«بىلعارى دوپ» قاراعاندىلىق بالاقايلارعا بۇيىردى

بيىلعى «Coca-Cola بىلعارى دوپ» بالالار-جاسوسپىرىمدەر ءتۋرنيرى قازاق فۋتبولىنىڭ وتانى سانالاتىن سەمەي قالاسىندا ءوتتى. ءتۋرنيردىڭ بالدىرعان با­لا­لارعا ارنالعان ويىندارى سەمەيدەگى «تۋريست» جانە «تسە­مەنتنيك» سپورتتىق نىسان الاڭ­دارىندا, ال فينالدىق جەك­پە-جەك «سپارتاك» ستاديونىندا ۇيىمداستىرىلدى. وسى جولى «Coca-Cola بىل­عارى دوپ» ءتۋرنيرىنىڭ باس جۇلدەسىن قاراعاندى جانە اتىراۋ وبلىستارىنىڭ بالعىن فۋتبولشىلارى فينالدىق كەزدەسۋدە ءوزارا ساراپقا سالدى. تارتىستى وتكەن ويىننىڭ نەگىزگى ۋاقىتى 1:1 ەسەبىمەن تەڭ اياقتالدى. ال كەزدەسۋدەن كەيىنگى جەڭىمپازدى انىقتاعان پەنالتي سەرياسىنىڭ ناتيجەسىندە قاراعاندىلىق جاس فۋتبولشىلاردىڭ باعى جاندى. قورىتىندى ەسەپ – 6:5. جارىستىڭ ماراپاتتاۋ ءراسى­مىنە ەلىمىزدىڭ تانىمال فۋتبولشىسى, ءوزىنىڭ سپورتتىق مانسابىن سەمەيدىڭ «ەلىم-اي» كومانداسىندا باستاعان, ەۋروپا چەمپيوناتىنىڭ ىرىكتەۋ ويىندارى اياسىندا قازاقستان قۇرا­ماسىنىڭ العاشقى گولىن سوققان اندرەي كارپوۆيچ قاتىستى. جالپى بۇل تۋرنيرگە جىل سا­يى­ن ەلىمىزدەگى 6200 مەكتەپتىڭ 400 مىڭنان استام وقۋشىسى قاتىسادى. ءوزىنىڭ ون جىلدىق تاري­حىندا «Coca-Cola بىلعارى دوپ» جارىسىندا جاسىل الاڭ ءۇستىن­دە ءبىر ميلليوننان اسا بالا دوپ تەۋىپتى. قايرات ءابىلدينوۆ, «ەگەمەن قازاقستان» قاراعاندى