دزيۋدوشىلار قازاقستان قۇراماسىنا ىرىكتەلدى

[caption id="attachment_50593" align="aligncenter" width="700"] فوتو: مادەنيەت جانە سپورت مينيسترلىگى شتاتتاعى ۇلتتىق كوماندالار جانە سپورت رەزەرۆى ديرەكتسياسى[/caption] وڭتۇستىك قازاقستان وبلىسىنىڭ سارىاعاش اۋدانىندا دزيۋدو كۇرەسىنەن 2001 – 2002 جىلدارى تۋعان جاسوسپىرىمدەر اراسىندا قازاقستان چەمپيوناتى ءوتتى. وعان 15 كوماندا قاتىسىپ, 454 جاس سپورتشى باق سىناستى. دزيۋدو كۇرەسىنەن مەملەكەتتىك جاتتىقتىرۋشىسى ەرجان بايجۇمانوۆتىڭ ايتۋىنشا, وسىنداي جارىستاردى ۇلكەن قالالاردا ەمەس, كەرىسىنشە, وسىنداي كىشىگىرىم اۋدان-قالالاردا, الىس ايماقتاردى وتكىزگەن دۇرىس. دەمەك, ەلىمىزدىڭ شالعايدا جاتقان اۋىلدىق جەرلەرىندە دزيۋدو كۇرەسىن وسىلايشا ناسيحاتتاساق, ودان كوپ نارسە ۇتامىز.  بىرىنشىدەن, سپورت بۇقارالىق سيپات الادى. ەكىنشىدەن, دزيۋدو كۇرەسىنە ادام بالا كەزىنەن قىزىعىپ, سالاماتتى ءومىر سالتىن ۇستانۋعا دەن قويادى. چەمپيوناتتا وڭتۇستىك قازاقستان وبلىسىنىڭ سپورتشىلارى قۇرمەت تۇعىرىنىڭ ەڭ بيىك ساتىسىنا كوتەرىلدى. ەكىنشى ورىندى الماتى وبلىسىنىڭ, ءۇشىنشى ورىندى الماتى قالاسىنىڭ كومانداسى يەلەندى. چەمپيوناتتا جاقسى ونەر كورسەتكەن سپورتشىلار ەلىمىزدىڭ جاسوسپىرىمدەر قۇراماسىنا ىرىكتەلەدى. سودان كەيىن ولار 12 -13 قاراشا كۇندەرى سلوۆەنيانىڭ گرادەك قالاسىندا وتەتىن حالىقارالىق تۋرنيرگە قاتىسادى. داستان كەنجالين