[caption id="attachment_53979" align="aligncenter" width="500"]
facebook.com[/caption]
وسى كۇندەرى برازيليانىڭ ريو-دە-جانەيرو قالاسىنا الەمنىڭ جەر-جەرىنەن مىڭداعان جۋرناليستەر بارا جاتىر. ولار ءۇش جەتىگە جۋىق ۋاقىت جارىستاردىڭ جارىسى, تورەسى سانالاتىن وليمپيا ويىندارىن ناسيحاتتاپ, تورتكۇل دۇنيەنىڭ ءتورت بۇرىشىنا حابار تاراتادى. سولاردىڭ اراسىندا ەلىمىزدىڭ ءبىر توپ اقپارات قۇرالدارىنىڭ وكىلدەرى دە بولادى. ارىپتەستەرىمىز 1 تامىز كۇنى برازيلياعا اتتانادى. سونىڭ ىشىندە «ەگەمەن قازاقستان» گازەتىنىڭ وڭتۇستىك قازاقستان وبلىسى بويىنشا مەنشىكتى ءتىلشىسى باقتيار تايجان دا بار. ال قازىر وڭتۇستىك امەريكاعا ولاردان بۇرىن جەتىپ العان ارىپتەسىمىز رۋسلان مەدەلبەك facebook الەۋمەتتىك جەلىسىندەگى پاراقشاسىندا وليمپياداعا دايىندىق كەزىندە ءوزىنىڭ كورگەن-بىلگەنىن جازىپ, وقىرماندارىمەن وي بولىسۋدە. قالاي دەگەنمەن جەر شارىنىڭ ارعى بەتى عوي. اتا-بابالارىمىزدىڭ تابانى ەشقاشان تيمەگەن قۇرلىقتا نە بولىپ جاتقانى بىزگە دە قىزىق كورىندى. ەندى رۋسلاننىڭ سول شاعىن بولسا دا جازبالارىن وقىرماندار نازارىنا ۇسىنۋدى ءجون كورىپ وتىرمىز.
«28 شىلدە. ريوعا اۋپىرىمدەپ جەتىپ الدىم. اتلانت مۇحيتىنىڭ ۇستىمەن 14 ساعاتتىق جولدا ءبىر كىتاپ تاۋىستىم. سول ءبىر پايدالى ءىس بولدى. ۇشاقتاعىلاردىڭ باسىم بولىگى - جازعى دەمالىستارىن وليمپيادامەن وتكىزەمىز دەگەن ەۋروپالىقتار. قازاقستاننىڭ سەمسەرلەسۋ قۇراماسىمەن بىرگە كەلدىك. قۇراما دەگەنگە كەلمەس, ءبىر سپورتشى + ءبىر جاتتىقتىرۋشى.
تاڭعى تورتتە ويانىپ الدىق. دەنە ءالى 9 ساعات ايىرماشىلىققا ۇيرەنبەي جاتىر. بۇگىن قالانى - بارلاۋ. اۋەجاي ماڭىنداعى 20 مينۋتتىق قوناق ۇيگە جەتۋ ءۇشىن 100 رەال (شامامەن 12000 تەڭگە) تولەدىم. بۇل تاكسيدىڭ ەڭ ارزانى. تاكسيست «فاۆەلا اتاۋلىسىنا جولاما, ۆەري ۆەري دەينجەرەس», دەدى.
ءبىر اي بويى ايگىلى كوپاكابانا جاعالاۋىندا تۇرامىز.
P.S. چەمودان 10 كيلودان ءسال استى. اۋەجايداعى قىزمەتكەر: «10 كيلو؟ حمم... ريوعا 10 كيلومەن كەتىپ باراسىڭ با؟» دەيدى. «قايتاردا تاعى 10 كيلو قوسىلادى دا», دەدىم
برازيليادا كۇن سالقىن. شامامەن +18/20 گرادۋس. قازىر بۇل ەلدە قىس مەزگىلى.
وليمپيادادا باسپاناسىز ادامدار (بومجدار) كوپ. بارلىعى كوشەنىڭ بۇرىشىندا, ورىندىقتاردا ۇيىقتاپ, سول جەردە تاماقتانادى. ءبىر قىزىعى, ولاردىڭ باسىم بولىگى سول «تۇرعىلىقتى جەرىندە» گازەت وقىپ نە سكانۆورد شەشىپ وتىرادى. وزدەرى پىسىق. كەدەيلەر دە بارشىلىق. حالىق بيلىككە قارسى كوتەرىلەتىندەي-اق ەكەن.
