جىلدام نەسيەلەۋدىڭ توتە جولى

«دامۋ» قورى مەن الماتى قالالىق اكىمدىگى Kassaقارa جانە استانا بانكىنە «دامۋ بليتس» تەحنولوگياسىن جالعاستىرۋ ءۇشىن تاعى 3 ميلليارد تەڭگە ءبولىپ وتىر. سونىمەن, پاريتەتتى نەگىزدە 2 ميلليارد تەڭگە استانا بانكىنە جانە 1 ميلليارد تەڭگە «بانك Kassaقارa»-عا ءبولىندى. قاراجات «دامۋ بليتس» تەحنولوگياسىن جالعاستىرۋ ءۇشىن بەرىلدى.   وتاندىق ورتا جانە شاعىن كاسىپكەرلەرگە بيزنەسىن دامىتۋ ءۇشىن جىلىنا 7 پايىزبەن بولىنە­تىن نەسيە نەگىزگى قۇرالداردى جاڭار­­تىپ, جاڭاسىن ساتىپ الۋ ءۇشىن 84 ايعا دەيىن, اينالىمداعى قاراجاتتى تولتىرۋ ءۇشىن 36 ايعا دەيىن تەڭگەمەن بەرىلەدى. ياعني ءبىر نەسيە الۋشىنىڭ قولىنا 180 ميل­ليون تەڭگەگە دەيىنگى سوما تيەدى. «جىل باسىنان بەرى «بانك Kassaقارa» اق, «الفا بانك» اق جانە «استانا بانكى» اق ارقىلى الماتى مەن الماتى وبلىسىندا جۇرگىزىلگەن قاناتقاقتى جوبا­نىڭ ناتيجەسى جاقسى بولدى. وسى ۋاقىت ارالىعىندا قۇنى 780,5 ميلليون تەڭگەنىڭ 58 جوباسى ماقۇلداندى. ءوتىنىمدى قاراۋ ۋاقىتى ورتا ەسەپپەن 7 كۇندى قۇرادى. ءبىز «دامۋ بليتس» تەحنولوگياسى بويىنشا بيزنەسكە بولىنەتىن نەسيەنىڭ پايىز­دىق مولشەرلەمەسىن ەكى ەسەگە دەيىن تومەندەتتىك. قازىر ول جىلىنا 7 پايىزدى قۇرايدى. بۇل – الماتى قالالىق اكىمدىگى تاراپىنان قوسىمشا قارجىلاندىرۋ بولعا­نىنىڭ ارقاسى. ساۋدا, قوعامدىق تاماقتاندىرۋ ورنى, قىزمەت كورسەتۋ سالاسىمەن قوسا ءبىز جەڭىل ونەركاسىپ, فارماتسيا, بالالارعا ارنالعان دامىتۋ ورتالىقتارى, حوستەلدەر مەن شاعىن قوناقۇيلەر سالاسىن قولداۋدى دا ەنگىزدىك. بۇعان ستارتاپ جوبا يەلەرى دە قاتى­سا الادى», – دەدى «دامۋ» قورى­نىڭ باسقارما توراعاسى قانىش تىلەۋشين. جىلدام نەسيەلەۋدىڭ توتە جولى بولىپ تابىلاتىن «دامۋ بليتس» تەحنولوگياسى 2016 جىلى قاناتقاقتى جوبا رەتىندە الماتى مەن الماتى وبلىسىندا ەكىنشى دەڭ­گەي­لى «استانا بانكى» اق, «بانك Kassaقارa» اق, «الفا بانك» اق بانك­تەرىندە ەنگىزىلگەن بولاتىن. بۇل تەحنولوگيا جەڭىل رەسىمدەپ, 3-7 كۇن ىشىندە جەدەل نەسيە بەرۋدى كوزدەي­دى. قاناتقاقتى جوبادا ءۇش باعىت ىسكە قوسىل­عان. ولار: 3 ميلليون تەڭگەگە دەيىن­گى, 30 ميل­ليون تەڭگەگە دەيىنگى جانە نەگى­­زى­نەن ستارتاپ جوبا يەلەرى ءۇشىن 20 ميل­­­ليون تەڭگەلىك نەسيە. بارلىق باعىت بو­يى­ن­شا نەسيەنىڭ جىلدىق مولشەرلەمەسى باس­تاپقىدا 14 پايىزدى قۇراعان بولاتىن. بانك­تەردە وسى تەحنولوگيامەن جۇمىس ءىس­تەيتىن بارلىق مەنەدجەرلەر كونسالتينگ كوم­پانياسىندا وقىتىلدى. «دامۋ» قورى وسىنداي جەدەل نەسيەلەۋ تاجىريبەسىن جىل سوڭىنا دەيىن باسقا وڭىرلەرگە دە ەنگىزبەكشى. استانا مەن الماتى قالاسىنىڭ كاسىپكەرلەرى ءۇشىن 60 ميلليون تەڭگەگە دەيىنگى شاعىن نەسيەنى قولدايدى. ال باسقا وڭىرلەر ءۇشىن 30 ميلليون تەڭگەلىك نەسيە قاراستىرىلعان. قارىز 84 ايعا دەيىن بەرىلەدى. سونىمەن قاتار, ينۆەستيتسياعا 60 ايعا دەيىن, اينا­لىم­داعى قاراجاتتى تولتىرۋعا 36 ايعا دەيىن بەرىلەتىن 20 ميلليون تەڭگەلىك ميكروستارت نەسيە دە بار. ايناش ەسالي, «ەگەمەن قازاقستان» الماتى