جاۋشىقۇمنىڭ جۋاسى-اي!

شاردارا اۋدانىنداعى جاۋشى­قۇم اۋىلى سوڭعى ۋاقىتتا جۇرتقا بىتىك وسكەن جۋاسىمەن تانىلىپ كەلەدى. وعان سەبەپ – القاپقا پياز گول­لانديالىق تاسىلمەن ەگىلەدى. وسىلايشا, قول كۇشىمەن اتقارى­لاتىن جۇمىستىڭ بارلىعى بۇگىندە تەحنيكامەن جۇزەگە اسىرىلادى, ياعني شارۋالار ءارامشوپ وتاۋ, پياز­دى قولمەن جەگەنەلەۋ سياقتى ما­شاقاتتاردان ءبىرجولا قۇتىلادى. سەيدۋللا دوماتوۆتىڭ يەلىگىن­دەگى «تۇرار» شارۋا قوجالىعى بيىلعى جىلى 30 گەكتار جەرگە پياز تۇقىمىن سەۋىپ, قازىرگى تاڭ­دا ءونىمدى جيناۋمەن اينالىسىپ جاتىر. ديقانداردىڭ كوڭىلدەرى كوتەرىڭكى, سەبەبى گەكتار ءتۇسىمى 850 تسەنت­نەردەن اينالىپ وتىر. ال ءار گەكتاردان 85 توننادان پياز ءونىمىن الۋ وتە جوعارعى كورسەتكىش بولىپ تابىلادى. جاۋشىقۇمنىڭ جۋاسى قازىرگى تاڭدا استانا, اقتوبە, الماتى قالالارىنا تاسىمالدانىپ, ساۋداعا شىعارىلىپ جاتىر. سونىمەن قاتار, اۋدان باسشىلارى­نىڭ ۇيىمداستىرۋىمەن اۋىلدان ارنايى بەكەت اشىلىپ, جەرگىلىكتى تۇرعىندارعا داقىلدىڭ كەلىسى 50 تەڭگ­ەدەن ساتىلۋدا. بازاردا بيىل­عى وسىرىلگەن پيازدىڭ باعاسى 80 تەڭگەدەن ەكەنىن ەسكەرسەك, ارنايى بەكەتتەگى ارزان باعا حالىقتىڭ قال­تا­سىنا جەڭىل ءتيىپ جاتقانى ءسوزسىز. ءادىل ءابدىرامانوۆ وڭتۇستىك قازاقستان وبلىسى