برازيليالىقتار اعىلشىن تىلىنە ناشار. كوشەلەرى تار ءارى كەپتەلىس. كوپاكابانا جاعالاۋىندا 10-12 قاباتتى قوناق ۇيلەر كوپ جانە ولاردا ورىن جوق. پاتەرىن جالعا بەرەتىندەر تولىپ ءجۇر. وليمپيادا رەسمي تۇردە 5 تامىز باستالادى. قوناق ۇيگە دە وسى كۇنى كىرەمىن. ال وعان دەيىن ءبىر برازيليالىق وتباسىنىڭ ءتورت بولمەلى ءۇيىنىڭ ءبىر بولمەسىن جالداپ تۇرىپ جاتىرمىن. بۇل بولمەنى ينتەرنەت ارقىلى تاۋىپ الدىم. 8 كۇنگە - 290 دوللار, باعا ريو سياقتى تۋريستىك قالا ءۇشىن ارزان. مەن اقشا اۋدارعان airbnb.com سايتى پاتەر اقىسىن جالداپ تۇرعان ادام ءۇيدى بوساتقان سوڭ پاتەر يەسىنە اۋدارادى. وعان دەيىن مەنىڭ قاۋىپسىزدىگىم ءۇشىن اقشانى وزدەرىندە ۇستاپ وتىرادى. شىققان كۇنى كارتامنان اۆتوماتتى تۇردە الىپ الادى. وسى سەگىز كۇن ىشىندە قوجايىنىم ءبىر مينۋس جاساسا نەمەسە زاتتارىم جوعالسا اقشانى قايتا وزىمە بەرۋ جاعىن قاراستىرادى. بۇل تۋرالى الدا تاعى دا جازامىن.
وليمپيادا وتەتىن باررا ايماعىنا ەندى بارامىن. بۇگىن كوپاكابانا ايماعىنىڭ جارتىسىن ارالاپ ۇلگەردىك. سۋپەرماركەت, ازىق-ت ۇلىك دۇكەندەرى وتە از. بارلىعى قالا شەتىندە ورنالاسقان سياقتى. تۇسكى اس شامامەن 5-10$ سول».
[caption id="attachment_53981" align="aligncenter" width="625"]
facebook.com[/caption]
داستان كەنجالين
facebook.com[/caption]
وسى كۇندەرى برازيليانىڭ ريو-دە-جانەيرو قالاسىنا الەمنىڭ جەر-جەرىنەن مىڭداعان جۋرناليستەر بارا جاتىر. ولار ءۇش جەتىگە جۋىق ۋاقىت جارىستاردىڭ جارىسى, تورەسى سانالاتىن وليمپيا ويىندارىن ناسيحاتتاپ, تورتكۇل دۇنيەنىڭ ءتورت بۇرىشىنا حابار تاراتادى. سولاردىڭ اراسىندا ەلىمىزدىڭ ءبىر توپ اقپارات قۇرالدارىنىڭ وكىلدەرى دە بولادى. ارىپتەستەرىمىز 1 تامىز كۇنى برازيلياعا اتتانادى. سونىڭ ىشىندە «ەگەمەن قازاقستان» گازەتىنىڭ وڭتۇستىك قازاقستان وبلىسى بويىنشا مەنشىكتى ءتىلشىسى باقتيار تايجان دا بار. ال قازىر وڭتۇستىك امەريكاعا ولاردان بۇرىن جەتىپ العان ارىپتەسىمىز رۋسلان مەدەلبەك facebook الەۋمەتتىك جەلىسىندەگى پاراقشاسىندا وليمپياداعا دايىندىق كەزىندە ءوزىنىڭ كورگەن-بىلگەنىن جازىپ, وقىرماندارىمەن وي بولىسۋدە. قالاي دەگەنمەن جەر شارىنىڭ ارعى بەتى عوي. اتا-بابالارىمىزدىڭ تابانى ەشقاشان تيمەگەن قۇرلىقتا نە بولىپ جاتقانى بىزگە دە قىزىق كورىندى. ەندى رۋسلاننىڭ سول شاعىن بولسا دا جازبالارىن وقىرماندار نازارىنا ۇسىنۋدى ءجون كورىپ وتىرمىز.
