كەرى بايلانىس كوڭىل ءوسىردى

«جاۋىنگەرلىك جانۇياداي ۇيىسقان ۇلتتىق ۇلان – ەلى مەن حالقىنا قورعان!» اتتى اكتسيا اياسىندا اسكەري-پاتريوتتىق باعىتتاعى كوپتەگەن ءىس-شارالار وتكىزىلۋدە. سونىڭ ءبىرى – ۇلتتىق ۇلان باسشىلىعى مەن اسكەري ءبولىم جەتەكشىلەرىنىڭ سارباز اتا-انالارىمەن كەزدەسۋى جانە ولارعا بالالارىنىڭ اسكەري بورىشىن قانداي جاعدايدا وتكەرىپ جاتقاندىعىن ءوز كوزدەرىمەن كورۋگە جاسالعان مۇمكىندىك دەر ەدىك. ەلىمىزدىڭ كۇش قۇرىلىمدارىندا تۇڭعىش رەت وتكىزىلىپ وتىرعان تاعىلىمدىق شارا كوكشەتاۋداعى №5510 اسكەري بولىمىنەن باستاۋ الدى. ۇلتتىق ۇلان باس قولباسشى­سىنىڭ تاربيە جانە الەۋمەتتىك-قۇقىقتىق جۇمىستار ءجونىن­دەگى ورىنباسارى گەنەرال-مايور مۇحا­مەتقالي ساتوۆ 300-دەن اس­تام اتا-انا قاتىسقان كەزدەسۋدە ءسوز ءسوي­لەپ, ساربازداردىڭ جاۋىن­گەر­لىك قىزمەتى مەن اتقاراتىن ءمىن­­دەتتەرى جايلى ءتۇسىندىرىپ, كوپ­­شىلىكتىڭ كوكەيىندە جۇرگەن ساۋال­دارىنا جاۋاپ بەرەدى. سون­داي-اق, قوناقتاردىڭ نازارىنا بالالارىنىڭ سالەمدەمەسى جول­دانعان بەينەجازبالار ۇسى­نى­لىپ, پەرزەنتتەرى قىزمەت اتقا­رىپ جاتقان اسكەري بولىمنەن ءتى­كە­لەي بايلانىستا حابارلاسۋعا ءمۇم­كىندىك تۋدى. تاعى ءبىر ايتا كەتەر­لىگى, شارادا ۇلتتىق ۇلان­نىڭ اسكەري بولىمدەرىندەگى ايەلدەر كەڭەسىنىڭ قۇرىلعانى ءمالىم بولدى. ەندىگى جەردە اتا-انالار ۇل­دارى­نىڭ قىزمەتى قالاي ءوتىپ جات­­قانىن ءبىلۋ ءۇشىن تىكەلەي باي­لانىسقا شىعا الادى. ايتا كەتەرلىگى, سوڭعى ەكى شا­قى­رىلىمدا اقمولا وبلىسىنىڭ 714 ازاماتى ۇلتتىق ۇلان قاتارىن تولىقتىرعان ەكەن. بۇگىنگى كۇنى ولار رەسپۋبليكامىزدىڭ ءəرتۇرلى ايماعىنداعى ون əسكەري بولىمدە مىندەتىن ادال ورىنداۋدا. كەز­دەسۋ­گە جينالعاندار ەلىمىزدىڭ باس­قا وڭىرلەرىندە پارىزىن وتەپ جۇرگەن بالالارىمەن ونلاين-رەجىمىندە بايلانىسقا شىقتى. التىن القالى اجەي رىم­جان جولدىباەۆا قاراعاندىدا قىز­مەت اتقارىپ جۇرگەن نەمەرەسى ماق­­ساتپەن تىلدەسىپ مارە-سارە بول­­دى. كوكشەتاۋلىق بيعاش ەۆ­چەن­كو الماتىداعى 5571 اسكە­ر­ي بولىمىندەگى ۇلى سەرىكتىڭ حال-جاعدايىن ءبىلىپ, ىستىق ىقى­لاستى سالەمىن جولداپ جاتتى. كوك­شەتاۋ قالاسىنىڭ تۇرعىنى باقىتگۇل بيكەنوۆا  پاۆلودار قا­لا­سىندا وتان الدىنداعى بورىشىن