الماتىدا اقجاۋىن 6 كۇن جاۋادى

توتەنشە جاعدايلار جونىندەگى دەپارتامەنتتىڭ «112 قىزمەتى» قالا تۇرعىندارىنا وسىنداي حابارلاما تاراتتى جاز ايىنىڭ العاشقى كۇنىنەن توقتاۋسىز جاۋىپ, توپەلەپ ۇرعان نوسەردەن ءابدان زارەزاپ بولعان الماتىلىقتار سوڭعى ءبىر-ەكى اپتادا كۇننىڭ شۋاعىنا شومىلىپ, سۋ بۇرقاقتاردى جاعالاپ, كۇنگە قىزدىرىنىپ, جادىراپ قالعان. كەشە ءتۇس اۋا «112»-دەن تۇسكەن الماتى وزەندەرىنىڭ تاسۋى مەن داۋىل تۇرۋ قاۋپى بار دەگەن حابار قالا تۇرعىندارىنىڭ جادىراعان كوڭىلىن سۋ سەپكەندەي باستى.  ويتكەنى, سوڭعى كەزدە «قازگيدرومەت» ورتالىعى دا قاتەلەسپەيدى ءارى ايتقانى ايداي ءدال كەلەتىن بولىپ الدى. الاتاۋدى اۋىر  بۇلتتار تۇمشالاعانى سول-اق ەكەن,  اۋا رايىن بولجاۋشىلار  بۇل جاۋىننىڭ الماتىدا اپتا بويى سىركىرەيتىنىن جانە ەسكەرتتى. قالانى قاق جارىپ اعاتىن ۇلكەن الماتى, كىشى الماتى جانە ەسەنتاي وزەندەرىنىڭ سۋى بىردەن قارا قوشقىلدانىپ اعا باستادى. تجد قالا ماڭىنداعى وزەندەردىڭ تاسىپ سەل جۇرەتىندىگى تۋرالى ەسكەرتۋى دە تۇرعىنداردى ساقتاندىرىپ وتىر. حالىق وسىدان ءبىر جىل بۇ­رىنعى ناۋرىزباي اۋدانىندا ءدال وسى ماۋسىمدا سەل جۇرگەنىن دە ۇمىتقان جوق. قالاي دەگەندە دە تابيعاتتىڭ توسىن مىنەزىنە قارسى تۇرۋعا الماتىلىقتار دا, تجد مەن قۇتقارۋشىلار دا بەيىمدەلىپ الدى, تابيعاتتىڭ توسىن قۇبىلىسىنا توتەپ بەرۋگە اركەزدە دە دايىن. قاجەتتى تەحنيكا ساقاداي-ساي ءازىر. ءبىر قۋانارلىعى بۇعان دەيىن الماتى قالاسىنىڭ ارىق-اتىز­دارىنىڭ بارلىعى دەرلىك كۇل-قوقىستان تازالانىپ ۇلگەرگەن. بارلىق كوشەنى بويلاپ سىلدىراپ اققان تاۋ وزەندەرىنىڭ تارام-تارام ءبولىنىپ ارىق قۋالاپ اققان اعىن سۋىنا كەدەرگى دە, توسقاۋىل دا جوق... تالعات ءسۇيىنباي, «ەگەمەن قازاقستان» الماتى