نۇرسۇلتان نازارباەۆ: «...مەن دە سپورتشىلارىمىز ءۇشىن الاڭدادىم»

بارشامىزدىڭ ەلجاندى­لىعى­مىز­دى وياتىپ, جانكۇيەر ەكەندىگىمىزدى سەزىندىرىپ, جاسوسپىرىمدەردى سپورت دەگەن سيقىرلى الەمگە جە­تەلەۋگە سەپ بولىپ جاتقان اق ازيادا دا اياقتالدى. كەشە ال­ما­تىدا مەملەكەت باسشىسى نۇر­سۇل­تان نازارباەۆ 2011 جىلعى 7-ءشى قىسقى ازيا ويىندارىنا قاتىسۋشىلارمەن – قازاقستاندىق سپورتشىلارمەن كەزدەستى. دۇنيەنىڭ ءار شارتارابىندا ءجۇر­­گەن تالاي سپورت دودالارىندا جىگەرىمىز جاسىپ, قايراتىمىز قۇم­داي ۇگىلگەن كەزدەردىڭ دە بول­عانىن ۇم­ىتپاعان ءجون بولار. باس­قاسىن ايت­پاعاندا, ەلباسى 2004 جىلى افينادان ورالعان سپورت­شىلا­رى­مىز­دى قا­بىلداپ تۇرىپ: «افينا ول­يم­پيا­داسىنان ءبىز قورىتىندى جا­سا­ۋىمىز كەرەك», دەگەنى دە كەشە عانا سياقتى ەدى. ال وسىدان جەتى جىل بۇرىن 7-ءشى اق ازيادانى ءوت­كىزەتىنىمىزدى بىلدىك پە؟ 70 بىردەي جۇلدەنى قا­زاقستان سپور­تىنىڭ ومىراۋىنا تاعاتىنىمىزدى بولجادىق پا؟ سول جىلى ەلباسى جەڭىمپاز­دارعا سپورتتىڭ اتى – سپورت ەكەندىگىن ايتىپ, ونىڭ دا قال­تا­رىس­تارى بولاتىنى جايلى, سپورت­شى­لارىمىزدىڭ قاتەلىكتەرى تۋرالى وي ساراپتاي كەلە: «...قىسقى وليم­پيادالارعا ازىرلىكتى قىزۋ ءجۇر­گىزۋ كەرەك. سپورتشىلاردى داي­ىنداۋ ءالسىز بولىپ وتىر. ول­يم­پيادا جۇلدەگەرلەرىن دايىن­داۋ­عا ءاربىر وبلىس ۇلەس قوسۋى قاجەت. ەلىمىزدە بارلىق ستاديوندار قالپىنا كەلتىرىلىپ جاتىر. سوڭعى وليمپيادادان ءبىز قورى­تىندى جاساۋىمىز كەرەك. سپورت اگەنتتىگى (ول كەزدە سپورت اگەنتتىگى) قورىتىندى جا­ساۋى كەرەك», دەگەنى سول ساتكە كۋا بولعان ءبىزدىڭ قۇلاعىمىزدا كۇمبىر­لەپ تۇرعان­داي بولاتىن. ەندى, مىنە, اراعا ساناۋلى جىل­دار عانا سالىپ, ەلباسىنىڭ سول تاپسىرماسى, دىتتەگەن ماقسا­تى اقيقاتقا اينالدى! تاۋەل­سىز­دىگىمىز تۇعىرلانىپ, تاريح ءوزىنىڭ جاڭا بەتتەرىن اشۋدا. قازاق­ستان­نىڭ, قازاق حالقىنىڭ جاڭا ءداۋىرى باستالدى. بۇل سىباعالى ۇلەس قازاق سپورتىنا دا تيەسىلى ەكەندىگىن تورتكۇل دۇنيە تانىپ كەلەدى. وسىلايشا 7-ءشى قىسقى ازيا ويىندارىندا كۇش-قۋاتتارىن عا­نا ەمەس, حالقىمىزدىڭ نامىسىن دا بايگەگە سالىپ, مارەگە ابى­روي­مەن كەلگەن سپورتشىلارعا ەلباسى: – كوماندالىق ەسەپتەگى جانە مەدالدار سانى بويىنشا مۇنداي جارقىن دا ۇزدىك جەڭىس بىزدە بۇعان دەيىن ەشقاشان بولعان ەمەس. بۇل قازاقستاندىق سپورتتىڭ ناعىز سال­تاناتى! بۇل ءبىزدىڭ ەلىمىزدىڭ سال­تاناتى! بارشا ەلىمىز ءبىزدىڭ اتلەتتەرىمىزگە جانكۇيەر بولدى. قازاق­ستاندىقتارمەن بىرگە مەن دە ءبىز­دىڭ سپورتشىلارىمىز ءۇشىن الاڭ­دا­دىم. سان رەت شىرقالعان مەملەكەتتىك ءانۇرانىمىزدىڭ جەڭىستى اۋەنىمەن ەلىمىز بولىپ بىرگە تول­قىدىق. ءبىزدىڭ ءبارىمىز دە جەڭىستى كۇتتىك, ءۇمىتىمىز اقتالىپ, تابىسقا قول جەتكىزدىك, – دەدى ەلباسى سپورتشىلارعا. پرەزيدەنت سونداي-اق ازيا وي­ىندارى وليمپيادالىق ويىندار­دان كەيىنگى ەكىنشى ءىرى كەشەندى جارىس بولىپ تابىلاتىنىن اتاپ كورسەتتى. بۇعان دەيىن قىسقى ازيا ويىندارىن