«28 شىلدە. ريوعا اۋپىرىمدەپ جەتىپ الدىم. اتلانت مۇحيتىنىڭ ۇستىمەن 14 ساعاتتىق جولدا ءبىر كىتاپ تاۋىستىم. سول ءبىر پايدالى ءىس بولدى. ۇشاقتاعىلاردىڭ باسىم بولىگى - جازعى دەمالىستارىن وليمپيادامەن وتكىزەمىز دەگەن ەۋروپالىقتار. قازاقستاننىڭ سەمسەرلەسۋ قۇراماسىمەن بىرگە كەلدىك. قۇراما دەگەنگە كەلمەس, ءبىر سپورتشى + ءبىر جاتتىقتىرۋشى.
تاڭعى تورتتە ويانىپ الدىق. دەنە ءالى 9 ساعات ايىرماشىلىققا ۇيرەنبەي جاتىر. بۇگىن قالانى - بارلاۋ. اۋەجاي ماڭىنداعى 20 مينۋتتىق قوناق ۇيگە جەتۋ ءۇشىن 100 رەال (شامامەن 12000 تەڭگە) تولەدىم. بۇل تاكسيدىڭ ەڭ ارزانى. تاكسيست «فاۆەلا اتاۋلىسىنا جولاما, ۆەري ۆەري دەينجەرەس», دەدى.
ءبىر اي بويى ايگىلى كوپاكابانا جاعالاۋىندا تۇرامىز.
P.S. چەمودان 10 كيلودان ءسال استى. اۋەجايداعى قىزمەتكەر: «10 كيلو؟ حمم... ريوعا 10 كيلومەن كەتىپ باراسىڭ با؟» دەيدى. «قايتاردا تاعى 10 كيلو قوسىلادى دا», دەدىم
برازيليادا كۇن سالقىن. شامامەن +18/20 گرادۋس. قازىر بۇل ەلدە قىس مەزگىلى.
وليمپيادادا باسپاناسىز ادامدار (بومجدار) كوپ. بارلىعى كوشەنىڭ بۇرىشىندا, ورىندىقتاردا ۇيىقتاپ, سول جەردە تاماقتانادى. ءبىر قىزىعى, ولاردىڭ باسىم بولىگى سول «تۇرعىلىقتى جەرىندە» گازەت وقىپ نە سكانۆورد شەشىپ وتىرادى. وزدەرى پىسىق. كەدەيلەر دە بارشىلىق. حالىق بيلىككە قارسى كوتەرىلەتىندەي-اق ەكەن.
برازيليالىقتار اعىلشىن تىلىنە ناشار. كوشەلەرى تار ءارى كەپتەلىس. كوپاكابانا جاعالاۋىندا 10-12 قاباتتى قوناق ۇيلەر كوپ جانە ولاردا ورىن جوق. پاتەرىن جالعا بەرەتىندەر تولىپ ءجۇر. وليمپيادا رەسمي تۇردە 5 تامىز باستالادى. قوناق ۇيگە دە وسى كۇنى كىرەمىن. ال وعان دەيىن ءبىر برازيليالىق وتباسىنىڭ ءتورت بولمەلى ءۇيىنىڭ ءبىر بولمەسىن جالداپ تۇرىپ جاتىرمىن. بۇل بولمەنى ينتەرنەت ارقىلى تاۋىپ الدىم. 8 كۇنگە - 290 دوللار, باعا ريو سياقتى تۋريستىك قالا ءۇشىن ارزان. مەن اقشا اۋدارعان airbnb.com سايتى پاتەر اقىسىن جالداپ تۇرعان ادام ءۇيدى بوساتقان سوڭ پاتەر يەسىنە اۋدارادى. وعان دەيىن مەنىڭ قاۋىپسىزدىگىم ءۇشىن اقشانى وزدەرىندە ۇستاپ وتىرادى. شىققان كۇنى كارتامنان اۆتوماتتى تۇردە الىپ الادى. وسى سەگىز كۇن ىشىندە قوجايىنىم ءبىر مينۋس جاساسا نەمەسە زاتتارىم جوعالسا اقشانى قايتا وزىمە بەرۋ جاعىن قاراستىرادى. بۇل تۋرالى الدا تاعى دا جازامىن.
وليمپيادا وتەتىن باررا ايماعىنا ەندى بارامىن. بۇگىن كوپاكابانا ايماعىنىڭ جارتىسىن ارالاپ ۇلگەردىك. سۋپەرماركەت, ازىق-ت ۇلىك دۇكەندەرى وتە از. بارلىعى قالا شەتىندە ورنالاسقان سياقتى. تۇسكى اس شامامەن 5-10$ سول».
[caption id="attachment_53981" align="aligncenter" width="625"] facebook.com[/caption]
داستان كەنجالين
