نەگىز بولىپ تابىلادى. اتتەستاتتاۋدان وتكىزۋ تۋرالى شەشىم قابىلداۋ كەزىندە الدىڭعى اتتەستاتتاۋدان وتكىزۋگە نەگىز بولعان باعالاۋ ناتيجەلەرى ەسكەرىلمەيدى. 7. «قاناعاتتانارلىقسىز» دەگەن باعا العان قىزمەتشى مەملەكەتتىك اكىمشىلىك لاۋازىمعا العاش قابىلدانعان تۇلعاعا تالىمگەر رەتىندە بەكىتىلمەيدى. 8. قىزمەتشىنىڭ قورىتىندى باعاسىن تۇراقتى جۇمىس ىستەيتىن باعالاۋ جونىندەگى كوميسسيا (بۇدان ءارى – كوميسسيا) بەكىتەدى, ونى قىزمەتشىنى لاۋازىمعا تاعايىنداۋ جانە لاۋازىمنان بوساتۋ قۇقىعى بار ادام قۇرادى. 9. كوميسسيا كەمىندە ءۇش مۇشەدەن, ونىڭ ىشىندە توراعادان تۇرادى. 10. داۋىس بەرۋ قورىتىندىسى كوميسسيا مۇشەلەرىنىڭ كوپشىلىك داۋىسىمەن ايقىندالادى. داۋىس سانى تەڭ بولعان جاعدايدا, كوميسسيا توراعاسىنىڭ داۋىسى شەشۋشى بولىپ تابىلادى. كوميسسيا توراعاسى بولىپ مينيسترلىكتىڭ جاۋاپتى حاتشىسى, ۆەدومستۆولاردا كوميتەت توراعاسى نەمەسە توراعانىڭ ورىنباسارى بولىپ تابىلادى. كوميسسيا حاتشىسى اكىمشىلىك دەپارتامەنتىنىڭ كادر جۇمىسى باسقارماسىنىڭ, ۆەدومستۆولاردا پەرسونالدى باسقارۋ قىزمەتىنىڭ (كادر قىزمەتى) (بۇدان ءارى – پەرسونالدى باسقارۋ قىزمەتى) قىزمەتكەرى بولىپ تابىلادى. كوميسسيا حاتشىسى داۋىس بەرۋگە قاتىسپايدى. ەگەر كوميسسيا قۇرامىنا وعان قاتىستى باعالاۋ جۇرگىزىلەتىن قىزمەتشىنىڭ تىكەلەي باسشىسى, سونداي-اق وسى ادىستەمەنىڭ 4-تارماعى 2) تارماقشاسىندا كورسەتىلگەن قىزمەتشىلەر كىرەتىن بولسا, ولار وسى قىزمەتشىگە قاتىستى داۋىس بەرۋگە جانە شەشىم قابىلداۋعا قاتىسپايدى. 2. باعالاۋ جۇرگىزۋگە دايىندىق 11. اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى: 1) كوميسسيا توراعاسىنىڭ كەلىسىمى بويىنشا باعالاۋ جۇرگىزۋ كەستەسىن ازىرلەيدى; 2) باعالاۋ جۇرگىزۋگە دەيىن ءبىر ايدان كەشىكتىرمەي باعالاناتىن قىزمەتشىگە, سونداي-اق وسى ادىستەمەنىڭ 4-تارماعىندا كورسەتىلگەن تۇلعالارعا باعالاۋ جۇرگىزىلەتىنى تۋرالى حابارلايدى جانە ولارعا تولتىرۋ ءۇشىن باعالاۋ پاراعىن جىبەرەدى. 3. تىكەلەي باسشىنىڭ باعالاۋى 12. تىكەلەي باسشى: 1) وسى ادىستەمەگە 1-قوسىمشاعا سايكەس نىسان بويىنشا باعالاۋ پاراعىن اكىمشىلىك دەپارتامەنتىنىڭ كادر جۇمىسى باسقارماسىنان, ۆەدومستۆولاردا پەرسونالدى باسقارۋ قىزمەتىنەن العان كۇننەن باستاپ ءۇش جۇمىس كۇنى ىشىندە تولتىرادى; 2) قىزمەتشىنى تولتىرىلعان باعالاۋ پاراعىمەن تانىستىرادى جانە ەكى جۇمىس كۇنى ىشىندە تولتىرىلعان باعالاۋ پاراعىن اكىمشىلىك دەپارتامەنتىنىڭ كادر جۇمىسى باسقارماسىنا, ۆەدومستۆولاردا پەرسونالدى باسقارۋ قىزمەتىنە جولدايدى. قىزمەتشىنى تولتىرىلعان باعالاۋ پاراعىمەن تانىستىرۋ جازباشا نەمەسە ەلەكتروندى نىساندا جۇرگىزىلەدى. قىزمەتشىنىڭ تانىسۋدان باس تارتۋى قۇجاتتاردى كوميسسيا وتىرىسىنا جىبەرۋگە كەدەرگى بولا المايدى. بۇل جاعدايدا اكىمشىلىك دەپارتامەنتى كادر جۇمىسى باسقارماسىنىڭ, ۆەدومستۆولاردا پەرسونالدى باسقارۋ قىزمەتىنىڭ قىزمەتكەرى جانە تىكەلەي باسشى تانىسۋدان باس تارتۋ تۋرالى ەركىن نىساندا اكت جاسايدى. 