«الاش» پورتالى اشىقتىقتى قامتاماسىز ەتەدى

ەلىمىزدەگى مۇناي-گاز نارىعىنداعى ساۋدادا اشىقتىق پەن مولدىرلىكتى قامتاماسىز ەتۋ ءۇشىن  «الاش» اتتى جاڭا پورتال اشىلدى. ول جونىندە ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مۇنايسەرۆيس كومپانيالار وداعىنىڭ تورالقا توراعاسى راشيد جاقسىلىقوۆ ايتتى. بريفينگكە بىرقاتار جاڭا­لىقتارمەن كەلىپ وتىرعاندارىن ايتقان تورالقا توراعاسى, «الاش» پورتالى مۇناي-گاز سالاسىن­داعى كومپانيالارعا جاڭا مۇمكىن­دىكتەردىڭ جولىن اشاتىنىن جەت­كىزدى. «مۇناي-گاز سالاسى ەل ەكو­نوميكاسىندا ۇلكەن ءرول اتقارا­تىنىن, سونداي-اق, ونداعى اقشا اينالىمىنىڭ اسا قوماقتى ەكەنىن دە جاقسى بىلەسىزدەر. سوندىقتان, بۇل سالانىڭ كەرەكتى دەڭگەيدە العا جىلجۋى ءۇشىن اشىقتىق پەن ءمول­دىرلىك اسا قاجەت. مىسالى, «تەڭىز­شەۆرويل» كومپانياسى ءوزىنىڭ بولا­شاق دامۋ باعدارلاماسىن جاريا­لادى. مىنە, وسى باعدارلاما بويىنشا اينالىمعا تۇسەتىن قار­جى­نىڭ كولەمى 37 ملرد. اقش دول­لارىنان اسىپ جىعىلماق. ال اقسايداعى كپو كومپانياسى 10 ملرد. اقش دوللارىنا تەڭ جوبانى ىسكە اسىرماقشى. وسىناۋ مول قاراجات جۇمسالاتىن سالالار جونىندە اشىق اقپاراتتار بولسا, ونداعى جۇمىستاردىڭ بارىنشا قارقىن الاتىنى ءمالىم», دەدى ر.جاقسىلىقوۆ. ونىڭ ايتۋىنا قاراعاندا, وسى كەزەڭدە مۇناي-گاز سالاسىندا ساتىپ الۋ ۇدەرىستەرىنىڭ 70 پايىز­دان استامى جابىق جاعدايدا وتەدى ەكەن. بۇعان قوسا ول بۇگىنگى كۇندە جەر قويناۋىن پايدالانۋ­شى­لاردى ءۇش توپقا ءبولىپ قاراس­تىرۋعا بولاتىنىنا نازار اۋدارتتى. «ءبىرىنشى توپقا «قازمۇنايگاز» كومپانياسىنىڭ توبىنا كىرەتىن جەر قويناۋىن پايدالانۋشىلار جاتادى. ولاردىڭ بىلتىرعى ساتىپ الۋعا جۇمساعان قاراجاتىنىڭ كولەمى 160 ملرد. تەڭگەنى قۇراعان. ەكىنشى توپقا «تەڭىزشەۆرويل», «قازاقستان پەترولەۋم وپەرەيتينگ», «NCOC», جانە «ماەرسك ويل قازاقستان» كومپانيالارىنىڭ تۇراقتى كەلىسىمشارتتارىنا قوسىلعان كومپانيالار كىرەدى. بۇل توپتىڭ وتكەن جىلعى ساتىپ الۋلارعا جۇمساعان قارجىسى 988 ملرد. تەڭگەگە تەڭ بولدى. ال ءۇشىنشى توپقا تاۋارلار, جۇمىس جانە قىزمەت رەەسترى ارقىلى ساتىپ الۋعا قاتىساتىن جەكە كومپانيالار توبى جاتادى. بۇل توپ بىلتىرعى جىلى ساتىپ الۋعا 208 ملرد. تەڭگە جۇمساعان. وسى اقپاراتتاردىڭ ءاربىرى اشىق تا ءمولدىر بولسا دەگەن نيەتپەن «الاش» پورتالى اشىلىپ وتىر», دەدى تورالقا توراعاسى. ءوز كەزەگىندە اقپاراتتىق جوبانى ازىرلەۋشى «الگوريتم» كوم­پا­نياسىنىڭ ساۋدا جونىندەگى ديرەك­تورى مارك لويە  «الاش» مۇناي-گاز نارى­عىنداعى جاڭا مۇمكىندىكتەر پور­تالىنا قازاقستاندىق كومپانيالار تەگىن تىركەلە الاتىنىن جەتكىزدى. «الاش» پورتالىنا قازاق­ستاندىق كومپانيالار تەگىن ءتىر­كە­لىپ, بىلىكتىلىگى تۋرالى انىقتاما الىپ, ءىرى مۇناي-گاز جوبالارىنا كەدەرگىسىز قاتىسۋىنا بولادى. «الاش» دەرەكتەر قورى بازاسى تاپ­سىرىس بەرۋشى وپەراتورلار, مەردى­گەرلەرمەن تاۋار مەن قىزمەت ءتۇرىن جەتكىزۋشىلەردى بايلانىستىراتىن تەڭدەسى جوق جوبا», دەدى م.لويە. ونىڭ ايتۋىنشا, پورتال ءۇش تىلدە – قازاق, ورىس, اعىلشىن ءتىل­دەرىندە بولادى. مالىمەتتەر ءۇش تىلدە بىردەي شىعىپ وتىرادى. قا­زاق­­ستاندىق كومپانيالار تەگىن تىركەل­سە, شەتەلدىك كومپانيالارعا اقى­لى تۇردە قىزمەت كورسەتىلەدى. پورتالعا تىركەلۋ وڭاي ءارى جىلدام. باستىسى, قاجەتتى قۇجاتتار دۇرىس بولسا بولعانى. نۇرباي ەلمۇراتوۆ, «ەگەمەن قازاقستان»