24 ساعات

انگەلا مەركەل ءوز ەلىندە بول­عان تەررورلىق شابۋىل­داردى قاتاڭ ايىپتاعانىمەن, بوس­قىندارعا قاتىستى سايا­سات­تى وزگەرتۋ تۋرالى ۇسى­نىس­­تاردى قابىلداماي تاس­تادى. كانتسلەر جۋرنا­ليستەر ال­دىندا سويلەگەن سوزىندە تەرروريستەر گەرمانيانىڭ «مۇق­تاج جانداردى قابىل­داۋ» ازىرلىگىنە ىقپال ەتكىسى كەلەتىنىن اتاپ ءوتتى. الداعى قىركۇيەك ايىندا رەسەي مەن قىتاي داۋلى جەر – وڭتۇستىك قىتاي تەڭىزىندە اسكەري-تەڭىز كۇشتەرىنىڭ جات­تىعۋىن وتكىزبەك. بۇل جات­تىعۋ وڭتۇستىك قىتاي تەڭىزى ايما­عىنىڭ اۋماقتىق مارتەبەسىنە قاتىس­تى داۋ كۇشەيگەن تۇستا وتەيىن دەپ وتىر. تۇركيا بيلىگى جۇزدەن استام جەرگىلىكتى بۇقارالىق اقپارات قۇرالدارىنىڭ جابىلاتىنىن جاريالادى. ولاردىڭ ۇشەۋى اقپارات اگەنت­تىگى, ون التىسى تەلەار­نا, وتىزى باسپاحانا, قىرىق­تان استامى باسىلىمدار. اۋعانستان كەشە ءدۇ­نيە­جۇزىلىك ساۋدا ۇيىمىنا رەسمي تۇردە مۇشەلىككە كىرىپ, ۇيىمنىڭ 164-ءىنشى مۇشەسى اتاندى. ەرەجەلەرگە سايكەس, اۋعانستاننىڭ دسۇ-عا كىرۋى تۋرالى شەشىم جۇما كۇنى اۆتوماتتى تۇردە كۇشىنە ەندى. ريم پاپاسى فران­تسيسك پولشادا مەسسا وتكى­زە­تىن مىنبەگە بارا جاتقان كەز­دە كەنەتتەن قۇلاپ قالدى. ءدىني قىزمەتكەرلەر دەرەۋ كومەك كورسەتكەننەن كەيىن ول جي­نال­عاندار الدىندا ءسوز سويلەدى. نيگەرياداعى «بوكو حارام» تەرروريستىك توبىنىڭ سودىرلارى سوڭعى جارتى جىل­دا 50 ءجاسوسپىرىمدى تەر­رور­­شى-جانكەشتىگە «ءتار­بيە­­لەپ» شىعارعان. بۇۇ باس حات­شىسىنىڭ قوعامدىق ماسەلەلەر بويىنشا ورىنباسارى س.و’برا­يەن­نىڭ مالىمدەۋىنشە, وسى جاس­وس­پىرىمدەر افريكانىڭ ءتورت ەلىن­دە تەررورلىق اكتىلەر جاساعان. سيريا ارمياسى كوتەرى­­لىس­شىلەردىڭ باقى­لاۋىن­داعى الەپپو قالاسىنا باسىپ كىرۋگە دايىندالۋدا. وسى­عان بايلانىستى ولار تۇر­عىن­دارعا قالادان قالاي شىعۋ­دىڭ ءتارتىبى كورسەتىلگەن پاراق­شالاردى اۋەدەن تاستاپ جاتىر. اقش پرەزيدەنتى باراك وباما دەموكراتيالىق پار­تيا­­نىڭ سەزىندە سويلەگەن سوزىندە حيللاري كلينتون قۇراما شتاتتار تاريحىندا ەڭ جاقسى پرەزيدەنت بولادى دەپ مالىمدەدى. نەپالدا تاۋ ىشىندەگى جول­­­­­­مەن كەلە جاتقان جولاۋ­شىلار اۆتوبۋسى 100 مەترلىك قۇزعا قۇلادى. سالدارىنان 15 ادام مەرت بولىپ, 35 جولاۋ­­­­شى ءتۇرلى جاراقاتپەن اۋرۋ­­­حا­ناعا جەتكىزىلدى. ينتەرنەت ماتەريالدارى نەگىزىندە ازىرلەندى