مۇقاشىدا فورەل وسىرىلەدى

فورەل – لوسوس تۇقىمداس,  ەتى اق, قىزىل, سارعىلت تۇستەس, ادام اعزاسىنا اسا پايدالى, تەڭىزدەر مەن وزەن-كولدەردە وسەتىن, قىمبات ءدامحانالار مەن مەيرامحانالاردا پايلانىلاتىن بالىق. بۇعان دەيىن شىعىستا فورەل بالىعىن وسىرۋمەن بىردە-ءبىر مەكەمە شۇعىلدانباعان. تاياۋدا زايسان اۋدانىندا ءىسساپاردا بولعان كەزىمىزدە بالىقتىڭ اسا قىمبات ءتۇرىن قارابۇلاق اۋىلىنىڭ مۇقاشى تەلىمىندە وسىرە باستاعانىن, ەندى بىرەر ايدان كەيىن ول ساۋدا ورىندارىنا جونەلتىلەتىنىن ەستىپ, بىردەن اتباسىن بالىق ءوسىرىپ جاتقان ازاماتتارعا قاراي  بۇردىق. قولدان جاسالىنعان, قاز-قاتار تىزىلگەن بەتون ناۋالاردا فورەل بالىعى ءبىرىن-ءبىرى قۋىپ اسىر سالىپ ءجۇر. ۇلكەندىگى 30 سانتيمەترگە جەتەتىن فورەل ەندى ەكى ايدان كەيىن ساۋدا ورىندارىنا جونەلتىلە باستاماق. فورەل زاۋىتىنىڭ ديرەكتورى ەرنار كارىباەۆ كوپ سوزگە جوق, تۇيىق ازامات ەكەن. – الماتىنىڭ جانىنداعى تالعار اۋىلىندا اسحات دەگەن ازا­­مات فورەل بالىعىن بىرنەشە جىلدان بەرى ءوسىرىپ, مەيرامحانالارمەن جانە دامحانالارمەن كەلىسىمشارتقا وتىرىپ, ساۋداسىن شالقىتىپ وتىر. فورەلگە سۇرانىس ۇلكەن, سەبەبى, بالىقتىڭ بۇل تۇرىندە ادام اعزاسىنا اسا پايدالى ا,ۆ,س دارۋمەندەرى وتە كوپ. فورەلدى سۋعا ءپىسىرىپ نەمەسە قۋىرىپ جەۋگە بولادى, ءدامى ءتىل ۇيىرەدى. بۇدان ءبىر جىل بۇرىن الماتىلىق ىسكەر ازاماتتاردىڭ قولداۋىمەن مۇقاشىدا فورەل بالىعىن ءوسىرۋدى قولعا الدىق. الماتىلىق فيرما قارجىلاي كومەك جاسادى, ەڭبەك ەتىپ جاتقان 8 ازامات اي سايىن 70-80 مىڭ تەڭگە كولەمىندە جالاقى الۋدا. ونى الماتىلىقتار تولەپ جاتىر. فورەل الماتىدان اكەلىنگەن اكۆاجەمدى عانا جەيدى, وسىرۋگە قولايلى, – دەدى ەرنار ءىنىمىز. ەربول ابەنوۆ دەگەن بالىق ءوسىرىپ جاتقان ازاماتپەن ءتىل­دەستىك. ول قولىنداعى تورعا  بالىق­تاردى تولتىرىپ الىپ بىزگە كورسەتتى. سىرتى بىرنەشە تۇسكە ەنگەن فورەلدەر اۋ ىشىندە سەكىرىپ, ويناقشىپ, اينالاسى ءبىر ءمينوت وتكەندە ءولىپ قالعانداي س ۇلىق ءتۇستى. ءبىزدىڭ تىكسىنىپ قال­عانىمىزدى اڭعارعان ەربول ساساتىن ەمەس, ءبىر بالىقتىڭ باسىن شەرتىپ قالىپ ەدى, ول قايتادان تىرىلە سالدى. قالعان بالىقتاردى سۋعا جىبەرگەنى سول ەدى, ولار دا جان­دانىپ كەتتى. تابيعاتتىڭ بۇل قۇبىلىسىنا تاڭعالدىق. – قازىر زايسان اۋدانىندا 80-نەن استام مەيرامحانالار مەن ءدامحانالار بار. كاسىپكەرلىكپەن شۇعىلداناتىن ازاماتتاردىڭ فورەل بالىعىنا تاپسىرىس بەرەتىنى ءسوزسىز. وسكەمەن مەن سەمەيدەن قازىردىڭ وزىندە تاپسىرىس تۇسە باستاعان سىڭايلى. باقاسۋ اۋىلى­نىڭ ماڭىندا بىرنەشە ازامات سازان بالىعىن جاساندى كولدە ءوسىرىپ جاتىر. ول دا بىرەر ايدان كەيىن ساۋداعا تۇسپەك. ەلباسىنىڭ قازاقستان حالقىنا جولداۋىندا شاعىن جانە ورتا كاسىپكەرلىككە قولداۋ كورسەتۋ جونىندە ناقتى تاپسىرما بەرىلگەن. اۋداندا ەكى مىڭعا تارتا ادام كاسىپكەرلىكپەن شۇعىلدانۋدا. ولارعا اۋدان اكىمى تەمىربەك قاسىمجانوۆ كومەك كورسەتۋدە, – دەيدى اۋداندىق ىشكى ساياسات ءبولىمىنىڭ باسشىسى ز.دۇيسەمباەۆا. زايساننىڭ فورەلى ءوڭىردىڭ باسقا ەلدى مەكەندەرىندە وسىرىلە باستاسا جاڭادان ونداعان ادام جۇمىسپەن قامتاماسىز ەتىلەر ەدى, دەگەن ويدا قالدىق.  وڭداسىن ەلۋباي شىعىس قازاقستان وبلىسى, زايسان اۋدانى