باتىل بولات

كۇندىز دە, تۇندە دە قوعامدىق ءتارتىپتىڭ بۇزىلماۋىن ءجىتى قاداعالايتىن پوليتسەيلەردىڭ قاتارىندا بولات دۇيسەنوۆ تە بار. ونىڭ بۇل سالاداعى ەڭ­بەك ءوتىلى دە از ەمەس. ىشكى ىستەر دە­پارتامەنتى تاراپىنان بەرى­لەتىن شۇعىل دا جەدەل تاپ­سىر­مالار­دى ۇنەمى تىڭ­عى­لىقتى ورىن­دايدى. سوندىقتان, باس­شى­لار ونى جاۋاپتى ىستەر­دى ات­قارۋعا جۇمسايدى. ول جۇرت­پەن تەز ءتىل دە تابىسا بىلەدى. پوليتسەيلەر ءۇشىن ەڭ قاجەتتىسى – ەلىمىزدىڭ ءتۇرلى زاڭدارىن دا جەتىك بىلەدى. بولات دۇيسەنوۆتىڭ قازىرگى شەنى – پوليتسيا پودپولكوۆنيگى. قازىر ول جەرگىلىكتى پوليتسيا قىز­مەتىندە ەڭبەك ەتەدى. جاڭا­دان قۇرىلعان قۇرىلىم­نىڭ اعا ينسپەكتورى, پوليتسيا پود­پولكوۆنيگى بولات دۇيسەنوۆ جاقىندا پرەزيدەنت جار­لىعىمەن «ەرلىگى ءۇشىن» مەدالى­مەن ماراپاتتالدى. ال بۇل ماراپات وعان نە ءۇشىن بەرىلىپ ەدى؟ ...وتكەن جىلدىڭ 30 ءساۋىرى كۇنى پوليتسيا پودپولكوۆنيگى بولات دۇيسەنوۆ ارىپتەسى مۇرات دەمەگەنوۆپەن كۇندەگىشە تۇسكى اس ءىشىپ, جۇمىس ورنىنا بەت ال­عان ەدى. ولار قىزمەتتىك كولى­گى­مەن جايىق وزەنىنىڭ ازيا بەتى­نە باعىت العان كەزدە توسىن وقيعانىڭ كۋاسى بولدى. كو­پىر جاقتاۋىنان ەر ادامنىڭ جايىق وزەنىنە سەكىرگەنىن كورەدى. ونى بىرەۋ يتەرىپ جىبەردى دەۋگە دە كەلمەيدى. ويتكەنى, وزەنگە سەكىر­گەن ادامنىڭ جانىنان ەشكىم كوز­گە شالىنبادى. پولي­تسەي­لەر كولىك­تى جەدەلدەتىپ جاعا­دا­عى تۇ­راققا قويىپ, ءوز­دەرى وزەن­گە قا­راي جۇگىردى. پولي­­تسيا پود­پول­كوۆ­نيگى بولات دۇيسەنوۆ جايىق­قا ءتۇ­سىپ جۇزە جونەلدى. ارينە, كيىم­مەن ءجۇزۋ وڭاي بولمادى. ماق­سات – سۋداعى بەلگىسىز ادامدى قۇتقارۋ. بالا كۇنىنەن سۋعا ءجۇزۋدىڭ قىر-سىرىن مەڭگەرگەن پوليتسيا پودپولكوۆنيگىنە بۇل قيىنعا سوقپادى. كوكتەمنىڭ سىزى ءالى قايتا قويماسا دا ءاپ-ساتتە وزەن ورتاسىندا سۋعا ءبىر باتىپ, ءبىر شىعىپ جۇرگەن جاندى ۋى­سىنا ءتۇ­سىر­دى. ءسويتىپ, ونى جاعا­عا الىپ شىقتى. قىزمەتتىك كيى­مى­­نەن جايىق وزەنىنىڭ مۇزداي سۋى سور­عالاپ, جاعاعا جەتكەن­گە دە­يىن ارىپتەسى, پوليتسيا پودپول­كوۆنيگى مۇرات دەمە­گەنوۆ «جەدەل جاردەم» شاقى­رىپ ۇلگەردى. «جەدەل جاردەم» بري­گا­داسى جەتكەنشە سۋ­دان قۇت­­قارىل­عان ەر ادامعا العاش­قى دارىگەر­لىك كومەكتى دە وزدەرى كورسەتتى. كەيىننەن بەلگىلى بولعان­داي, جايىق وزەنىنە كوپىردەن سەكىر­گەن جىگىتتىڭ جاسى 32-دە ەكەنى انىقتالدى. جانە ونى ەشكىم سۋعا سەكىرۋگە ءماجبۇر ەتپەگەن بولىپ شىقتى. دەگەنمەن, وردا بۇزار جاستان ەندى عانا اسقان جىگىت جۇيكەسى اۋىراتىندىقتان, ارنايى ەسەپكە الىنىپتى. ونىڭ دەنساۋلىعىنداعى وسى كىناراتى سۋعا سەكىرۋگە سەبەپ بولعان سياقتى. بىراق, قوعامدىق ءتارتىپتىڭ ساقشىلارى كىمدى بولسا دا قورعاۋعا, قۇتقارۋعا دايىن ەكەنىن ءبىلدىردى. اسىرەسە, پوليتسيا پودپولكوۆنيگى بولات دۇيسەنوۆتىڭ سۋعا باتىپ بارا جاتقان جاندى قۇتقارۋداعى باتىلدىعى مەن جانكەشتىلىگى ەسكەرۋسىز قالمادى. وبلىستىق ىشكى ىستەر دەپارتامەنتىنىڭ باسشىلىعى ونى مەملەكەتتىك ماراپاتقا ۇسىندى. جاقىندا دەپارتامەنت باسشىسىنىڭ ءبىرىنشى ورىنباسارى, پوليتسيا پولكوۆنيگى ايان دۇيسەمباەۆ جەكە قۇرامنىڭ الدىندا بەيبىت كۇننىڭ باتىرى بولات دۇيسەنوۆكە «ەرلىگى ءۇشىن» مەدالىن تاپسىردى. جولداسبەك شوپەعۇل, «ەگەمەن قازاقستان» سۋرەتتى تۇسىرگەن راحىم قويلىباەۆ اتىراۋ