انالارىنا اليمەنت تولەيتىن بولدى

قارتايعان اكەسىن, نە كارى شەشەسىن قارت­تار ۇيىنە تاپسىرۋ, ءتىپتى ولاردىڭ ءۇيىن تار­تىپ الىپ, ءوز­دە­رىن قاڭعىتىپ ءجى­بە­رۋ سەكىلدى كو­ڭىلگە قاياۋ تۇسىرەر جاع­­داي­لار اراكىدىك كو­رى­نىپ قالادى. بۇدان ءبى­راز جىل بۇرىن كوك­شە­تاۋدا زيالى قاۋىم وكىلى قارتايعان اكە­سىن ەسى اۋىسقان دەپ جىن­دىحاناعا كۇشپەن اپارىپ تاستاپ كەتكەنى تۋ­رالى اقپارات قۇرال­دارى شەتىنەن جارىسا جازدى. دەگەنمەن, اكەسىنەن وسىلاي قۇ­تىلماق بولعان الگىنىڭ ويى ورىندالماي, مە­ديتسينالىق ساراپ­تاما بارىسىندا قاريا­نىڭ اقىل-ەسىنىڭ دۇرىس­تىعى انىقتالىپ, جىندىحانادان شى­عارىلدى. اشۋعا بە­رىلگەن قاريا وسىدان كەيىن تۋعان بالاسىن سوتقا بەرىپ, ار-وجدان شىعىنىن تالاپ ەتكەنى بار. سۇمدىق ەمەس پە! ار-ۇياتتان بەزگەن با­لالارىمەن سوتتاسقان مۇنداي وقي­عالار قازىر دە بوي كورسەتىپ قالۋدا. تاياۋدا ەڭبەكشىلدەر اۋداندىق سوتىندا ءتورت بالاسى بار ءى توپ­تاعى مۇگەدەك قا­ريانىڭ شاعىمى بويىنشا ازاماتتىق ءىس قارالدى. ءوز وتباستارىن قۇرعان بالالارى قارت اناسىن تاعدىر تالكەگىنە تاستاپ, باس قامىن كۇيتتەپ كەتكەن. قانت ديابەتىمەن اۋىراتىن, وعان قوسا كورۋ قابىلەتى ناشارلاعان قاريا ازىن-اۋلاق زەي­نەتاقىسىمەن جان باعۋ قيىنداعان سوڭ امالسىز سوتقا شاعىمدانىپتى. بالالارىنىڭ الدى 50-دەن اسسا, سوڭى قىرىق­تىڭ قىرقاسىندا. ءبارى جۇمىس ىستەيدى, تۇر­مىستارى جامان ەمەس. سولاي بولا تۇرا قار­تايعان اتا-انالارىنا ءمۇل­­دەم قاراسپايتىن بولعان. سونان, نەسىن ايتاسىز, اۋدان­دىق سوتتىڭ شەشىمىمەن قاريانىڭ ءتورت بالاسى انالارىنا اي سايىن 5 ەسەپتىك كورسەتكىش كولەمىندە جاردەماقى تولەپ وتىراتىن بولدى. باقبەرگەن امالبەك, «ەگەمەن قازاقستان» اقمولا وبلىسى