• 12 شىلدە, 2016

اقپاراتتار اعىنى

301 رەت

كورسەتىلدى

2 مين

وقۋ ءۇشىن

Egemen Qazaqstan

ۇكىمەت 3200 جۇمىسكەردىڭ جالاقىسىن سۋبسيديالاۋدى باستايدى. ونى دەنساۋلىق ساقتاۋ جانە الەۋمەتتىك دامۋ مينيسترلىگى قانات قاقتى رەجىمدە جۇرگىزەدى. شارا قارجى جاعدايى كۇردەلى كاسىپورىنداردىڭ جۇمىسكەرلەرىنە قاتىستى جاسالادى. بۇل تۋرالى ۆيتسە-مينيستر ءبىرجان نۇرىمبەتوۆ ءمالىمدەدى.
تۇرعىن ءۇي ماسەلەسىن تۇبەگەيلى شەشۋ ءۇشىن 15 جىل ىشىندە 1,5 ملن. پاتەر سالىنادى. ۇلتتىق ەكونوميكا ءمينيسترى قۋاندىق بيشىمباەۆتىڭ ايتۋىنشا, بۇل مىندەتتەرگە قول جەتكىزۋ ماقساتىندا ەلباسى نەسيەگە بەرىلەتىن تۇرعىن ءۇيدى ساتىپ الۋ ءۇشىن «بايتەرەك» ۇبح» اكتسيونەرلىك قوعامىن بىرىڭعاي وپەراتور ەتىپ بەلگىلەگەن.
استانادا جەڭىل رەلستى كولىك جولىنىڭ قۇرىلىسى باستالادى. كەلەسى ايدا قۇرىلىسى قولعا الىناتىن بۇل جۇمىس ەلوردانىڭ مەگا جوباسى بولىپ تابىلادى. ال شويىن جولدىڭ قۇرىلىسى 2018 جىلدىڭ كۇزىندە اياقتالادى. ول زاماناۋي جولاۋشىلاردى تاسىمالداۋ جۇيەسى استانا حالىقارالىق اۋەجايى مەن جاڭا تەمىرجول ۆوكزالىن بايلانىستىراتىن بولادى.
تارازدىڭ حالىقارالىق اۋەجايىندا رەسەي مەن تاجىكستانعا شىعاتىن تۇراقتى رەيس اشىلدى. جامبىل وبلىسىنىڭ اكىمدىگىنەن حابارلاعانداي, «حودجاند-تاراز-حودجاند», «سۋرگۋت-تاراز-سۋرگۋت» اتتى العاشقى جولاۋشىلار رەيسى بولدى. «سونىمەن بىرگە, بيىلعى جىلدىڭ 10 شىلدەسىنەن باستاپ «نيجنەۆارتوۆسك-تاراز-نيجنەۆارتوۆسك» جانە «تۇمەن-تاراز-تۇمەن» باعىتتارى بويىنشا تۇراقتى رەيس اشىلدى», – دەلىنگەن حابارلامادا.
اتىراۋدا بەكىرە تەكتەس بالىقتىڭ تۇقىمدىق قورى جاساقتالۋدا. بۇل بالىق ءوسىرۋ زاۋىتتارىنىڭ ىركىلىسسىز جۇمىس ىستەۋى ءۇشىن كەرەك. مۇندا بەكىرە, قورتپا, شوقىر مەن سۇيرىك بالىقتارىنان قاجەتىنشە تۇقىم الۋعا بولادى.
جەتىم بالالاردىڭ ورتاق بازاسى قۇرىلدى. ەلىمىزدىڭ ءبىلىم جانە عىلىم مينيسترلىگى جەتىم بالالار مەن اتا-انا قامقورلىعىنسىز قالعاندارعا وتباسى جىلۋىن سىيلاماق. دەرەكتەر بازاسىندا بالانىڭ جىنىسىنان باستاپ, دەنساۋلىق جاعدايى, مىنەزى, تۋىستارىنىڭ بار-جوقتىعى تۇگەل كورسەتىلەدى. اقپاراتتا بالا ساۋالناماسىنىڭ ءنومىرى دە كورسەتىلەدى. دەرەكتەر بانكى كەلەر جىلدىڭ 1 قاڭتارىنان باستاپ جۇمىس جاسايدى.
زاڭسىز بالىق اۋلاعانداردان مەملەكەت پايداسىنا 60 ملن. تەڭگە ءوندىرىلدى. تابيعات قورعاۋشىلار ىلە وزەنىن اۋەدەن, سۋدان جانە قۇرلىقتان باقىلاۋدى قولعا الدى. بىرلەسكەن شارانىڭ ناتيجەسىندە جىل باسىنان بەرى 2 توننادان استام بالىق, 20 شاقىرىم قىتاي اۋلارى جانە ونداعان موتورلى قايىق تاركىلەنگەن. بۇعان قوسا, بالىق اۋلاۋدىڭ ەڭ سوراقى ادىستەرىن قولدانعان 6 زاڭ بۇزۋشى ۇستالدى.