قازاقستان مەن رەسەيدىڭ قورعانىس مينيسترلەرى كەزدەستى

[caption id="attachment_54246" align="aligncenter" width="700"] قورعانىس مينيسترلىگى[/caption] ماسكەۋدە قازاقستان رەسپۋبليكاسىنىڭ قورعانىس ءمينيسترى يمانعالي تاسماعامبەتوۆ رەسەيدىڭ قورعانىس ءمينيسترى سەرگەي شويگۋمەن كەزدەستى. كەلىسسوز بارىسىندا تاراپتار ەكى جاقتى اسكەري جانە اسكەري-تەحنيكالىق ىنتىماقتاستىق ماسەلەلەرىن تالقىلادى. رەسەي فەدەراتسياسىمەن اسكەري-تەحنيكالىق ىنتىماقتاستىق شەڭبەرىندە ەكى ەل پرەزيدەنتتەرىنىڭ ۋاعدالاستىعى نەگىزىندە قازاقستانعا 5 دانا س-300 زەنيتتىك زىمىران كەشەنى بەرىلدى.  ودان باسقا, رەسەي تاراپى وسى كەشەندەرگە 170-تەن اسا زەنيتتىك زىمىرانداردى تاپسىرۋ جونىندەگى مەملەكەتىشىلىك پروتسەدۋرانى رەسىمدەۋدى اياقتاۋدا. ۇقشۇ شەڭبەرىندە مۇشە مەملەكەتتەر اراسىندا اسكەري ماقساتتاعى ءونىمدى ترانزيتتەۋ جانە اسكەري تاسىمالداۋلاردى جۇزەگە اسىرۋ ءتارتىبىن جەڭىلدەتۋگە مۇمكىندىك بەرەتىن مەملەكەتارالىق كەلىسىم جاساسۋ بويىنشا ماسەلە قارالدى. «اسكەري-تەحنيكالىق ىنتىماقتاستىق سالاسىندا ءبىزدىڭ ءارى قارايعى جۇمىسىمىزدىڭ جاڭا شەڭبەرىن, جاڭا شەكاراسىن اشاتىن كەلىسىمگە قول قويدىق», دەدى قورعانىس ءمينيسترى يمانعالي تاسماعامبەتوۆ. داستان كەنجالين