فەرمەرلەر تەگىن وقيدى

اۋىل شارۋاشىلىعى مينيسترلىگى قازاقستاننىڭ بارلىق وبلىستارىنداعى فەرمەرلەرگە تەگىن وقىتۋ سەمينارلارىن ۇيىمداستىرادى. وسى بيۋدجەتتىك باعدارلامانى جۇزەگە اسىرۋعا مەملەكەت شامامەن ءبىر ميلليارد تەڭگە كولەمىندە قاراجات ءبولىپ وتىر. بۇل تۋرالى ۇكىمەتتىڭ رەسمي سايتى حابارلادى. باعدارلامانى «اتامەكەن» ۇلتتىق كاسىپكەرلەر پالاتاسى جۇزەگە اسىراتىن بولادى. سول ءۇشىن بيىلعى جىلدىڭ ماۋ­سى­مىن­دا پالاتا ارنايى اگرو­قۇزى­رەتتەر ورتالىعىن قۇردى. وسى ورتالىق ديرەكتورى تولەۋ­تاي راحىمبەكوۆتىڭ ايتۋىن­شا فەر­مەرلەردىڭ نەگىزگى ماسەلەسى اقپارات­ت­ىڭ جەتىسپەۋشىلىگى بولىپ تابىلادى. «ءبىز بارلىق قازاقستان بويىنشا 600 سەمينار وتكىزۋدى جوسپارلاپ وتىرمىز جانە ون مىڭنان استام فەرمەردى قام­تاماسىز ەتەمىز. سەمينار اۋىل شارۋاشىلىق مينيسترلىگى انىق­تاعان نەگىزگى 25 باعىت بويىن­شا وتكىزىلەدى. 13-ءسى مال شارۋا­شىلىعى بويىنشا جانە 12-ءسى وسىمدىك شارۋاشىلىعى بو­يىنشا. نەگىزگى ماسەلەلەردىڭ ءبىرى – اق­پاراتپەن جەتكىلىكتى قامتا­ماسىز ەتپەۋ. بارلىق فەرمەرلەر اۋىل شارۋاشىلىعىنىڭ ماماندارى ەمەس. سونداي-اق, مامانداردىڭ ءوزى ءبىلىمدى ۇنەمى جەتىلدىرىپ وتىرۋ كەرەكتىگىن ايتادى. ءبىزدىڭ فەرمەرلەر بارلىق يننوۆاتسيالىق وڭدەۋدى بىلۋلەرى ءتيىس» – دەدى ت.راحىمبەكوۆ. سونىمەن قاتار, باعدارلاماعا شەتەلدىك 25 مامان اتسالىسۋدا. قازاقستاندىق ءدارىس وقۋشىلاردى ولار سەميناردىڭ ادىسىمەن تانىستىراتىن بولادى. «قاراشا ايىنا دەيىن قازاق­ستاننىڭ بارلىق وبلىس­­­تارىن قامتۋدى جوسپارلاپ وتىر­­مىز. ءبىزدىڭ ماقساتىمىز 10 مىڭ فەرمەردى وقىتىپ قانا قوي­ماي, ولاردى سەمينار بارى­سىن­­دا قازىرگى زامانعا ساي شەشىم­­دەر قابىلداۋعا ۇيرەتۋ. وسىن­داي اۋقىمدى باعدارلاماعا مەم­لە­كەت ميلليارد تەڭگەدەن استام قاراجات ءبولدى» – دەدى ت.راحىمبەكوۆ. ۇكىمەتتىڭ ۆەب-سايتىنىڭ حابارلاۋىنشا, تۇراقتى نەگىزدە اۋىل شارۋاشىلىعى تاۋارلارىن شىعاراتىن وندىرۋشىلەردى قولداۋ جانە ءدارىس بەرۋ ءۇشىن «اتامەكەن» ۇلتتىق كاسىپكەرلەر پالاتاسى www.fermers.kz ينتەرنەت پورتالىن ازىرلەۋگە كىرىسكەن. بارلىق وقىتۋ باعدارلامالارىن ونلاين تۇردە وسى سايتتان الۋعا بولادى. «ەگەمەن-اقپارات»