نوسەر ءنوپىرى

وسكەمەندە ۇزاقتى كۇنگە اي­نالىپ جۇرگەن قارا بۇلت ءنو­سەر بولىپ قۇيىپ, باداناداي بۇر­شاعىن دا اياماستان توكتى. وب­لىس ورتالىعىنىڭ كەيبىر ءبو­لىگىن قاتتى جاۋعان جاڭبىردان كولكىلدەگەن سۋ باستى. ايتالىق, تاۋەلسىزدىك داڭعىلى توبىقتان جوعارى تەڭىزگە اينالدى. اسىرەسە, مەتاللۋرگتەر مادەنيەت سارايى اۋماعىمەن كولىكتەر اۋپىرىمدەپ وتسە, جاياۋ جۇرگىنشىلەر قوزعالا ال­ماي قالدى. قۇددى ۆەنەتسيا كو­رىنىسى كەلىپ ورناعانداي دەس­تى وسكەمەندىكتەر. توتەنشە جاع­داي قىزمەتكەرلەرى قالانىڭ بۇل اۋماعىنداعى جاعدايدىڭ ەر­نەۋىنە تولىپ اعىپ جاتقان ەرتىس وزە­نىنە قاتىسى جوق ەكەندىگىن ايتادى. سونداي-اق, وبلىستىق ماي ماڭايىندا قاڭتارۋلى تۇر­عان كولىكتەر بەلۋارىنا دەيىن سۋ استىندا قالدى. شاماسى, جاۋ­ىن مەن قار سۋىن اعىزاتىن كوشە­دەگى كارىز جۇيەلەرىنىڭ ءبىرى ىستەن شىق­سا كەرەك. ياعني, كارىزدەر قوقىستان ۋاقتىلى تازالانباعان بولۋى ىقتيمال. گاگارين بۋلۆارى مەن بەلينسكي كوشەسىندەگى كەيبىر ۇيلەر ەلەكتر قۋاتىنسىز قالدى. الەۋمەتتىك جەلىلەردە تا­بيعاتتىڭ توسىن قۇبىلىسىنا تاڭ بولعان تۇرعىندار ءتۇرلى سۋرەتتەر جاريالاپ جاتتى. ءبىر قىزىعى, بۇرشاقتى نوسەر قالانىڭ بارلىق تۇسىنا جاۋماعان. ماسەلەن, گاگارين بۋلۆارى, مۇناي بازاسى مەن اۋەجاي اۋماعىنا بارماق باسىنداي بۇرشاق تۇسسە, سول ۋاقىتتا وپىتنوە پولە مەن وزەن ۆوكزالى اۋماعىندا جاۋىن جاي عانا سىركىرەپ وتكەن. ال وكتيابر اۋدانىنا تامشى دا تامباعان. قالاعا جاقىن ورنالاسقان ۇلان اۋدانىنىڭ اۋماعىنداعى سايا­جايلاردا جۇرگەن تۇرعىندار بۇرشاقتىڭ ءىرى بولعانىن جەتكىزدى. قالالىق تۇرعىن ءۇي-كوم­مۋ­­نال­دىق شارۋاشىلىعى, جو­لاۋشى­لار كولىگى جانە اۆتوكو­لىك جولدارى ءبولىمىنىڭ جەتەكشىسى اسقار جاقسىلىقوۆ شاھار اۋماعىندا ءبىر ساعاتقا جەتەر-جەتپەس ۋاقىتتا ءبىر ايلىق جاۋىن-شاشىن مولشەرى تۇسكەنىن, سۋ باسقان اۋماقتارعا تەحنيكالار جونەلتىلگەنىن, سۋلاردى سورىپ الۋ جۇمىستارى جۇرگىزىلىپ جاتقانىن جەتكىزدى. دۋمان اناش, «ەگەمەن قازاقستان» وسكەمەن