وتەپ جۇرگەن داۋرەن بالاسىمەن قاۋىشقانداي بولىپ, كوزى­نە جاس الدى. ال بەك دەيتىن ازامات ءىنىسى قۋانىش قايرات ۇلىنىڭ 5506 اسكەري بولىمىنە الىنعاندىعىن, بىراق, ودان ءبىر اي بويى حابار جوق­تىعىن ايتقان بولاتىن. بۇل ءوتىنىش بويىنشا قولما-قول بايلانىس ور­ناتىلدى. قۋانىش ءدىن امان, قىز­مە­تىن ويداعىداي اتقارىپ ءجۇر ەكەن. ارينە, تىكەلەي بايلانىسقا ءدال وسى ساتتە اسكەري قىزمەتتەن بوس سار­باز­داردىڭ قاتىسقاندىعى بەلگىلى. كوكشەتاۋداعى اسكەري ءبولىم­دە اسكەري جانە ارنايى تەح­ني­كا­لاردىڭ كورمەسى ۇيىم­داس­تىرىلىپ, ساربازداردىڭ قىزمەت بىلىكتىلىگى كورسەتىلدى. اتا-انالار اسحانانىڭ, كازارمالاردىڭ, كىتاپحانانىڭ, ءتىپتى, لازارەتتىڭ جۇمىسىمەن تانىسىپ, قولايلى جاعدايلار جاسالعاندىعىنا ريزاشىلىعىن ايتتى. ءبىز «اگس-17» قارۋىن قولىنا ۇستاپ تۇرعان ءادىل ءتاشىمدى سوزگە تارتتىق. ول بيىل ورتا مەكتەپتى بىتىرگەن ەكەن. اعاسى باقتيار ال­ماتى وبلىسىنداعى ۇلتتىق ۇلان­نىڭ قاراكەمەر اسكەري بولىمىندە ءوز بورىشىن وتەپ ءجۇر ەكەن. كۇ­رەستەن سپورت شەبەرى اتاعى بار ول دا ۇلتتىق ۇلاندا قىزمەت ەتكىسى كەلەتىندىگىن ءبىلدىردى. اسكەري ومىردە ساربازداردىڭ اتا-انالارىنا جولداناتىن ەڭ باعا­لى ماراپات – «ەلگە حات» العىسى. باس قولباسشىنىڭ ورىنباسارى بۇل جولى 19 وتباسىنىڭ وكىلىنە وسىنداي ءىلتيپات حاتىن تاپسىردى. كەزدەسۋ سوڭىندا اتا-انالار­دىڭ سۇراقتارىنا «ورتالىق» ايماقتىق قولباسشىسىنىڭ ورىن­­باسارى پولكوۆنيك مۇرات اتي­بەەۆ, اقمولا ولىستىق ءىىد باس­تىعىنىڭ ورىنباسارى بەيبىت ءادىل­حانوۆ, قورعانىس ىستەرى دەپار­تا­مەنتى باستىعىنىڭ ورىنباسارى ەركەش بەكباەۆ, پەتروپاۆل گار­نيزونىنىڭ اعا پروكۋرورى ابى­لاي يگەمباەۆ تياناقتى جاۋاپتار قايتارىپ, ءتيىستى كەڭەستەر بەردى. سول كۇنى قازاقستان رەس­پۋب­ليكا­سى ۇلتتىق ۇلانى قولباس­شىسىنىڭ ورىنباسارى گەنەرال-مايور مۇحامەتقالي ساتوۆ «دوستىق» ۇيىندە ۇلتتىق ۇلان ءبىر جانۇيا. ءبىز حالقىمىزدى قورعاي­مىز!» اتتى ەرلىك ساباعىن وتكىز­دى. اتالمىش شاراعا كوكشەتاۋ قالاسى əكىمدىگىنىڭ وكىلدەرى, قۇ­قىق قورعاۋ ورگاندارىنىڭ قىز­­مەت­كەرلەرى, №5510 əسكەري ءبولى­­مى­نىڭ ارداگەرلەرى مەن جەكە قۇرامى قاتىستى. باقبەرگەن امالبەك, «ەگەمەن قازاقستان» اقمولا وبلىسى