ەلىمىزگە ارتىلعان زور سەنىم

  ەلباسىمىزدىڭ ادام­زاتقا بەيبىت ءومىر تىلەگەن ىزگى نيەتى بۇۇ تاراپى­نان وڭ قولداۋ تاۋىپ وتىر. بۇعان ەلىمىزدىڭ بۇۇ قاۋىپ­سىزدىك كەڭەسىنىڭ تۇراقتى ەمەس مۇشە­لىگىنە سايلانۋى دالەل بولا الادى. ال­داعى ەكى جىل بويى «الەم. ءححى عاسىر» اتتى مانيفەسىندە كوتەرىلگەن ماسە­لەلەردىڭ شەشىمىن تابۋىنا جول اشىل­ماق. قازاقستان تاراپىنان ەلدەردى ءبىر-بىرىمەن جاۋلاستىرعان لاڭكەستىك ارە­كەتتەر مەن وزگە قىر­عي-قاباق كوزقا­راس­تاردىڭ الدىن الۋعا تالپىنىس جاسالا­دى. ارينە, بەيبىتشىلىكتى قالايتىن بار­شا ەلدىڭ باسشىلارى, ساراپشىلار مەن عالىمدار دا, ءتىپتى بيزنەسمەندەر مەن ونەر قايراتكەرلەرى دە, سان ميل­ليونداعان ادامداردىڭ ءبارى دە الەم­نىڭ تىنىشتىعى ءۇشىن ءبىر مۇددەگە توعىسادى. قازاقستاننىڭ بەي­­بىت­شىلىكتى ساقتاۋ جو­لى­ن­داعى بايىپتى باس­تامالارى مەن تابان­دى ىزدەنىستەرىن قول­دايدى. ويتكەنى, ەلباسى ءوز مانيفەسىندە «ءبىز بالالارىمىز بەن نەمە­رە­لەرىمىزدىڭ بولا­شاعى تۋرالى ويلاۋعا ءتيىسپىز. وتكەن عاسىرلاردىڭ قاسىرەتتى قاتەلىكتەرىن قاي­تالاۋعا جول بەرمەي, الەمدى سوعىس قاتەرىنەن تۇپكىلىكتى ارىلتۋ ءۇشىن بۇكىل الەم ۇكىمەتتەرىنىڭ, ساياساتكەرلەرىنىڭ, عالىم­دارى­نىڭ, بيزنەسمەندەرىنىڭ, ونەر قايراتكەرلەرىنىڭ جانە ميلليون­داعان ادامدارىنىڭ كۇش-جىگەرىن جۇمىلدىرۋ قاجەت. ءىس-ارەكەتسىز وتىرۋ نەمەسە بىتىمگەرشىلىك قىزمەتپەن اينالىسقان كەيىپ كورسەتۋ الەمدىك اپاتپەن بارابار» دەپ جاھان جۇرتىنا ۇندەۋ تاستاعان ەدى. قازاقستاندى يادرولىق قارۋسىز مەم­لەكەتكە اينالدىرىپ, الەمدىك كوش­باسشىلاردىڭ بارلىعىنا ۇلگى-ونەگە كورسەتكەن نۇرسۇلتان نازارباەۆ «ءبىز­دەر, مەملەكەت باسشىلارى مەن ساياساتكەرلەر, ادامزاتتىڭ بولاشاعى ءۇشىن زور جاۋاپكەرشىلىك ارقالاپ وتىرمىز. كوپ­تەگەن تار جول, تايعاق كەشۋدەن وتكەن ادام, ساياساتكەر رەتىندە, سەمەي يادرو­لىق پوليگونىن جابۋ تۋرالى كۇردەلى شەشىم قابىلداعان مەملەكەت قايراتكەرى رەتىندە مەن الەمدىك ليدەرلەر مەن بۇكىل حالىقارالىق قوعامداستىققا اقىل-پاراساتقا جۇگى­نىڭدەر دەگەن تاباندى تالاپپەن قايرىلىپ وتىرمىن. ادامزاتتى اجال سەپكەن سوعىس قاتەرىنەن مۇلدە ارىلتۋ ءۇشىن قولىمىزدان كەلگەننىڭ ءبارىن جاساۋىمىز كەرەك. ءبىز ءۇشىن قازىر جانە تاياۋ بولاشاقتا بۇدان كوكەيكەستى مىندەت جوق», دەپ جاھاننىڭ تىنىشتىعىن ساقتاۋعا بارشانى شاقىردى. الەمنىڭ تىنىشتىعى ءۇشىن كۇرەسكە شاقىرعان ەلباسىنىڭ وسىنداي ومىرشەڭ ۇسىنىستارى بۇۇ تاراپىنان قولداۋ تاپتى. تەگىندە ادام قولىمەن جاسالاتىن قاۋىپ-قاتەرلەردىڭ, لاڭكەستىك ارەكەتتەردىڭ الدىن الۋعا بارشانىڭ جۇمىلۋى قاجەت. سوندا عانا الەمدە تىنىشتىق ورنايدى. يۋري كۋستادينچەۆ, «ۆوزراجدەنيە» بولگار ەتنومادەني بىرلەستىگىنىڭ توراعاسى,  اتىراۋ وبلىستىق ءماسليحاتىنىڭ دەپۋتاتى اتىراۋ