ۇيىمداستىرۋدى تەك ەكونوميكاسى قۋاتتى ءۇش مەملەكەت: جاپونيا, قىتاي جانە وڭ­تۇستىك كورەيا عانا قولعا الدى. ەندى ولاردىڭ قاتارىنا قازاقستان قوسىلدى. ازيادانىڭ قارساڭىندا كوپتەگەن جاڭا بىرەگەي سپورتتىق عيماراتتار سالىندى. قازاقستان كۇللى الەمگە ەقىۇ, شىۇ, اوسشك سامميتتەرى نەمەسە ءدىن كوشباسشىلارى سەزدەرى ءتارىزدى ءىرى حالىقارالىق فورۋمداردى ءوت­كىزە الاتىنىن عانا ەمەس, سونداي-اق قاتىسۋشىلارى مەن سپورت­شى­لارى جاعىنان سانى كوپ, جوعارى حالىقارالىق دەڭگەيدەگى سپورت­تىق ويىنداردى دا وتكىزە الا­تىنىن كورسەتتى, دەدى. – حالىقارالىق وليمپيادا كوميتەتىنىڭ توراعاسى جاك روگگەمەن كەزدەسۋىم كەزىندە مەن 2022 جىلعى قىسقى وليمپيا ويىن­دا­رىن قازاقستاندا وتكىزۋ مۇمكىن­دىگىن تالقىلادىم. ازيادانى تا­بىستى وتكىزگەننەن كەيىن جانە ءبىز­دىڭ ءىرى جەڭىسىمىزدەن سوڭ قازاق­ستاننىڭ مۇمكىندىگى ارتا تۇسەدى دەپ سەنەمىن, – دەگەن مەملەكەت باسشىسى جارىس دەسە دەلەبەسى قوزار سپورتسۇيەر قاۋىمنىڭ ءۇمى­تىن ۇكىلەي ءتۇستى. شەتەلدىك قوناق­تار ازيادانىڭ جوعارى دەڭگەيدە وتكەنىنە, ولارعا جىلى شىرايلى قابىلداۋلار مەن قوناقجايلىق كور­سەتىلگەنىنە, قىزمەت كورسەتۋ دەڭگەيى جوعارى بولعانىنا جانە قازاقستاندىقتاردىڭ مادەنيەتىنە تاڭدانىس ءبىلدىرىستى. ولاردىڭ ەس­ىندە ازيادانىڭ استاناداعى اشى­لۋ جانە الماتىداعى جابىلۋ سال­تاناتتارى جاقسى ساقتالىپ قال­ماق. بۇل ەكى قالانى ەندى ازيا قۇرلىعىنداعى جاڭا سپورتتىق استانالار, الەمدىك دەڭگەيدەگى جا­رىستار مەن قىسقى سپورت تۇرلەرى بويىنشا جاتتىعۋ جيىندارىن ءوت­كىزۋدىڭ ورتالىقتارى دەپ اتاۋعا قۇقىمىز بار. سپورتتىق الەۋەتكە قول جەتكىزىلۋى ەلىمىزدە بۇقارالىق سپورتتىڭ دامۋ قارقىنىن ارتتى­رۋ­عا جانە بيىك جەتىستىكتەرگە جەتۋگە, ازيادا جەڭىمپازدارىنىڭ جە­ڭىستى جولىن لايىقتى جالعاس­تىراتىن, قازاقستاندا سپورتشى­لاردىڭ جاڭا تولقىنىن تاربيە­لەۋگە ىقپال ەتەتىن بولادى. ءسىز­دەردىڭ باستى ەڭبەكتەرىڭىز – وس­ىندا. جەڭىسكە جەتۋگە بارىن سال­عان سپورتشىلار, جاتتىقتى­رۋ­شى­لار, كوماندانىڭ بارلىق مامان­دارىنىڭ ەڭبەگى زور. سىزدەردىڭ بارلىعىڭىزدى 7-ءشى قىسقى ازيا ويىندارىنداعى جەڭىسپەن تاعى دا قۇتتىقتايمىن! مينيستر دوسمۇ­حامەدوۆ باستاعان قازاقستاننىڭ تۋريزم جانە سپورت مينيستر­لى­گى­نىڭ قىزمەتكەرلەرىنە, استانا مەن الماتى قالالارىنىڭ اكىمدەرىنە ءوز العىسىمدى ايتامىن. ازياداعا قاتىسقان بارلىق قازاقستاندىق­تاردىڭ ۇلەسىن باعالاماۋ مۇمكىن ەمەس. ءبىزدىڭ سپورتشىلار جەڭدى. قازاقستان سپورتى جەڭدى. ەلىمىز جەڭدى. راحمەت سىزدەرگە! اق ازيادادا ەل بايراعىن ءبىر كەزدە تۇسىرمەگەن سپورت مايتال­ماندارى دا سپورت شەجىرەسىندەگى تاريحي ساتتە مەملەكەت باسشى­سىنا قازاقستاندا ۇلكەن سپورتتى بەلسەندى دامىتقانى, بىرەگەي سپورت­تىق نىسانداردىڭ قۇرىلىسى ءۇشىن, سونداي-اق رەكوردتار جاساۋدا جانە التىن مەدالدار جەڭىپ الۋدا حالىقارالىق سپورتتىق جا­رىستارعا قاتىسۋعا مۇمكىندىك تۋ­عىزعانى ءۇشىن شىن جۇرەكتەن ال­عىستارىن ايتتى. ايناش ەسالي.