اقتوبەنىڭ «ارباتى»

وبلىستىق مادەنيەت, مۇراعاتتار جانە قۇ­جاتتاما باسقارماسىنىڭ ۇيىمداستىرۋىمەن تۇڭعىش پرەزيدەنت ن.نازارباەۆ اتىنداعى سايا­باقتا اقتوبەدەگى «ارباتتىڭ» اشىلۋى ءوتتى. «اربات» شىعارماشىلىق ادامداردىڭ – اقىندار مەن سۋرەتشىلەردىڭ, اۆتورلىق ءان ورىن­داۋشىلارىنىڭ, شەبەرلەر مەن كىتاپسۇيەر قاۋىمنىڭ سۇيىكتى الاڭىنا اينالدى. بۇل جەردە سۋرەتشىلەردىڭ, شەبەرلەردىڭ ەڭبەكتەرىن ساتىپ الۋعا, پورترەتكە جەدەل تاپسىرىس بەرۋگە, شەبەرلىك ساعاتىنا  كاتىسۋعا جانە كىتاپ كورمەلەرىن تاماشالاۋعا  مول مۇمكىندىك بار. «ارباتتى» وبلىستىق مادەنيەت, مۇراعاتتار جانە قۇجاتتاما باسقارماسىنىڭ باسشىسى ق.ايتباەۆ اشقاننان سوڭ, كورەرمەندەر «لەستنيتسا» تەاتر-لابوراتورياسى قويعان ينتەرمەديانى قىزىعا تاماشالادى. سونداي-اق, سول كۇنى ساياباقتا «اشىق اسپان استىنداعى كىتاپحانا» جۇمىس ىستەدى, وندا س.بايىشەۆ اتىنداعى اقتوبە وبلىستىق امبەباپ-عى­لىمي, س.جيەنباەۆ اتىنداعى وبلىستىق جاس­وسپىرىمدەر جانە قالالىق كىتاپحانالاردىڭ ۇيىمداستىرۋىمەن ءتۇرلى تاقىرىپتارداعى كوركەم ادەبيەتتەرمەن تانىستى. جىلجىمالى ستەللاجداردا «مادەني مۇرا» مەملەكەتتىك باعدارلاماسى, «وقيتىن ولكە», «ءبىر ەل – ءبىر كىتاپ» اكتسيالارى اياسىندا جارىق  كورگەن  كىتاپتار كورمەگە قويىلدى. بەلگىلى ادامداردىڭ بوس ۋاقىتتى ۇيىمداستىرۋ جانە كىتاپ وقۋدىڭ پايداسى تۋرالى ناقىل سوزدەرى جازىلعان ستەندتەر, كىتاپحانا جۇمىسى تۋرالى ءتۇرلى تاقىرىپتارداعى فوتوستەندتەر وقىرمان نازارىنا ۇسىنىلدى وبلىستىق كىتاپحانا قىزمەتكەرلەرى كىتاپ كورمەلەرىنە شولۋلار جاسادى, تۇراقتى وقىرمان بولۋعا شاقىرعان جارنامالىق بۋك­لەتتەردى تاراتىپ, قازاق اقىندارىنىڭ تۋىندىلارىن مانەرلەپ وقىدى. اقتوبەدەگى «اربات» ءار جۇما, سەنبى كۇندەرى كەشكى ۋاقىتتا اقتوبەلىكتەردىڭ سۇيىكتى الاڭىنا اينالماق. ساتىبالدى ءساۋىرباي, «ەگەمەن قازاقستان» اقتوبە وبلىسى