ءبىزدىڭ تانكيستەر ەرلەدى

قازاقستان تانكيستەرى «تانك بياتلونى-2016» سايىسىنىڭ كەزەكتى جەكە جارىسىندا ۇزدىك ناتيجە كورسەتتى. تانك كومانديرى اعا لەيتەنانت اسىلبەك مۇسىرمانقۇلوۆتىڭ جەتەكشىلىك ەتۋىمەن ەكيپاج قاشىقتىقتى باتىل ەڭسەرىپ, وق اتۋدى ءساتتى ورىندادى. ءسويتىپ, سەربيا, بەلارۋس جانە يراننىڭ كوماندالارىن جەكە جارىستا باسىپ وزدى. تانك بياتلونى بويىنشا كوماندامىز ءۇشىن بۇل – بايقاۋدىڭ ءبىرىنشى كەزەڭىندەگى ءۇشىنشى جەكە جارىس. الدىڭعىلارىندا قازاقستاننىڭ ەكيپاجدارى ءوز­دەرىنىڭ جەكە جارىستارىندا سەربيا, ءۇندىستان, رەسەي, ني­­كاراگۋا, بەلارۋس جانە ار­مەنيانىڭ كوماندالارى اراسىندا كوشباسشىلىق پوزيتسيا­نى ساقتاي وتىرىپ, جوعارى دا­يىندىق دەڭگەيىن پاش ەتكەن ەدى. الايدا, مۇنىمەن باسەكە اياق­تالمايدى. الدا قاتىسۋشى كوماندالاردا جارتىلاي فينال جانە فينال كۇتىپ تۇر. ەگەر سايىستىڭ ءبىرىنشى كەزەڭىنە بار­لىق 17 ەل قاتىسقان بولسا, كە­لەسى كەزەڭگە تەك 12 كوماندا وتەدى. فينالدا تەك ءتورت ەڭ ۇزدىك جانە كاسىبي وكىل كەزدەسەتىن بولادى. قازىرگى ۋاقىتتا قازاقستان مەن رەسەيدىڭ 20 اسكەري پوليگونىندا, سونداي-اق, بالتىق, قارا تەڭىز بەن كاسپي تەڭىزىنىڭ سۋ ايدىندارىندا ارميا حا­لىقارالىق ويىندارى-2016 قىزۋ ءجۇرىپ جاتىر. ەكى بايقاۋ دا ەلىمىزدىڭ اۋماعىندا العاش رەت ءوتىپ وتىر. ال 2017 جىلى ەلى­مىز ءوز جەرىندە ارمي-ءدىڭ 6 بايقاۋىن وتكىزەدى. ونىڭ ىشىندە ەكەۋى جاڭا بايقاۋ. سونىمەن, ارميا حالىق­ارالىق ويىندارىنىڭ باعدار­لاماسىنا العاش رەت بروندال­عان اۆتوماشينالارداعى راللي جانە ايەل اسكەري قىزمەتشى­لەر­گە ارنالعان كوپسايىس ارنا­يى بايقاۋى قوسىلادى. ار­ميا ويىن­دارىنىڭ قازىرگى باي­قاۋلارىنىڭ ىشىنەن كەلەسى جىلى اسكەري اسپازشى­لار­دىڭ «دالالىق اس ءۇي», كينو­لوگتاردىڭ «ادال دوس» سايىسى, اتقىشتار مەن مەرگەندەردىڭ «ارتيللەريالىق وق اتۋ شەبەر­لەرى» مەن «مەرگەن شەبى» جارىس­تارى وتەدى. «ەگەمەن-اقپارات»