4. اينالمالى باعالاۋ 13. اينالمالى باعالاۋ قىزمەتشىنىڭ قاراماعىنداعى ادامداردىڭ, ال قاراماعىنداعى ادامدار بولماعان جاعدايدا – قىزمەتشى جۇمىس ىستەيتىن قۇرىلىمدىق بولىمشەدە لاۋازىمدى اتقاراتىن ادامنىڭ (ولار بولعان جاعدايدا) باعالاۋىن بىلدىرەدى. مۇنداي ادامداردىڭ تىزبەسىن ء(ۇش ادامنان اسپايتىن) قىزمەتشىنىڭ لاۋازىمدىق مىندەتتەرى جانە قىزمەتتىك ءوزارا ارەكەتتەستىگىنە قاراي اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى باعالاۋ جۇرگىزىلگەنگە دەيىن ءبىر ايدان كەشىكتىرمەي انىقتايدى. 14. وسى ادىستەمەنىڭ 13-تارماعىندا كورسەتىلگەن تۇلعالار وسى ادىستەمەگە 2-قوسىمشاعا سايكەس نىساندا اينالمالى باعالاۋ پاراعىن تولتىرادى. 15. تولتىرىلعان باعالاۋ پاراقتارى ولاردى العان كۇننەن باستاپ ەكى جۇمىس كۇنى ىشىندە اكىمشىلىك دەپارتامەنتىنىڭ كادر جۇمىسى باسقارماسىنا, ال ۆەدومستۆولاردا پەرسونالدى باسقارۋ قىزمەتىنە جىبەرىلەدى. 16. اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى وسى ادىستەمەنىڭ 13-تارماعىندا كورسەتىلگەن تۇلعالاردىڭ ورتاشا باعاسىن ەسەپتەيدى. 17. وسى ادىستەمەنىڭ 13-تارماعىندا كورسەتىلگەن تۇلعالاردىڭ باعالاۋى جاسىرىن تۇردە جۇرگىزىلەدى. 5. قىزمەتشىنىڭ قورىتىندى باعاسى 18. اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى قىزمەتشىنىڭ قورىتىندى باعاسىن مىنا فورمۋلا بويىنشا كوميسسيا وتىرىسىنا دەيىن بەس جۇمىس كۇنىنەن كەشىكتىرمەي ەسەپتەيدى: ا = b + س ا - قىزمەتشىنىڭ قورىتىندى باعاسى, b - تىكەلەي باسشىنىڭ باعاسى, س - اينالمالى باعا. 19. قورىتىندى باعا مىنا شكالا بويىنشا قويىلادى: 21 بالدان تومەن - «قاناعاتتانارلىقسىز», 21-دەن 33 بالعا دەيىن - «قاناعاتتانارلىق», 33 بالدان جوعارى - «ءتيىمدى». 6. كوميسسيانىڭ باعالاۋ ناتيجەلەرىن قاراۋى 20. اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى كوميسسيا توراعاسىمەن كەلىسىلگەن كەستەگە سايكەس باعالاۋ ناتيجەلەرىن قاراۋ جونىندەگى كوميسسيانىڭ وتىرىسىن وتكىزۋدى قامتاماسىز ەتەدى. اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى كوميسسيانىڭ وتىرىسىنا مىنا قۇجاتتاردى ۇسىنادى: 1) تىكەلەي باسشى تولتىرعان باعالاۋ پاراعى; 2) تولتىرىلعان اينالمالى باعالاۋ پاراعى; 3) قىزمەتشىنىڭ لاۋازىمدىق نۇسقاۋلىعى; 4) وسى ادىستەمەگە 3-قوسىمشاعا سايكەس نىسان بويىنشا قورىتىندى باعا كورسەتىلگەن كوميسسيا وتىرىسى حاتتاماسىنىڭ جوباسى. 