سابانتوي ءوتتى ساۋىقپەن

قاراعاندىداعى ورتالىق ساياباقتا تاتار جانە باشقۇرت حالىقتارىنىڭ ۇلتتىق مەيرامى – سابانتوي تويى ءوتتى. جۇرت جاۋعان جاڭبىرعا قاراماستان ءداستۇرلى مەرەكەنى سوڭىنا دەيىن تاماشالاپ, كوتەرىڭكى كوڭىل-كۇيدە بولدى. سابانتويعا قازاقستانداعى تاتار­ستان رەسپۋبليكاسى وكى­لەتتى وكىلىنىڭ ورىنباسارى ولگا ۋلدانوۆا قاتىسىپ, تاتار­ستان پرەزيدەنتى رۋستام مينني­حانوۆ­تىڭ قۇتتىقتاۋ حاتىن وقىپ بەردى. سونداي-اق, قازان قالاسىنان ارنايى كەلگەن تاتارستاننىڭ ەڭبەك سىڭىرگەن ءارتىسى ايگۇل باريەۆا جيىلعان قاۋىمنىڭ ال­دىن­دا ءان شىرقادى. «ءبىز 1994 جىلدان باستاپ قارا­عان­دىدا سابانتوي مەرەكەسىن ءوت­كىزىپ كەلەمىز. بۇل مەرەكە تاتار مەن باشقۇرت حالقىنىڭ عانا ەمەس, دوس­تىقتىڭ مەرەكەسى. بيىل ءبىز مە­رە­كەنى قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنادىق. ەگەمەندىك العاننان بەرگى جىلدار ارالىعىندا ءبىزدىڭ ەلى­مىز الەۋمەتتىك جانە ەكونو­ميكا­لىق تۇرعىدا قاتتى دامىدى. قول جەت­كىزگەن بۇل تابىستار قوعام­داعى تۇراقتىلىق پەن ۇلتتار ارا­سىن­داعى كەلىسىمنىڭ ارقاسىندا ءمۇم­كىن بولدى», – دەدى شارانى ۇيىم­­داس­تى­رۋشىلاردىڭ ءبىرى, «يحلاس» تاتار-باشقۇرت قوعامدىق ورتا­­لى­عىنىڭ توراعاسى انۆار كەرەيباەۆ. سابانتويدىڭ ءان مەن جىر, بي­مەن وتكەن ويىن-ساۋىعىنا قالا تۇرعىندارى مەن قوناقتارى بالا­لارىمەن كەلىپ, ارنايى ۇيىمداس­تىرىلعان ءتۇرلى شارالارعا بەل­سە­نە قاتىستى.  قايرات ءابىلدينوۆ, «ەگەمەن قازاقستان» قاراعاندى