سۋارمالى القاپتى كەڭەيتۋ كەنجە قالۋدا

بيىل ايماقتا 561,2 مىڭ گەكتار القاپقا ەگىس سالۋ جوسپارلانۋدا. بۇل وتكەن جىلمەن سالىستىرعاندا ەگىس القابى 48,4 مىڭ گەكتارعا ۇلعايادى دەگەن ءسوز. ءداندى داقىلدار 336 مىڭ, مالازىعىندىق داقىلدار 176,1 مىڭ, مايلى داقىلدار 38,6 مىڭ, كارتوپ 5,75 مىڭ, كوكونىستەر مەن باقشا داقىلدارى 4,7 مىڭ گەكتارعا ورنالاستىرىلادى.   ەگىس ناۋقانى بارلىق اۋدان­داردا جانە اقتوبە قالاسى اۋما­عىن­دا ۋاقىتىندا ءجۇر­گىزىلدى. اۋىلشارۋاشىلىق قۇرىلىم­دارى كوكتەمگى دالا جۇمىستارىن جۇرگىزۋ ءۇشىن قاجەتتى تەحنيكامەن جانە جانار-جاعار­مايمەن تولى­عىمەن قامتاماسىز ەتىل­دى. ءدان­دى داقىلدار كوزدەلگەن مەجەدە تولىق سەبىلدى. وسىعان بايلانىستى بەردى­بەك ساپارباەۆ ناۋقاندى مەيلىنشە قىسقا مەر­زىم ىشىندە اياقتاۋدى تاپسىرعان بولاتىن. وبلىس باسشىسى باۋ-باقشا جانە كوك­ونىس داقىلدارىنا ءبو­لىن­گەن الاڭداردىڭ كەڭەيتۋدىڭ ماردىمسىز جۇرگىزىلىپ جاتقانىن  سىن­­عا الدى. – وسىدان كەيىن ءبىز ءوز ءوڭىرىمىزدى قاجەتتى ونىممەن قامتاماسىز ەتە المايمىز, كوكونىستى باسقا وبلىستاردان تاسۋعا ءماجبۇر بولامىز. مۇنداي جاعدايدىڭ نەلىكتەن ورىن العانىنا تالداۋ جاساۋ كەرەك, – دەگەن ەدى. شەگىرتكەمەن كۇرەس جۇرگىزەتىن شتاب قۇرۋ بويىنشا شارالار الىنۋدا. وبلىس اكىمىنىڭ ورىنباسارى اسقار شەريازدانوۆتىڭ ايتۋىنشا, ءوڭىر شەگىرتكەمەن كۇرەسۋ ءۇشىن قاجەتتى حيميكاتتارمەن جانە تەحنيكامەن تولىعىمەن قامتاماسىز ەتىلگەن. ەڭ باستىسى, وبلىستىڭ قاي اۋماعىندا بولماسىن شەگىرتكەنىڭ پايدا بولۋىن دەر كەزىندە قاداعالاپ وتىرۋ. ب.ساپارباەۆ كەڭەس بارىسىندا سۋارمالى جانە جايىلما ال­قاپ­تاردى اينالىمعا قوسۋ, وبلىس اۋماعىمەن وتەتىن وزەندەردى, اسىرەسە, قۇرعاقشىلىقتاعى ىر­عىز, بايعانين جانە ويىل اۋدان­دارىندا دۇرىس جانە ءتيىمدى پايدالانۋ ماسەلەلەرىنە ەرەكشە نازار اۋداردى. وتكەن جىلى وبلىستا قولدا بار سۋارمالى جەرلەردىڭ جارتىسىنان ازى عانا پايدالانىل­دى. اعىمداعى جىلى سۋارمالى جەر كولە­مىن 12 مىڭنان 18,8 مىڭ گەكتارعا دەيىن ۇ­ل­­عاي­تۋ جوسپارلانۋدا. بۇگىنگى كۇنى 13,9 مىڭ گەك­­تارعا ءارتۇرلى اۋىلشارۋاشىلىق داقىل­دارى ەگىلدى. 9 مىڭداي گەكتارعا جوبالاۋ-سمە­تا­لىق قۇجات­تاردى ازىرلەۋ جۇمىستارى جۇرگىزىلۋدە. – مەملەكەت باسشىسى سۋلاندىرىلاتىن القاپتار كولەمىن ۇلعايتۋ ماسەلەسىنە ەرەكشە كوڭىل بولۋدە, ويتكەنى بۇل ازىق-ت ۇلىك قاۋىپسىزدىگىن قامتاماسىز ەتۋدىڭ ءتيىمدى تەتىكتەرىنىڭ ءبىرى بولىپ تابىلادى. تالداۋ كورسەتكەنىندەي, ازىرگە اۋدانداردىڭ بارلىعى بىردەي بيىلعى جوسپارلارىن ورىنداعان جوق. ىرعىز اۋدانىندا جوسپار – 15, العادا – 62, ويىل جانە قارعالى اۋداندارىندا 63 پايىزعا ورىندالدى. بۇدان باسقا, ءبىر اۋداننان دا سۋلاندىرىلاتىن القاپتاردى قوسىم­شا ۇلعايتۋ بويىنشا تاپسىرىس تۇسكەن جوق. ال مەملەكەت قازىر بۇل جوبانى جۇزەگە اسىرۋ ءۇشىن قارجى ءبولىپ, كومەك كورسەتۋدە. سونداي-اق, بوگەتتەر قۇرىلى­سى ارقىلى سۋلاندىرۋدى دامى­تۋ مۇمكىندىگىن قاراستىرۋىمىز قاجەت, – دەپ اتاپ كورسەتتى ءوڭىر باسشىسى. ساتىبالدى ءساۋىرباي, «ەگەمەن قازاقستان» اقتوبە وبلىسى