21. كوميسسيا باعالاۋ ناتيجەلەرىن قاراستىرادى جانە مىنا شەشىمدەردىڭ ءبىرىن قابىلدايدى: 1) باعالاۋ ناتيجەلەرىن بەكىتۋ; 2) باعالاۋ ناتيجەلەرىن قايتا قاراۋ. باعالاۋ ناتيجەلەرىن قايتا قاراۋ تۋرالى شەشىم قابىلداعان جاعدايدا كوميسسيا حاتتامادا ءتيىستى تۇسىندىرمەمەن كەلەسى جاعدايلاردا باعانى تۇزەتەدى: 1) ەگەر قىزمەتشىنىڭ قىزمەت تيىمدىلىگى باعالاۋ ناتيجەسىنەن كوپ بولسا, بۇل رەتتە قىزمەتشىنىڭ جۇمىس ناتيجەسىنە قۇجاتتامالىق راستاۋ بەرىلەدى; 2) اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى قىزمەتشىنىڭ باعالاۋ ناتيجەسىن ەسەپتەۋدە قاتە جىبەرسە. بۇل رەتتە قىزمەتشىنىڭ باعاسىن تومەندەتۋگە جول بەرىلمەيدى. 22. اكىمشىلىك دەپارتامەنتىنىڭ كادر جۇمىسى باسقارماسى, ۆەدومستۆولاردا پەرسونالدى باسقارۋ قىزمەتى قىزمەتشىنى باعالاۋ ناتيجەلەرىمەن ول اياقتالعان سوڭ بەس جۇمىس كۇنى ىشىندە تانىستىرادى. قىزمەتشىنى باعالاۋ ناتيجەلەرىمەن تانىستىرۋ جازباشا نەمەسە ەلەكتروندى نىساندا جۇرگىزىلەدى. قىزمەتشىنىڭ تانىسۋدان باس تارتۋى باعالاۋ ناتيجەلەرىن ونىڭ قىزمەتتىك تىزىمىنە ەنگىزۋگە كەدەرگى بولا المايدى. بۇل جاعدايدا اكىمشىلىك دەپارتامەنتىنىڭ كادر جۇمىسى باسقارماسىنىڭ, ۆەدومستۆولاردا پەرسونالدى باسقارۋ قىزمەتىنىڭ قىزمەتكەرى تانىسۋدان باس تارتۋ تۋرالى ەركىن نىساندا اكت جاسايدى. 23. باعالاۋ ناتيجەلەرى قىزمەتشىنىڭ قىزمەتتەر تىزىمىنە ەنگىزىلەدى. 24. وسى ادىستەمەنىڭ 20-تارماعىندا كورسەتىلگەن قۇجاتتار, سونداي-اق كوميسسيا وتىرىسىنىڭ قول قويىلعان حاتتاماسى اكىمشىلىك دەپارتامەنتىنىڭ كادر جۇمىسى باسقارماسىندا, ۆەدومستۆولاردا پەرسونالدى باسقارۋ قىزمەتىندە ساقتالادى. 7. باعالاۋ ناتيجەلەرىنە شاعىمدانۋ 25. كوميسسيا شەشىمىنە قىزمەتشىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگانعا شاعىمدانۋى شەشىم شىققان كۇننەن باستاپ ون جۇمىس كۇنى ىشىندە جۇزەگە اسىرىلادى. 26. مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگان قىزمەتشىنىڭ شاعىمىن تۇسكەن كۇنىنەن باستاپ ون جۇمىس كۇنى ىشىندە قارايدى جانە بۇزۋشىلىقتار انىقتالعان جاعدايدا, مينيسترلىككە كوميسسيا شەشىمىنىڭ كۇشىن جويۋ تۋرالى ۇسىنىس جاسايدى. 27. قابىلدانعان شەشىم تۋرالى اقپاراتتى مينيسترلىك ەكى اپتا ىشىندە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل جونىندەگى ۋاكىلەتتى ورگانعا بەرەدى. قازاقستان رەسپۋبليكاسى ءبىلىم جانە عىلىم مينيسترلىگىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ۇلگىلىك ادىستەمەسىنە 1-قوسىمشا نىسان تىكەلەي باسشىنىڭ باعالاۋ پاراعى باعالاناتىن قىزمەتشىنىڭ ت.ا.