22 شىلدە, 2016

استانادا ازىق-ت ۇلىك باعاسىنا قاتىستى مونيتورينگ جۇرگىزىلەدى

384 رەت
كورسەتىلدى
1 مين
وقۋ ءۇشىن
[caption id="attachment_52598" align="aligncenter" width="700"]220716-astana 1 فوتو: astana.gov.kz[/caption] بۇگىن قالا باسشىسى اسەت يسەكەشەۆتىڭ توراعالىعىمەن ازىق-ت ۇلىك باعاسىن تۇراقتاندىرۋ ماسەلەلەرىن تالقىلاۋ بويىنشا كەڭەس ءوتتى. وعان قالالىق وكىلەتتى ورگانداردىڭ, ستاتيستيكا دەپارتامەنتىنىڭ, ۇلتتىق ەكونوميكا مينيسترلىگى تابيعي مونوپوليالار جانە باسەكەلەستىكتى قورعاۋ كوميتەتىنىڭ, «قازاگروماركەتينگ» اكتسيونەرلىك قوعامىنىڭ وكىلدەرى, سونداي-اق, ەلوردانىڭ ءىرى كاسىپورىندارىنىڭ باسشىلارى قاتىستى. كەڭەس بارىسىندا مەملەكەت باسشىسىنىڭ استانا قالاسىندا ازىق-ت ۇلىك ونىمدەرىنىڭ قاۋىپسىزدىگىن قامتاماسىز ەتۋ جونىندەگى تاپسىرماسىن ورىنداۋعا باعىتتالعان شارالار تالقىلاندى. اسەت يسەكەشەۆ الەۋمەتتىك-ماڭىزدى تاۋارلاردىڭ, سونىڭ ىشىندە نان, جارما جانە قانتتىڭ باعاسىن ۇستاپ قالۋعا باعىتتالعان بىرقاتار ناقتى تاپسىرمالار بەردى. كۇن سايىن اۋىل شارۋاشىلىعى ونىمدەرىنىڭ جارمەڭكەسىن وتكىزۋ, ساۋدا ورىندارىنىڭ سانىن ارتتىرۋ, اۆتودۇكەندەر اشۋ تۋرالى شەشىم قابىلداندى. وسىعان بايلانىستى ەلىمىزدىڭ بىرقاتار وڭىرلەرىمەن اۋىلشارۋاشىلىق ونىمدەرىن تىكەلەي جەتكىزۋ تۋرالى كەلىسىمگە قول جەتكىزىلدى. سونىمەن قاتار, قالا باسشىسى ازىق-ت ۇلىك تاسىمالداۋشى كولىكتەرگە «جاسىل ءدالىزدى» قامتاماسىز ەتۋگە تاپسىرما بەردى. جارمەڭكەدە ساتىلاتىن ونىمدەر اسسورتيمەنتى دە كەڭەيتىلمەك. ەت جانە ءسۇت ونىمدەرىن تەكسەرۋگە ارنالعان ءموبيلدى زەرتحانالار ورناتىلادى. قالالىق اكىمدىكتىڭ وكىلدەرى جارمەڭكەلەردەگى باعانى ۇدايى باقىلاۋدا ۇستايدى. ال اتالعان كوميتەت تۇراقتى تۇردە مونيتورينگ جۇرگىزەتىن بولادى. وسى ماسەلە بويىنشا قابىلداناتىن شارالاردى ۇيلەستىرۋ ءۇشىن استانا قالاسى اكىمىنىڭ ورىنباسارى اندرەي لۋكيننىڭ جەتەكشىلىگىمەن جەدەل شتاب قۇرىلدى. ەلوردادا ازىق-ت ۇلىك قاۋىپسىزدىگىن قامتاماسىز ەتۋ ماسەلەسى قالا باسشىسىنىڭ جەكە باقىلاۋىنا الىندى. ايان ءابدۋالي
سوڭعى جاڭالىقتار