ۋلترامارافونشى دين كارنازەس

  525 شاقىرىمدى جۇگىرىپ ءوتتى قازاق كەلگەن قوناعىن: «ءدام ايداپ كەلىپ قالىپسىز», دەپ قارسى الىپ جاتادى عوي. سونداي جانداردىڭ ءبىرى – امەريكالىق جۇيرىك دين كار­نازەس 10 شىلدە كۇنى ۇلى جىبەك جولى بويىمەن تاشكەنتتەن بىشكەك ارقىلى الماتىعا جەلدەي ەسىپ جۇگىرىپ جەتتى. ونىڭ 525 شاقىرىمدىق ۋل­ترا­ماروفوننىڭ سوڭعى 25 شا­قىرىمىنا شىن جۇيرىكتى كورىپ, دەلەبەلەرى قوزعان ال­ماتى تۇرعىندارى دا قو­سىلىپ, قوشەمەتتەپ كەتتى. ۋلترا دەگەن ءسوزدىڭ ما­عىناسى ساندىق, ساپالىق بەلگىلەرى بويىنشا ارتىق, شەكتەن تىس دەگەن ماعىنانى بىلدىرسە, دين كارنازەس شىن جۇيرىك ەكەنىن جالپاق جۇرتقا مويىنداتىپ قويعان. ول 2005 جىلى 560 شاقىرىمدى 80 ساعات 44 مينۋتتا ۇيىقتاماي جۇگىرىپ وتكەن. دەدەكتەپ زىر جۇگىرۋدەن قانداي ءلاززات ال­دى؟ ونى قاس جۇيرىك ءوزىنىڭ: «ءتۇنى بويى كوز ىلمەي جۇگىر­گەن جۇيرىكتىڭ قۇپياسى» دەگەن كىتابىندا ەگجەي-تەگجەيلى جازادى. ونىڭ تاعدىرىنا جۇگىرۋ ءاۋ باستان-اق جازىلىپ قويىلعان سەكىلدى. بالاباقشادان ۇيىنە كەكىلى جەلكىلدەپ قاس پەن كوز­دىڭ اراسىندا جەتىپ كەلەتىن. ەسەيە كەلە كۇن-ءتۇن تىنباي جۇگىرەتىن ادەت تاپقان. 3-سىنىپتا بالالار اراسىنداعى جۇگىرۋدى ۇيىمداستىرىپ, 11 جاسىندا امەريكانىڭ ۋيتين تاۋىنا شىققان. العا قويعان مۇراتى مەن تالابى زور جەلاياققا جاقسى ۇستاز جولىعادى. دجەك ماك تەۆيش ونىڭ بويىنداعى تاڭ­عاجايىپ تالانتتىڭ اشى­­­لۋىنا تۇرتكى بولدى. «ءجۇ­گىرۋگە جۇرەگىڭمەن بە­رىل!». ۇس­تازىنىڭ وسى ءسوزى 54 جاس­تاعى سپورتشىعا ءدال قازىر ايتىلىپ تۇرعانداي سە­زىلەدى. 2006 جىلى «50 كۇن. 50 شتات. 50 مارافون» جوباسى دين كارنازەستىڭ اتىن الەمگە تانىتتى. ول تۋرالى كوركەم فيلم ءتۇسىرىلدى. وسى اقپاراتتاردى 10 ءشىل­­دە كۇنى تۇران ۋني­­ۆەر­سيتەتىندەگى كەزدەسۋدە ءسوز­دەرىنە ءازىل ارالاستىرا وتى­رىپ جينالعاندارعا ايتىپ بەردى. تۋمىسىنان ازىلقوي دين: «ءسىزدىڭ ايەلىڭىز دە جۇگىرە مە؟» دەگەن ساۋالعا: «جۇگىرەدى, ءبى­راق قاتتى قو­رىققان كەزدە», دەگەن جاۋابىنا زالداعىلار دۋ قول شاپالاقتاۋمەن جاۋاپ قات­تى. ايتا كەتەيىك, وسى شارانى ۇيىمداستىرعان اقش-تىڭ الماتى قالاسىنداعى كونسۋلدىعى بارلىق ءىستىڭ تيا­ناقتى اتقارىلۋىنا ۇلكەن ۇلەس قوستى. مۇنداي كوپكە ۇلگىلى, ۇنامدى ونەر يەسى ءوز ما­مان­دىعى بويىنشا دا تابىس­تى ەڭبەك ەتەدى. ءوزى نەگىزىن قالاعان تازا تاماق ونىمدەرىن ساتاتىن كومپانياسى, مۇز­داتىلعان يوگۋرتتىڭ ءتۇر-ءتۇ­رىن ساتاتىن ۇلكەن دۇكەنى بار ەكەن. نەسى بار, ءبارى دە ىزدەنىس پەن ەڭبەگىنىڭ, تاعدىر بەرگەن باعىنىڭ جەمىسى دەر ەدىك! جانىبەك قويتاي, قازۇۋ-دىڭ 2-كۋرس ستۋدەنتى الماتى