ۆيرۋستىق گەپاتيتكە جول جوق

سالاماتتى ءومىر سالتىن ءوالىپتاستىرۋ پروبلەمالارى ۇلتتىق ورتالىعىنىڭ حابارلاماسىنا وراي, قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن ىسكە اسىرۋ ماقساتىندا دۇنيەجۇزىلىك ۆيرۋستىق گەپاتيتپەن كۇنىنە وراي ورايلاستىرىلعان ايلىق وتكىزىلمەك. ۆيرۋستىق گەپاتيت – باۋىردىڭ قابىنبالى اۋرۋى. گەپاتيتتى تۋدىراتىن ۆيرۋستىڭ A, B, C, D جانە E  گەپاتيتتەرى الەمنىڭ مىڭداعان ادامدارى ءجىتى جانە سوزىلمالى باۋىر اۋرۋىنان زارداپ شەگۋدە, اسىرەسە, ۆ جانە س گەپاتيتىنەن جىلىنا 1,4 ميلليون ادام ءولىم-جىتىمگە ۇشىرايدى. ادەتتە, ا جانە ە گەپاتيتىنە شالدىعۋدىڭ سەبەبى  تازا ەمەس تاعام مەن سۋدى تۇتىنۋدىڭ سالدارىنان بولادى. ۆ, س جانە D گەپاتيتى اۋرۋ ادامنان پارەنتەرالدىق بايلانىس ناتيجەسىندە جۇعادى. وسى ۆيرۋستاردىڭ بەرىلۋىنىڭ كەڭ تاراعان تاسىلدەرىنىڭ قاتارىنا ۆيرۋس جۇققان قان نەمەسە قان ءونى­مىن قۇيۋ,  ۆ گەپاتيتىنە قاتىستى لاس قۇرال-جابدىقتاردى قولدانۋ ارقىلى ينۆازيالىق مەديتسينالىق شارالار, بوسانۋ كەزىندە انادان بالاعا, وتباسى مۇشەسىنەن بالاعا, سونىمەن قاتار, جىنىستىق قاتىناس كەزىندە اۋرۋدىڭ بەرىلۋى جاتادى. دۇنيەجۇزىلىك ۆيرۋستىق گەپاتيتكە قارسى كۇرەس كۇنىن وتكىزۋ قوعامنىڭ نازارىن اۋدارۋ جانە مۇددەلى تاراپتاردىڭ ناقتى ارەكەتتەرى ارقىلى اۋرۋدىڭ الدىن الۋدى كۇشەيتۋگە, اۋرۋلاردىڭ بايلانىسۋى جانە ۆيرۋستىق گەپاتيتپەن كۇرەسۋ ءۇشىن سكرينينگتەن ءوتۋ بولىپ تابىلادى. دەنساۋلىققا دەگەن ورتاق جاۋاپكەرشىلىگى ۇلكەن ءرول اتقا­رادى. وسىعان بايلانىستى جەكە  باستى قورعاۋ شارالارىن ساقتاۋ ماڭىزدى. ولار: قاۋىپسىز تاعام مەن سۋدى پايدالانۋ; ينەكتسيا الۋ ءۇشىن ءبىر رەتتىك ينەلەر مەن شپريتستەردى پايدالانۋ; قاۋىپسىز جىنىستىق قاتىناستى ناسيحاتتاۋ; كوسمەتيكالىق شارالاردى (تاتۋيروۆكا, پيرسينگ جانە ت.ب.) جۇرگىزۋ ءۇشىن  ليتسەنزياسى بار ارنايى مەكەمەلەرگە بارۋ; ۇلتتىق ەگۋ كەستەسىنە سايكەس بالالاردى ۆ گەپاتيتىنە قارسى ۆاكتسيناتسيانى ءوز ۋاقىتىندا الۋ. ايلىق شەڭبەرىندە ەلىمىزدىڭ بارلىق وڭىرلەرىندە ۆيرۋستىق گەپاتيتتىڭ الدىن الۋ ماقساتىندا مەديتسينا قىزمەتكەرلەرى ءۇشىن – سەمينار-ترەنينگتەر, حالىق اراسىندا اقپاراتتىق جۇمىستار جۇرگىزۋ جوسپارلانۋدا, سونىمەن قاتار بەيىندى مامانداردىڭ قاتىسۋىمەن اشىق ەسىك كۇندەرى وتكىزىلەدى. «ەگەمەن-اقپارات»