ءا. (بار بولعان جاعدايدا):________________ باعالاناتىن قىزمەتشىنىڭ لاۋازىمى:____________________________________ № ر/س ولشەم كورسەتكىشتىڭ ءمانى (سانى) باعا (بالل) 1. باستاماشىلىعى 2-دەن 5-كە دەيىن 2. لاۋازىمدى مىندەتتەرىن ورىنداۋ ساپاسى 2-دەن 8-گە دەيىن 3. ارەكەتتەستىككە يكەمدىلىگى 2-دەن 5-كە دەيىن 4. قىزمەتتىك ەتيكانى ساقتاۋى 2-دەن 5-كە دەيىن بارلىعى (بارلىق باعالاردىڭ باعاسى) تانىستىم: قىزمەتشى تىكەلەي باسشى _______________________________ ________________________________ ت.ا.ءا. (بار بولعان جاعدايدا) ت.ا.ءا.(بار بولعان جاعدايدا) كۇنى_____________________________ كۇنى___________________________ قولى____________________________ قولى_____________________________ قازاقستان رەسپۋبليكاسى ءبىلىم جانە عىلىم مينيسترلىگىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ۇلگىلىك ادىستەمەسىنە 2-قوسىمشا نىسان اينالمالى باعالاۋ پاراعى باعالاناتىن قىزمەتشىنىڭ ت.ا.ءا. (بار بولعان جاعدايدا):________________ باعالاناتىن قىزمەتشىنىڭ لاۋازىمى:____________________________________ № ر/س ولشەم كورسەتكىشتىڭ ءمانى (سانى) باعا (بالل) باعىنىشتى ادام 1. جۇمىستى جوسپارلاي الۋ قابىلەتى 2-دەن 5-كە دەيىن 2. جۇمىسقا ىنتالاندىرۋ قابىلەتى 2-دەن 5-كە دەيىن 3. قىزمەتتىك ەتيكانى ساقتاۋى 2-دەن 5-كە دەيىن بارلىعى (بارلىق باعالاردىڭ باعاسى) ارىپتەسى 1 توپتا جۇمىس ىستەي الۋ قابىلەتى 2-دەن 5-كە دەيىن 2 قىزمەتتىك ەتيكانى ساقتاۋى 2-دەن 5-كە دەيىن 3 لاۋازىمدى مىندەتتەرىن ورىنداۋ ساپاسى 2-دەن 5-كە دەيىن بارلىعى (بارلىق باعالاردىڭ باعاسى) قازاقستان رەسپۋبليكاسى ءبىلىم جانە عىلىم مينيسترلىگىنىڭ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن جىل سايىنعى باعالاۋدىڭ ۇلگىلىك ادىستەمەسىنە 3-قوسىمشا نىسان باعالاۋ جونىندەگى كوميسسيا وتىرىسىنىڭ حاتتاماسى قازاقستان رەسپۋبليكاسى ءبىلىم جانە عىلىم مينيسترلىگى, ونىڭ ىشىندە ۆەدومستۆولارى (مەملەكەتتىك ورگاننىڭ اتاۋى) № ر/س قىزمەتشىنىڭ ت.ا.ءا. (بار بولعان جاعدايدا) تىكەلەي باسشىنىڭ باعاسى اينالمالى باعا قورىتىندى باعا 1 ... كوميسسيا قورىتىندىسى: ___________________________________________________________________________________________ ___________________________________________________________________________________________ تەكسەرگەن: كوميسسيا حاتشىسى:_____________________________ كۇنى:_________________ (ت.ا.ءا. (بار بولعان جاعدايدا), قولى) كوميسسيا توراعاسى:_____________________________ كۇنى:_________________ (ت.ا.ءا. (بار بولعان جاعدايدا), قولى) كوميسسيا مۇشەسى:_______________________________ كۇنى:_________________ (ت.ا.ءا. (بار بولعان جاعدايدا), قولى) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 قاراشاداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12231 بولىپ ەنگىزىلدى.